اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ
#الهجين (سقوط الاقنعة)
الكاتبه : زهراء الهاشمي
لا تنسون التصويت على البارت
والتعليق بين الفقرات
بهداي
احترك بهَداي
كضه عُمَره الشمع
من يحترك سَكته
~~~~~~~~~~~~~~~~~~~~
كاعده على حافة الشباك ولامه رجلي الصدري
صار شهرين على رجوعي للسويد
حياتي فارغه مخلصتها بس نوم وبجي ووحده
ابتعدت عن الكل حتى رقمي غيرته والبرامج كلها عطلتها وسويت غيرهن بس مرات احجي ويا اهلي شوي واغلق الاتصال من عدهم
صفنت وذكرت اول يوم اجيت بي البيت منسةّ
منسةّ : كل هذا صاير وياج ؟؟
هزيت راسي ومسحت دموعي
دلمار : هذا نقطه ببحر منسةّ حياتهم غريبه عجيبه أسرارهم لا تعد كل واحد من عدهم وره سر جبير وقصه عميقه أعدأهم هوواي متجبرين طاغين وهاي من غير شغلهم الغير قانوني
تقربت اخذتني بحضنها
منسةّ : كافي اسكتي يروحي هاي هي اهم شي طلعتي وخلصتي منهم
بقينه طول اليوم سوه ما تركتني ولا لحظه للعصر
اجت امها سلمت عليها وحيل فرحت من شافتني بقيت يمهم اسبوع ومن بعدها قررت اطلع وأستقر الوحدي
منسةّ : انسي دلمار مستحيل اخليج اطلعين تعيشين الوحدج شنو ماعندي غيره ماعندي شرف
دلمار : شرف خمسه وعشرين
منسةّ : نجبي هههههههه
دلمار : لا تتعايرين ترى هاي كدام بيتكم راح اكعد
منسةّ : لا تسوين هيج دلمار
دلمار : ميسوو فدوه افتهميني لازم استقر الوحدي
دارت وجها زعلانه كمت حضنتها
دلمار : راح اخلي يمج نسخه من المفاتيح حتى كل ما يعجبج تفتحين الباب ودخلين وهم تعاي عيشي يمي اشو امج النهار كله بالشغل وبليل ترجع بس تنام هههه
منسةّ : افكرر
دلمار : هههههه وين ونار حتى تكلج جاي اخطبج وتفكرين
منسةّ : مشتاقه الهم ؟
دلمار : ما ادري بس اني احب البنات هنّ هم مظلومات هناك
منسةّ : الله كريم كومي ناخذ ملابسج هناك
دلمار : يلا
فزيت من صفنتي على صوت الباب يندك مسحت دموعي ورحت فتحت الباب جانت منسةّ
منسةّ : هلووووو
دلمار : هلو وين مفاتيحج لعد ؟
منسةّ : نسيتهن بالبيت
عفتها ومشيت سدت الباب واجت وراي ردت اكعد على القنفه عاطت
منسةّ : لااا لااا لاتكعدين
أنت تقرأ
الهجين (سقوط الأقنعة )
General Fictionامرأة متعددة مُتجددة متفردة شاعِرة في المقام الأول مُلهمة ذات خفايا وخبايا وشأنٍ عالي مُمتزجة ما بين جنونٍ وفنون قارئة نهِمة امرأة تشعر برفقتها بأنكَ في حضرة قبيلة كاملة من النِساء
