رُوايَة ________ظِلْ
حُب وَ حَرب
نبدأ بـسم اللّٰه
ـــــــــــــــــــــــــــــ
قراءة مُمتعة ....
فرح : غفيت وما فزيت غير على صوت دگة باب الغرفة نهضت والنعاس بعيني ترف على نومتها ولا تحركت والباب يندگ بخفة باوعت الساعة بالخمسة ونص الفجر گمت فتحتة والنعاس طار من عيني من شفت الذيب ولابس الزي العسكري حتى هو مبين انصدم مثلي واكثر مني بعد
_ شجابك شنو شكو شتريد اقصد شنو .
باوع على جسمي مصدوم واندار بضحكة خفيفة فرك عيونة بأطراف أصابعه ابتسمت مجاملة اتفادى الفشلة ، هلو .
_ هههههههههه يااا يابه بوجهمن طلعت اليوم حتى السلام بعد ما اعرف اسلم فوتي جوا وناديلي ترف بلا أمر عليچ .
رحت گعدت ترف گوة فتحت عيونها.
_ حبابه گووومي هذا الذيب مدري شعنده هنا جاي يدگ بباب الغرفة گومي شوفي خاف صاير شي .
_ شبيچ وجهچ انلبگ هو من يجي متعود اجهزله ملابسة واغراضة .
_ ليش ؟
_ چا منو يگومله غير انا قابل يروح لجود .
_ لحظة يمكن اني خربطت اگُلچ هو شنو سبب وجوده هنا؟
_ ولچ اخوووي .
_ ههههههه حظي اخوچ لعد متحچين هيچ من البداية .
الذيب : خوية نمتي طمنيني شصار وصلتي لو بعدچ بالطريق كل هذا نوووم وياچ ولچ تررررف راح اعوفنچ وامشي تعبان مو تگوولين ما گعدتني .
ترف : اجيت يبعد عيني اجيت البت هاي تلغي براسي نستني .
فرح : يااا .
عبرتني تضحك وطلعت غيرت ملابسي وطلعت وراها تسوي ريوگ والذيب دخل للحمام وطلع ينشف بشعره عن المي رفع راسه باوعلي بضحكة ودنگ .
الذيب : شلونچ .
فرح : زينة .
الذيب : يا بعد زيني .
فرح : نعم؟
الذيب : ترررف صبي چاي بعد اخوووچ انحمست حمس .
ترف : من المياعة انا صعد عندي الجالي ههههههههه .
صافنة عليهم يتهامسون بينهم ويضحكون گمزت على صوت عزوز ردت اطفر بنص الصينية لو ما الفشلة دنگ فاتح اديه للذيب وحضنه .
