بسم الله الرحمن الرحيم
#ميل_الخلابة
#الكاتبة_روح_الدليمي
البارتات تطول على حسب تفاعلكم♥️
لتنسون التصويت و التعليق بين الفقرات
********************
"مصطفى"
صار اسبوع من رجعنه الخطار استلمونه يوميه يجون يباركون علمود الزواج، ابويه جماعته هوايه و اكو بيهم ما كدروا يحظرون العرس لان صار بسرعه و همَّ بغير محافظات
كعدت من الصبح فتت سبحت و طلعت لكيت نبأ گاعده و محظرتلي ملابسي على الجربايه، رحت عليها حضنتها من وره و حطيت راسي برگبتها
نبأ: نعيماً حَبيبي
مصطفى: ينعم عليج گلبي
نبأ: مصطفى شوكت تطلك سيدرا ؟
مصطفى: المفروض اليوم اهلها يجون احجيلهم كلشي و اطلكها
نبأ: احلف انك ما تقربتلها ابد ؟
مصطفى: وين اتقرب الها و اني مكابلج ؟
نبأ: ميخالف هم احلف
فريتها عليه و حجيت بجديه
مصطفى: والله العظيم و غلاتج عندي ما تقربتلها ابد
و لا وصلتلها و مستحيل اتقرب من اي وحده ثانيه غيرج
نبأ: احبك
مصطفى: و اني ذايب بحبج ننتي
بستها و ابتعدت عنها بدلت ملابسي و نزلنه نتريك ويه اهلي، طلعت سيدرا من غرفتها و اجت كعدت ويانه تنظر لنبأ نظرات حقد و غل رفعت عينها عليها
شافتها شلون تنظرلها تقربت مني و گالت
نبأ: خلي تكوم منا لا اطيح حظها هسه كدام الكل
مصطفى: اهدي و معليج بيها
عافت الاكل و كامت من مكانها
زهراء: ننه تعاي اكلي
نبأ: شبعت الحمدلله
صعدت فوك بسرعة و كلنا سمعنا صوت الباب من طبكته بقوة، ذبيت نفس طالعة روحي استغفرت ربي و كمت وراها اذا طنكرت بعد متفك
دخلت عليها للغرفه شفتها گاعده على الجربايه
و تفرك وجهها بقوة دليل على عصبيتها، تقدمت عليها كعدت يمها على الجربايه
مصطفى: شبيج حَبيبتي
نبأ: كوم منا مصطفى ما اريد اجفص بالحجي روح
أنت تقرأ
ميل الخلابة
Non-Fictionيُقالُ دَومًا وَ لِرُبما إلى ما لهُ نِهايةٌ : أن العائلةُ سَندٌ لـ أبناءها لكنَ عائلتي لَم تَكُن سندٌ لَي كانوا كـالبلاءٌ كانوا وحوشٌ ظالمين ظلمونَني اشدُ ظَلام حتى اصبَح الظَلامُ يُراودُني أينما حَللتُ وَ ذَهبتُ فَيأتي صوتٌ سامعٌ مُناداتي و هَمس...
