🦋 إسكريبتات شروق حسام 🦋

الجزء الأخير 🦋

بقلم شروق حسام 🦋

_" أنتم مين وماسكين مراتي كده ليه إبعدوا عنها "

رحمة بسخرية " أنا أمها يا حيلتها وأنا جاية عشان أرجعها لجوزها "

اروى بدموع " كدب يا عمرو أنا إتطلقت "

رحمة بغضب " جوزك وعايز يرجعك أهو علي الأقل هتهتمي بإبنه اللي جاي مافيهاش حاجة يعني "

عمرو بحدة وهو بيشد أروى ناحيته وبيرجعها ورا ضهره " لا فيها اروى مراتي ومش هتروح في حتة هي إتطلقت من زمان وورقة الطلاق وصلت لها وكمان للدرجادي عايزة تبيعي بنتك بالرخيص يعني عايزة ترجعيها عشان تبقي زي الدادة لا أنتِ بجد أم مفيش أسوء منها "

رنا بقرف " بتدافع عنها هههه باعت لك نفسها بكام الوسخة ها قول لعبت عليك عشان تتجوزها مش كده  "

اروى بقهر وصوت عالي " بطلي بقي بطلي أنتِ إييييه مش بترحمي إرحمواااا من في الأررض يرحمكم من في السماء أننِ بتطعنيني في شرفي أنتِ مخلوقة من إيه من نااار "

_" أنتم أصلًا عرفتوا مكانِ منين "

رنا بسخرية " طول عمرك قليلة رباية لو كانت بس رحمة شدت عليكِ أكتر كان زمانك إتظبطي وإتكلمتي بإحترام وعلى إزاي جينا فصورك يا سنيورة مالية الأخبار ما أننِ وقعتي الراجل وخلتيه زي الخاتم في صباعك وإستغلتيه ما أنا عرفاكي "

اروى بحشرجة " مش عارفاني ولا عمرك هتعرفيني "

عمرو صعبت عليه اروى من معاملة أهلها شاف قد إيه هي تعبانة فإتكلم بحدة " يلا بره من غير مطرود "

رحمة بحدة " أنت بتقول إيه مش همشي من غيرها "

عمرو بقسوة " أنتِ جاية دلوقتي تسألي عليها وعايزاها إطلعوا بره أحسن ما أنادي على الأمن اللي حسابهم معايا هيكون تقيل إنهم دخلوكم هنا "

_" يلاااا بررره "

رحمة ورنا خافوا منه ومن صوته فخرجوا بره بسرعة لف لاروى لاقاها تعبانة وحاسة بصداع ودوخة فراح شالها ووداها أوضتهم 

كل ده تحت نظرات ياسمين اللي كانت بتراقب الحوار بغيظ وغضب وصدمة من إن أخوها إتجوز واحدة مطلقة

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
بعد فترة

كان عمرو حط اروى على السرير عشان تنام وهو نام جنبها عشان يطمن عليها

مرت دقايق كتير لحد ما فاق علي صوت همهمات

_" بابا أنا بحبك ماتسبنيش وتمشي ماما مش بتحبني بابا ماتسبنيش "

_" اروى اروى أصحى يا اروى أصحى "

اروى بخضة وهي بتحط إيديها علي وشها بخوف " أنا آسفة خلاص ماتضربنيش أنا آسفة هقوم أنضف أهو "

عمرو حضنها وهو حاسس بكسرة من جواه " أهدي أهدي أنتِ بتحلمي بكابوس مش حلو مش كده ماتقلقيش مش هيرجع تاني الكابوس ده "