⭐️⭐️⭐️
العداوة الي كانت بين ديرة بن عفيف وديرة ال مغيره مسألة دم وذبح وقتل، كل ماينطرح واحد من ال مغيره بيد بن عفيف ويردونها لهم بنفس المستوى والوحشية
كانت البداية من دفاع عن النفس
من قِبل رجال من ال مغيره الي قتل واحد من بن عفيف
وماسكتوا ولا رضوا بالدية ومن يوم اعلنوا " الدم بالدم " بدأت المجزره وكان تعاون ال كثران مع ال مغيره واضح من البداية نظرًا للنسب الي يجمعهم ووجهة النظر الي اتخذها الشيخ نبهان بأن كان عندهم خيار الاكتفاء بالدية بدون اللجوء لاشياء ماتوقف
ديرة ال مغيره
طلع من الغرفة بعد ماقطع عليه اشد اوقاته حبًا ومرته بين يدينه، وماكانت الا بشاير الي اعتذرت لعمها من فتح الباب وتعطيه خبر بأن فيه رجال يبغاه عند الباب
وقتها اخذ شماغه وبشته يعدله عليه وطلع لعند الباب
على وقوف سفاح عاقد حواجبه من رؤية واحد من رجال الديرة واقف عند الباب ويلهث وكأن صار شي
لف لوصيف ومنيفة الي وراه يأشر لهم بدخول البيت وصار هو والشيخ رماح امام هذا الرجال الي ناظر الشيخ رماح من نطق : عسى ماشر شصاير ؟
نطق الرجال بعد مااخذ نفس : الشيخ حابس انغدر من رجاله لكن تصدّى والحين قايمه قومة بين رجاله
مسح سفاح على شنبه يضحك بخفه : عساهم من هالحالة وادمى
زفر انفاسه الشيخ رماح بتفكير، ثم نطق بعد وهله : اجمع بعض الرجال واتجهوا للديرة عاونوه وانا لاحقكم مع رجال ال كثران
جمدت ملامح سفاح يناظره، ينتظر رحيل الرجال
ولما راح الرجال نطق سفاح : منجدك رماح؟
هز راسه الشيخ رماح يمسح على ملامحه بتنهيده : صرنا نسايب ولا نسيت! لزوم نعاونه
بنبرة غاضبه نطق سفاح : بس يارماح هذا العدو! في الوقت الي المفروض نطرحه تروح تعاونه!
لفح طرف سبحته يضرب بها صدر سفاح ونطق بنبرة حاده : ايه لزوم نعاونه! انا ماصدقت ان نترك الدم والسفك ونتناسب رغم الظروف! نبغى نعمّر هالديار ياسفاح مانمحيّها!
هز راسه سفاح بالنفي دليل على عدم رضاه يصد ومسواكه اتخذ مكانه، يلف من كمل الشيخ رماح : اخذ الاذن من الشيخ نبهان واجمع كم رجال عندكم نروّح لديارهم
اخذ نفس سفاح يهز راسه ويأشر على خشمه : على هالخشم
ابتعد سفاح بعد مااعطاه الاذن ولف الشيخ رماح من لمح عرّاب يأشر له الشيخ رماح يجي وفعلًا استجاب بسرعة
ركض عرّاب لما وصل امام عمه ينطق : سمّ
بنبرة غاضبة رد الشيخ رماح : ولد عمك السفله وينه؟
