တီ! တီ!
Fourth တစ်ယောက် အိပ်နေရာမှ ဖုန်းမြည်သံကြောင့်နိုးလာပြီး လက်နဲ့ဖုန်းရှိရာကိုစမ်းကာ ယူ၍ ကိုင်လိုက်သည်။
"ဟယ်လို ဘယ်သူလဲ"
"သိချင် အိမ်ရှေ့ထွက်လာခဲ့"
တစ်ဖက်က ပြောနေသည့်အသံက Gemini ဖြစ်တာကြောင့် မျက်လုံးပြူးသွားသည်။ မနက်အစောကြီး ဘာလာလုပ်တာလဲ?။မယုံလို့ အခန်းပြင်ထွက်ကာ ဧည့်ခန်းထဲက လိုက်ကာ ကိုဖွင့်ကြည့်လိုက်တော့ ကားရှေ့မှာ မတ်တပ်ရပ်နေတဲ့ Gemini ကိုတွေ့လိုက်သည်။
အခန်းထဲပြန်၀င်ကာ မြန်မြန်ဆန်ဆန် မျက်နှာသစ်သွားတိုက်ကာ အိမ်ရှေ့ထွက်လာခဲ့သည်။ အိမ်ပြင်ရောက်တော့ ခြံရှေ့မှာ ကားကိုမှီကာ စတိုင်ကျကျမတ်တပ်ရပ်နေပြီး သူ့ကိုပြုံးပြကာ လက်ပြနှုတ်ဆက်နေသည့် သူ့ကို တွေ့လိုက်သည်။Gemini အနားသွားလိုက်ပြီး အလိုမကျ မျက်လုံးတွေနဲ့မေးလိုက်သည်။
"မနက်အစောကြီး ဘာလာလုပ်တာလဲ"
"ရည်းစားလေးကို လာကြိုတာလေ"
"ကလေးမဟုတ်ဘူး ငါ့ဘာသာသွားတတ်တယ်"
"အယ် ဟုလား ကိုယ့် မျက်လုံးထဲမှာ ရန်လိုနေတဲ့ ကြောင်ပေါက်လေးတစ်ကောင်လိုပဲ"
Gemini ပြောရင်း Fourth ခေါင်းကိုလက်နဲ့ လာဖွတာကြောင့် ဆိုးနေတဲ့စိတ်တွေ ကြက်ပျောက်ငှက်ပျောက်ဖြစ်ကုန်သည်။ ရီကာစနေတဲ့သူကြောင့် သူ့ပျော်ရွှင်မူတွေပါ ကူးစက်လာပြီး လိုက်ပြုံးမိသည်။
"အမ်းအမ်း အ၀တ်အစားသွားလဲလိုက်အုံးမယ်"
"လိုက်ခဲ့ရအုံးမလား"
"မလိုက်နဲ့ ခနလေးပဲစောင့်"
Gemini ခေါင်းငြိမ့်ပြတော့ Fourth တစ်ယောက် အိမ်ထဲ၀င်ကာ အ၀တ်အစားအမြန်လဲပြီး ပြန်ထွက်လာခဲ့သည်။
သူလာတော့ Gemini တစ်ယောက် ကားတံခါးကိုဖွင့်ပေးေတာ့ သူလည်း အလိုက်တသိ၀င်လိုက်သည်။ Gemini လည်း သူ့ဘေးနားက နေရာမှာ ၀င်ထိုင်ပြီး သူ့လက်မှာ ပတ်ထားတဲ့နာရီကို ကြည့်ကာ မေးလာသည်။
"ကျောင်းတတ်ဖို့အစောကြီးလိုသေးတာဆိုတော့ ဘယ်ဆိုင်မှာ မနက်စာသွားစားကြမလဲ"
YOU ARE READING
My Boyfriend is football player
Romanceကျောင်းမှာပေါ်ပြူလာ ဖြစ်တဲ့ ဘောလုံးသမား Red flag ကြီး Gemin Norawit က အစွာလေး Fourth Nattawit ကိုချစ်မိသွားတဲ့ပုံစံလေးပါ><
