الجزء الثاني

2.6K 333 56
                                    

#طريق_يؤدي_اليك
.
.
.
.
.
.
زهراء السراي
ZAHRAA_kkk
.
.
.
.
متابعة للحساب دعماً للكاتبة 💙
تعليق بين الفقرات وتصويت دعماً للقصة💙
شاركو القصة مع اصدقائكم لطفاً 💙
.
.
.
.
.
.
والظالم مهما بلغ ظلمهُ لن يعترف بهِ ولو كانت
الحقيقة مابين عيناه
.
.
.
.

بثينة
______________________

كيف لمن ظلم شخصاً
أن ينام ليله ولا يفزع
خوفاً مما فعل

ساعات  مرت علينة
برعب اني وعمتي
واحنة ننتظر خبر
من محيي يطمنة بي على
فاتن
بالستة ونص طلع يدورهة
وهسة الساعة بالتسعة
گاعدين بالطارمة عالدجة مال الباب
وصافنين حايرين بمكان فاتن وين ممكن يكون

انفتحت الباب ودخل محيي وهو ساحبهة ويا
من ايدهة وعيونة ينفثن نار
اما هي فعيونهة بيهن ظلام غريب
كأن الحياة غادرتهن

شمرهة بالگاع بقوة وگعت على رجليهة

-فهمني يمة اختتك وين جانت

-ووووين يعني تتوسل وتتذلل لطليقهة
علمود جهالهة اللي اصلا ميعرفوهة

-صخااااام بوجهج ولج يمة شعندج الفجر رايحة
للناس ولج كافي عيشي وتزوجي وخلفي
باقية عايشة بالماضي ولج شمرج مثل الجلب هنا وشمر فلوس الحاضر والغايب وراح

كثر الكلام وقل بينهم
ومحد مهتم للمسكينة اللي بالگاع
رفعتهة من ايديهة ورحت بيهة لغرفتنة
ساكتة متحجي
سمعت خطوات عمتي جاية
وصوت رگعة الباب بقوة
يعني محيي طلع

وگفت عمتي بالباب تلوم بيهة

-طردج موووو شحصلتي من روحتج بس الفشلة
سنين كل رجال يجيج متقبلين هاي تاليتج كبرتي
ومحد بعد يدگ بابج الزلم تدور صغار

گالت عمتي كلامهة القاسي ودارت
وجهة وراحت
بدون اي كلام تمددت فاتن عالسرير
وخلت راسهة على رجلي
وانطلقت تحجي

-اول مرة شافني بيهة عمر جنت طالعة من البيت للدوام
ستوني ادوام ثالث متوسط
مستعجلة بالمشي حتى
اوصل للمدرسة بسرعة
عندي أمتحان رياضيات
وهو طالع من طارمة أقربائهم
نازل بسيارتة بسرعة للرصيف
همزين مالطخني بالگاع
طفر علية مي من الشارع وعطت

-شبييييك متشوووف

فتح الجامة وباوعلي رافع حاجبة

-انت رجليج عوجة اني شعلية

باوعتلة صفح واني امسح بوجهي وادردم

-صلللف وقح

سمعت صوت ضحكتة وراية
ترن واني ماشية
وتوالت الأيام بكل جية يبقى بيهة يم بيت اقربائهم
يطلع وية طلعتي للدوام
لحد ماطلب أيدي
متتخيلين الدلال
اللي دللنيا
حاسبني طفلة
مو زوجتة اللبس عالموديل
الذهب
السهرات والطلعات
لحد مصار عندي فراس
وورا نورس
شيلبسهم ويوكلهم يسويلي
حبني وحبيتة هواية
اساساً فتحت عيني علي
وگالياها من ماتت سهى
اخوج ظلمج وظلمني وظلم أختي واطلع جبان
اذا مارديتهة الة بالمثل
عبالة محيي مثلة يهتملي لو ينحرگ گلبة
علية
من تطلگت عمر رجع حقوقي كاملة
ومحيي اللي المفروض يكون سندي
ضيع فلوس الغايب مالتي وذهبي وبمساعدة امي
تسحب وتنطي عود اني مأمنتهن يمهة
كل يوم مشروع فاشل وفلسني
لا من حصلت عائلتي
ولا من عشت باللي عندي
وهسة زاد بظلمة الية جايبلي شايب
يريد يزوجني
اريدج شاهدة عليهم بثينة خاف بيوم من الايام
يصيرلي شي
فآني ما محللتهم ذمة برگبتهم هو وامي كل اذية
وقهر ودمعة طاحت حزن على اطفالي

طريق يؤدي اليك حيث تعيش القصص. اكتشف الآن