🦋 إسكريبتات شروق حسام 🦋

الجزء الثاني 🦋

بقلم شروق حسام 🦋

في لحظات كان بدر مرمي علي الأرض بعد ما لمى ضربته

لمى بشماتة " هي مامي ماقلتلكش قبل كده ماتلعبش مع الكبار ولا هي شكلها أصلًا نسيت تربيك يا حلو "

كملت بغمزة " معايا الحزام الأسود في التايكوندو يا بدورة "

_" سلامااات "

لمى سابته وخرجت بسرعة وهو كان مرمي علي الأرض مش قادر يقوم مد إيده في جيبه بصعوبة ورن علي واحد من رجالته 

_" أنت..يا بني فيه واحدة هتحاول تهرب...حاول تمنعها بأي طريقة فاااهم وزع الحرس في كل المناطق اللي حوالين الفيلا ومش...مش عايز شبر واحد مايكونش فيه حرس عايزها قدامي خلال خمس دقايق عايشة او ميتة "

سويلم بطاعة " حاضر يا باشا "

قفل بدر معاه ونام علي الأرض وهو بيبص للسقف بغضب وعدم تصديق " إزاي حتة بت مفعوصة زي دي قدرت تعمل فيا أنا كده فعلًا مش بالمظاهر لأنها دايمًا خداعة "

كمل بغرور العظمة اللي دايمًا بيحسه " بس وحياة بابا لهجيبك وهفعصك تحت رجليا "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

علي الناحية التانية

كانت لمى عمالة تجري وهي بتحاول تدور علي باب تخرج منه هي مش مستعدة تبقى زي بطلات الروايات اللي بيتجوزوا غصبًا عنهم هي مش مستعدة تكسر ثقة أهلها هي مش مستعدة تخسر شرفها عشان واحد زي ده

سمعت صوت عالي قريب منها وكان صوت سويلم

سويلم بغضب " إنتشروا في كل مكان الباشا عايزها تكون قدامه خلال 5 دقايق عايشة أو ميتة بسرعة "

لمى سمعت كده إتصدمت يعني إيه عايشة أو ميتة هي شكلها وقعت مع واحد مختل عقليًا دخلت أوضة عشوائية لقيتها مخزن قديم فضلت قاعدة فيه وسط الضلمة وهي بتحاول تدور علي أي مخرج حتي إن مفيش حاجة معاها تقدر تساعدها حتي موبايلها مش معاها لأنه خده منها

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد ساعة

في مكتب بدر الحرس كلهم كانوا واقفين ومنزلين راسهم لتحت

_" يعنييي إييييه محدش فيكم لاقاهااا هي مش إبرة وضاعت في كومة قش هي "

سويلم بخوف " يا باشا دورنا في كل مكان جوا وبره الفيلا وماسيبناش مكان إلا ودورنا فيه "

بدر كان لسه هيتكلم إفتكر كاميرات المراقبة راح ناحية اللاب وفتح التسجيلات وجاب الوقت التقريبي اللي هي هربت فيه فضل باصص للاب توب بتمعن تحت نظرات الحرس المترقبة

بدر خرج من غير ولا كلمة وراح ناحية المخزن فتحه بهدوء لقاها نايمة في جنب بعيد وسط شبك العنكبوت

شالها بهدوء ووداها علي أوضة من الأوض و خلع قميصه وقعد جنبها وإداها إبرة تخليها تهلوس وبعدين جاب جردل ميه ورماه عليها قبل ما مفعول الإبرة يشتغل

فضلت لمى عمالة تهلوس وتشوف تخيلات كتير وشافت إن بدر قرب منها وإنتهكها

بعد فترة صحيت وهي حاسة بصداع ووجع رهيب وشافت اللي صدمها أكتر من الحالة اللي هي فيها

#زواج_بالتهديد
#شروق_حسام