🦋 إسكريبتات شروق حسام 🦋

الجزء الرابع 🦋

بقلم شروق حسام 🦋

عدت أيام كتيرة لحد ما عدي شهرين

وبدر بيعامل لمى بنفس الطريقة ذل وإهانة وبياخد حقه منها بالغصب وبيعاملها زي الخدامة تحت رجليه

لمى بخضة " حاضر حاضر والله قايمة ماتضربنيش "

بدر بقرف " قومي يلا نضفي الميه دي وإنزلي نضفي الفيلا مليانة تراب "

هزت راسها بسرعة وقامت بخوف أحسن ما يقرب منها وياخد حقه بالغصب زي كل يوم هي بقت تقرف منه ومن نفسها وبقت تخاف أي حد يقرب منها

بصت علي هدومها المبلولة من الميه اللي حدفها عليها وجت عشان تغيرهم منعها

_" راحة فين يا قطة "

_" هغير هدومي أنا حاسة بساقعة "

_" تؤ تؤ تؤ أننِ كده حلوة أوي روحي شوفي شغلك ولا "

كمل بغمزة " أنتِ عايزة نقعد مع بعض شوية "

لمى بصت له بخوف وراحت تنضف الفيلا زي ما أمرها

نضفت كل مكان في الفيلا وماسبتش زاوية مش نضيفة لحد ما فضل آخر حاجة وهي المكتبة اللي فيها الكتب

فضت رف رف وحافظت علي ترتيب الكتب وهي بتشيلهم عشان مايزعقلهاش

نضفت التراب اللي علي الرفوف واللي علي الكتب وهي بتفكر مع نفسها

_" هو أنا عملت إيه في حياتي عشان أشوف الذل ده كله "

_" أنا عمري في حياتي ما شوفته ولا أعرفه عشان يعاملني كده "

_" هو أنا وحشة عشان يحصل فيا كل ده "

كملت بسخرية " حتي التايكوندو مش قادرة أستخدمه أنا بقيت ضعيفة مش قادرة حتي أتحرك ولا أدافع عن نفسي مفيش حتة في جسمي سليمة بسببه "

_" كل اللي كنت بعمله وإجتهادي كل السنين دي بيروح مفيش حد قدر حتي اللي كنت بعمل عشانهم كل ده خذلوني ومحدش فيهم صدقني "

فضلت سرحانة وهي واقفة علي السلم وبترص الكتب اللي فوق خلصت وجت تنزل إتزحلقت وقعت علي الارض بسبب شرودها وسرحانها

كانت هتصرخ من الألم بس حطت إيديها علي بؤها عشان مايسمعهاش ويبهدلها حاولت تقوم بس ماقدرتش حاسة إن فيه ضلع أو عضمة إتكسرت بس حاولت تتطمن نفسها إنها كويسة

قامت بصعوبة من مكانها وحاولت تستند علي الحيطة لكن ماقدرتش ووقعت تاني مكانها والمرة دي شافت علي الأرض دم كتير مش عارفة جاي منين بصت حواليها لقته جاي منها هي أول ما شافت كده ماستحملتش وأغمي عليها

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في المستشفي

_" اااااه أنا إيه اللي جابني هنا "

جت تقوم حست بوجع فظيع في الحوض وفي دراعها

الدكتور بخوف " خليكِ مكانك وماتتحركيش أنتِ عندك كسر وكتر الحركة ممكن يعمل مضاعفات "

لمى بتعب " ط..طب ليه..أنا حاسة...بوجع في الحوض هو فيه كسر ....هو كمان "

الدكتور بأسف " حضرتك كنتِ حامل والظاهر إنك وقعتي من مكان عالي فالجنين ماستحملش ومات "

كمل بجدية " ده غير إنك كنتِ جاية وهدومك كلها مبلولة فيعتبر إنك خدتي برد شديد ولولا ستر ربنا كان ممكن يحصل لك حاجة "

لمى ببرود " تمام ماشي وبعدين مين اللي جابني هنا "

الدكتور بإستغراب من برودها إنها ماتأثرتش بنسبة 1% حتي على موت جنينها بس هو عارف إيه اللي كان بيحصل لما كان بيعمل العملية وشاف أثار التعذيب والإغتصاب علي جسمها

_" زوج حضرتك هو اللي جابك هو واقف بره أناديهولك "

_" تمام "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_" أهلًا أهلًا بدر باشا عامل إيه كويس قلبك مطمن ضميرك مرتاح مش كده قولي قولي ماتتكسفش أنا مراتك بردوه "

بدر ببرود " من الآخر عايزة تقولي إيه يا لمى "

_" عايزة أقول لك الحمد لله إنه مات أنا مكنتش هطيق أشوفه لما يجي وأشوف نتيجة إغتصابك وتعذيبك ليا وإن شاء الله بإذن الواحد الأحد هتشوف أيام سودا في الدنيا وفي الآخرى علي اللي انت عملته فيا "

_" أنتِ السبب وأنتِ اللي لعبتي مع الشخص الغلط "

_" هههه أعمل فيها المظلوم هو أنا عمري شوفتك في حياتي قبل كده ولا كلمتك أصلًا ده أنت خبث والشر مالي دمك "

_" أنتِ بجد ممثلة من الدرجة الأولي عايزة تاخدي واحد من مراته وأنا أفضل واقف ساكت وبتفرج علي دمار عيلتي مش كده "

لمى بصدمة " أنت بتقول إيه "

#زواج_بالتهديد
#شروق_حسام