اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ
#الهجين (سقوط الاقنعة)
الكاتبه : زهراء الهاشمي
لا تنسون التصويت على البارت
والتعليق بين الفقرات
دخيل عيونك الماينشبع منهن
يكون من الصبح لليل اكابلهن
انه الماحاسد بعمري لچن ضليت
احسد بالضوه الكاعد يطبلهن ♥️
~~~~~~~~~~~~~~~~~~~~
ريحانه : منو سمحلك تلزم جهازي
أبلج : تحليل شني المسويته ليش انتِ شبيج ؟؟
نصكيت بمكاني من حجه هيج رفعت الجهاز جانت رساله من الدكتوره بالجامعه كاتبه طلع التحليل بلعت ريكي ورفعت راسي حجيت بتلعثم
ريحانه : تـ تحليل فـ فيتامينات
أبلج : كداممج جاهل وضحكين عللللليه شني تحليل فيتامينات ؟
ريحانه : بس عفيه صوتك وانا افهمك كلشي
أبلج : يلا فهميني
ريحانه : هذاك اليوم مو تخربطة بعرس يسري تذكر ؟
أبلج : ااي
ريحانه : اي رجعت ورا يومين هم وكعت بالقاعه الدكتوره من شافتني كالت يمكن عندج نقص فيتامينات روحي سوي تحليل حتى اعالج النقص انا كلتلها ان شاء الله راح اسوي وخطيه هسه راسلت تريد تشوف شصار وياي
بقى صافن بوجهي عبالك ما مقتنع بالكلام
أبلج : اي وشطلع بالتحليل ؟
ريحانه : هاا اي على كلامها نقص بالفيتامينات
أبلج : وين التحليل شو اشوفه حتى اخذه العمي وهيب يقرأ وينطيج علاج عليه
ريحانه : لا ما يحتاج انا شوفته لابو الصيدليه واشتريت فيتامينات
خزرني وتقرب يحجي بهمس
أبلج : اذا عرفت ضامه عليه شي وحق الخلقجج وزرع حبج بكلبي يا ريحانه بس الله اليستر شسوي بيج
عافني وطلع من الغرفه وركع الباب ورا حيل كمت قفلت الغرفه ورجعت المكاني شبعت بجي الحد ما كلبي خلص
ثاني يوم داومت لان كثرت غياباتي خفت لا انفصل
كاعده بالمحاظره وبالي مو يمهم اصلاً فزيت على دكت الباب وما اشوف بس أبلج دخل للقاعه
أبلج : السلام عليكم
:- وعليكم السلام تفضل ؟
أبلج : اسف على المقاطعه بس اجيت علمود ريحانه لان عدها موعد بالمستشفى
:- ها راح تسوي الرنين المغناطيسي ؟؟
أبلج : هاا اي اي الرنين راح نسوي
أنت تقرأ
الهجين (سقوط الأقنعة )
General Fictionامرأة متعددة مُتجددة متفردة شاعِرة في المقام الأول مُلهمة ذات خفايا وخبايا وشأنٍ عالي مُمتزجة ما بين جنونٍ وفنون قارئة نهِمة امرأة تشعر برفقتها بأنكَ في حضرة قبيلة كاملة من النِساء
