ذراري الهجرس

البارت التاسع والثلاثون

البارت التاسع والثلاثون........

قبل لا تبدون بل بارت سوو تصويت ومتابعة وانطوني رأيكم ✨❤️

*********************************

بقلمي : زينب أنمار ✨

كلمات تنسج
وكذب يلفق
عيون لاتكذب
لكن كيف لي أن اراها وانا ضريرة العينين

أيها الكاذب
أيها المنافق
قف مكانك..
فانا التي نسجت قصيدة اكاذيبك علي
وجعلتني اصدك مابها من القوافي والابيات الغاشمة
قلت لي ساصبح لك شمس تنير عتمة ايامك
وها انت أمسيت ديماسا اسود يزيد حلاكة ايامي

كنت سأغدو لك نسمة
لكنك خنقتني بسمومك
كنت سأنزل لك نعمة
لكنك رميتني بلعنتك
كنت ساهيم بك عشقا
لكنك قطعت قلبي النابض لك

صدمة تحبس انفاسنا وترمي بكل ذرات من العقلية الي نحتاجها لتزيين حياتنا
هل تعلمون مااكثر الاشياء قباحة في العالم؟
انها الاكاذيب واشنعها التي تحيك مأساتنا غرزة غرزة لنشهدها في الحاضر والمستقبل

هناك مرات نعفو فيها عن الكذب والكاذب حين نعتقد انه يحمينا من حقيقة مُرة لكن هل هناك مسوغ ببساطة لا!!

وقبل اكتمال النسيج
ايغفر للخائن؟
هل يسامح الذي يلعب في مشاعر الناس
هل يسامح الحقير الذي يخدع أثنى ولديه أخرى

جنت مثل الي صحو من حلم جبير بكلاص ماء مجرش مااعتازو يخافون عليه ومااهتمو بمشاعري فقط هدمو الي بنيته بثنايا احلامي رجعت أكرر الكلام الي سمعته مامصدكه : بنته!!

حسيت واحد لزمني واجه صوت حيدرة يحاول يهديني : ترانيم تنفسي ترانيم

مثل المغيبة جنت افكر فقط مستحيل هو يسويها والله هو كال احبج هو كال انتي كلشي ااي هو كال هذا الشي مستحيل هذا جذب اكيد من الهجرس جاي هنا حتى يجذب ويخرب احلامي

صحاني على الواقع صوت شفع : اطلللع

الهجرس : كتلك اريد نوح ليش هيجي مسوي المسألة جبيرة

شفع : درة اخذي اختج جوه بسرعه

رادت تجرني من ايدي بس سحبتها بسرعه وتقدمت للامام بدون اي تفكير مرتين عثرت ولزمني شخص لحد ماهمس صوت يمي : هياته كاعد قريب من هنا

وكفت بمكاني وكلت بهدوء ينافي مابداخلي : الي كلته صحيح؟

جاوبني بكل سهولة يكسر كل امل تبقى الي : اي ليش اجذب تريدين اجيب مرته وبنته تشوفيهم

وكفت ساكنة بمكاني مااعرف شسوي بهاي اللحظة ابجي؟ اضحك؟ اكعد ساكنة؟ اصرخ؟ اعاتب؟

شنو الي راح يبرد كلبي بهاي اللحظة غمضت عيوني اريد اكعد بمكان وحدي اطلع بي كل قهري بس ماكو

حسيت بشخص شالني لحضنه وكال بقهر ينافس القهر الي احس بي : لا تبجين عزيزة كلبي لا تبجين ماعرفت شلون احميكم كله مني وكله خطئي اسف بنتي