إسكريبت 🦋 بقلم شروق حسام 🦋
_" يعني إيه مش هتعمل له حاجة ده حاول يقرب مني "
العميد بتفهم " أنا متفهم ده بس حاولي تعدي السنة دي على خير دي آخر سنة ليكِ ومش عايزين سمعة الكلية تبوظ وتتدمر "
لمى بغضب " هو عشان دكتور في الكلية تقول كده أنت ممكن تشوف كاميرات المراقبة هتلاقي إنِ بقول الحقيقة "
دكتور عثمان ببرود " أنتِ هتسوقي فيها أنا همشيها قانوني وهاخد ضدك إجراء قانوني ده أنا قد أبوكِ وعندي بنات متجوزين "
لمى بسخرية " هقول إيه بس كله بيمشي بالفلوس وبتيجوا علي حق الغلابة "
كملت بقوة " بس إعرفوا إن ربنا مش بيسيب حق حد وزمايلي اللي قالوا إنك عمرك ما تعمل كده الله يهديهم أصلهم مش عارفين حقيقتك أنا بس اللي عارفاها "
العميد بغضب " بس بقي يا لمى إحترمي إنِ قاعد "
كمل بتنهيدة " حقك عليا يا بنتي بعتذر لك نيابة عن دكتور عثمان وحقك عليا يا دكتور عثمان بعتذر لك نيابة عن لمى هي زي بنتي والكل هنا في الكلية زي ولادي "
لمى بحدة وهي بتخرج بره " لو كنت زي بنتك بجد كنت وقفت جنبي لو كانت بنتك مكانِ كنت عملت إيه هااا أيوه سكت دلوقتي بس إطمن كما تدين تدان أنا راحة أكمل محاضراتي ومش عايزة حد فيكم يتعرض لي وإلا هفضحكم "
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
_" أنت إتجننت يا عثمان إيه اللي أنت عملته ده دي طالبة عندك "
عثمان بملل وهو بيقعد علي الكرسي بتاع مكتب توفيق وبيحط رجل علي التانية " هو أنا عملت حاجة يا توفيق "
توفيق بغضب " يا إبنِ بطل حركاتك دي أنا عارفها من زمان اللي أنت بتعمله ده هيدمرني وهيدمر الكلية دي فيها مشاكل كتير وممكن تبلغ عليك "
_" ماتقلقش مش هتقدر تعمل حاجة دي حتة بت فقير مش لاقية تأكل وإتقبلت هنا في منحة فهي مش هتضحي بمستقبلها وبالمنحة وكمان لو إتكلمت أنا هعرف أخرسها "
توفيق بقلق " الله يستر منك أنا مش مطمن "
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
بليل في فيلا متوسطة الحجم
_" بابا أنت قاعد زعلان كده ليه حصل حاجة النهاردة في الكلية "
عثمان بخبث وهو بيمثل الزعل " مفيش يا إبنِ "
بدر بإصرار " قولي بس "
بدأ عثمان يحكي اللي حصل بس بصيغة تانية وخلي لمى هي اللي غلطانة وضاف التاتش والبهارات بتوعه
بدر بعيون بتطلع شرار " تمام يا حبيبي ماتزعلش نفسك أدخل نام شوية وأنا كمان هدخل أنام تصبح على خير "
عثمان بإبتسامة خبث " وأنت من أهل الجنة يا حبيبي "
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
بعد أسبوع
_" اععع أنا فين إلحقوووووني "
_" أهلًا بيكِ في جحيمك الأسود اللي هيخلي كل أيامك الجاية هلاك "
لمى بقوة " أنت مين يا جدع أنت أنا عمري في حياتي ما شوفتك أنت خاطفني ليه "
_" اششش أخرسي خالص المأذون بره وهنكتب الكتاب ولو سمعت كلمة كده ولا كده مش عجباني ماتلوميش غير نفسك "
_" أنت إتجننت أتجوز مين هو أنا أصلًا أعرفك "
بدر بشر وهو بيفك زراير القميص " أنا بدر يا قطة وأنتِ هتبقي مراتي موافقة ولا "
أكمل بغمزة " لأ "
#زواج_بالتهديد
#شروق_حسام
أنت تقرأ
🦋 إسكريبتات شروق حسام 🦋
Short Storyهنا تجتمع الواقعية بكل معانيها ❤️🦋 هنا حيث اكتب ما يدور في خاطري♥️🦋
