الجزء الثالث

2.5K 339 85
                                    

#طريق_يؤدي_اليك
.
.
.
.
.
.
.
ZAHRAA_kkk
زهراء السراي
.
.
.
متابعة للحساب دعماً للكاتبة 💙
تعليق بين الفقرات وتصويت دعماً للقصة💙
شاركو القصة مع اصدقائكم لطفاً 💙
.
.
.
.
.
.
وحبل الكذب مهما طال
لابد له من أنقطاع
.
.
.
.

بثينة
__________________

الساعة بالوحدة والناس نايمة
والبيوت هدوء
واني مقفلة البيبان بخوف
اسبوع محيي مختفي
واني وبنتي لوحدنة
مخليتهة بحضني
وسمعت صوت رگع عالباب قوووي
ركضت عبالي محيي
بس هو اغلب الوقت يطفر الحايط
ويدخل يدگ علية باب المطبخ

واگفة ورة الباب من بعيد بخوف
صحت

-منوووووو ليش هجمتوووو الباب

-ويييين محي الجبااااااان

-ماادري مموجود

-ترحييين مثل الحبابة تصيحي ترة نطب نسحلة سحل

بجيت وگوة طلعت الكلمة من لساني

-والله خوية مموجود صار اسبوع مختفي

حجة واحد بصوت ناصي

-هالنذل مخلي هالحديثة وحدهة بالبيت

-شنووو شايفهة

-اي من راقبت البيت شفتهة تاخذ خبز تودي للبيع

حجة ابو صوت الخشن

-عذرينة خوفناج بس رجلج مديون النة كومة فلووووس طفر بيهن وراح

-والله ماادري بي ماخذ فلوس

-احنة جماعة العمارة قبل فترة هم لزمنا واكل المقسوم
وگال راح ادبرهن
وطلع تاليهة ذابهن عالدمبلة والاقمار

شهگت وسمعت صوتة استغفر

-استغفر الله خوية انت ماتدرين بسوالف رجلج

بجيت بصوت

-والله ماادري وروح اهلي
وفدوة روحو منا الناس تدري بية دائما وحدي
ومن يشوفوكم واكفين ببابي بنصاص الليالي
يشكون بسمعتي ويجيبوهة بالعاطل

-استغفر الله ربي يستر على ولايانة
باعي بوية احنة رايحين وماراح نوگف ببابج ابد
بس بلغي وين مانلزمة هو حصتنة وحظة راح نطيحة

گال كلمتة وسمعت صوت خطواتهم
وهمة رايحين
گعدت ابجي على الموقف اللي خلاني بي محيي
يعني أقمار يلعب
من هاي مضيع فلوس شغلي
وفلوسة
گعدت يم بنتي عالسرير
اباوعلهة نايمة ومثل الوردة المفتحة
بعيونهة الشهل وشعرهة الملفلف البني مثل عمتهة
وبياضهة ونعومتهة سبحان الله
صدگ طلعت تشبه فاتن
شنو مصيري اني وهالصغيرة
شنو ذنبنة نتبهذل ونتشرد بسبب محيي
عيني مااخذت نوم للصبح
گلبي مشتعل نار وقهر
بيت جبير علية
وجاي الم آجارة بدموع عيوني وتعبي
من الصبح
لبست عباتي واخذت بنتي بحضني
ورحت لبيت ابو ياسر
صبحت عليهم
واني وجهي مورم من الدموع والقهر
بس شفت ام ياسر انفجرت باجية
وحجيتلهة اللي صار

طريق يؤدي اليك حيث تعيش القصص. اكتشف الآن