... ياسمين : انصدمت من شَفت الدكتور عليَ الاكبر كاعد كدامي بكل هيبهَ وبرود طاغي على ملامحهَ ضليت ارمش حته استوعب وهوه صافن
ياسمين : دكتور شجابك لهنا؟
: هل سوأل موجهه ألج ستَ ياسمين؟
هاذا منين يعرف اسمي؟ :ا اني هنا عايشه!
: ليَش منو انتِ؟
باوعلي من فوك لجوه دنكت راسي باوعت لملابسي لا يالله ملابسي مشلحه ولا حجاب ع راسي شهكت بصدمه باوعت للباب وركضت ركضه سريعه من كدامه دخلت للغرفه سديت الباب حطيت ايدي ع كلبي اخذت نفسَ مصدومه رحت ع سريري نمتَ التفكير اخذ عقلي لحد ما ما رحت بعالم ثَاني .
كعدت ثاني يوم الصبح للجامعه اتاخرت لبست سوت بيجي وجوا هاينك لون ابيض شتوي سوت تريض وي حذاء رياضي بيضه مكياج خفيف ححاب ابيض وطلعت مستعجله حته ما اكلت
نزلت لجوه الكل جان ديحضر نفسه حته يروح لعمله باوعت. عمو أياد ( صديق ابوي يلي جابني للبيت)
: صباح الخير عمو
: هلا بويه شلونج
: زينه الحمدلله
: حتروحين الجامعه؟
: اي عمو
: تمام اكلي حته اوصلج بطريقي
: لا عمو اتأخرت كلش... وبعد حوار قليل واخيرا اقتنع اطلع بدون ريوك طلعت ويا بلكراج انفتح باب البيت ورانه بدقايق وطلع علي الاكبر ملابسه وعطره سبقه لابَس قميص اسود بارز عضلاته وي بنطرون رسمي اسود وفوكا قبوط لون بيجي
باوعلي من فوك لجوه صبح عليه عمو ورد الصباح ركب سيارته وراح... صعدت وي عمو وصلني للجامعه نزلت متأخره اول محاضره جانت اله اوف هسه اترزل ركضت حته الحك قبله بَس اتلاكينه عند باب المحاضره صفنت وهوه وكف رفعلي ححاب ابتسمت مجامله ودخلت قبله واحس نفسي انخلست من رفعلي حجاب.
بلشت محاضرته يشرح ويباوعلي كملت واخيرا وخلص ليوم باب الجامعه انتضر تكسي حته ارجع للبيت التفت ع صوت الطالب الجديد وهوه يصحيلي بأسمي..
ياسمين : اهلا..
: احم اعتقد بعدنه ممتعرفين المهم اسمي مؤيد
: لعفواََ احنه محاين للتعراف جاين ندرس؟
:اعرف هلشي بَس ك زميل!
: تمام اشرفت واسمي ياسمين
درت اريد احصل تكسي طلع علي الاكبر من الجامعه باوعلي من فوك لجوه عكد حواجبه من شاف مؤيد يمي رجع رفعلي حاجب وراح ما اعرف شنو هل حركات يلي يسويهه؟ انب مو رحت اعتذرتلهه الهدرجه هوا حاقد!؟
راح لسيارته يلي جابهه الحارس اله صعد بيهه شخطهه من كدامي بقيت صافنه... مؤيد عرض عليه يوصلني بسَ ما وافقت وهوه احترم رئيي وما ضغط عليه..
رجعت للبيت ما شفت سيارته موجوده سكتت ودخلت سلمت ع عمو أياد وصعدت لفوك غيرت ملابسي ونمت...
أنت تقرأ
أنتقَــام بريـئ
Romanceمتحكم، قاسي، بارد، هادء، عَصبي، بلا رحمَه، تشاء الاقدار أن يرف قلبهه لفتاه، تعذبت، وضاقت مر الدنيا بريئه، طفله، حساسه، مضلومه، جميله، هادئه، طالبه جامعيه، كيف سَ يكون ألقاء؟؟ وكيف ستبدء قصت حبهم؟
