بقلم شروق حسام 🦋
بعد فترة طويلة
_" اروى أنتِ قاعدة هنا ليه "
رفعت اروى راسها اللي كانت سانداها علي إيديها وبصت للي قدامها بدموع
_" مررريم "
مريم بخضة وخوف " بتعيطي ليه أنتِ كويسة حصل لك حاجة "
اروى قامت بسرعة وحضنتها بقوة " أنا...أنا كنت خايفة....أوي لوحدي ومكنتش عارفة.....أعمل إيه ربنا بعتك ليا "
مريم تبطبطت عليها وحاولت تفهم منها إيه اللي حصل
_" رورو حصل إيه يا قلبي أنا بقى لي فترة بحاول أرن عليكِ تليفونك مغلق فقلقت فإستأذنت من الشغل وجيت أدور عليكِ أحكي لي حصل إيه "
اروى بدموع " الموبايل إتكسر و...خدت منه الشريحة...بس...بس معرفتش أعمل إيه....وأنا مش حافظة.....رقمك...فمعرفتش....أكلمك وشنطتي إتسرقت بره المحطة....ولما معرفتش....أروح.....أروح فين دخلت.....جوا تاني.....أنا...كنت خايفة أوي "
_" أهدي يا حبيبتي خلاص أنا جيت حصل خير يلا نروح للفيلا البشمهندسة بنت الحجة وافقت عليكِ "
_" بجد "
_" بجد يا نور عيني "
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
بعد فترة
كانوا وصلوا قدام الفيلا واروى بصت لها بإنبهار
_" بسم الله ما شاء الله جميلة جدًا "
_" نفس اللي قولته أول ما شوفتها هههه يلا ندخل "
بصت لها اروى بإبتسامة وكملت مشي معاها بهدوء لحد ما دخلت جوا الفيلا
_" مساء الخير يا تيتا عاملة إيه دلوقتي "
سعاد بتعجب وعجرفة " تيتا مين أنا سعاد هانم يا شوية أغبية وكمان أنتِ مين يا بت أنتِ وهي وإيه اللي دخلكم هنا إزاي الحرس يدخلوا الأشكال دي ده أنا هرفدهم كلهم "
مريم بضحكة " يووه يا تيتا رجعتي نستيني تاني "
اروى بهمس " هي مش عايزاني ولا إيه "
مريم بهمس " لا مش كده بس تيتا عندها زهايمر وبتنسي كتير بس هي طيبة أوي والله وبكرا تحبيها "
_" مريم جيتي وحشتيني يا بت "
_" وأنتِ كمان يا تيتا إتغديتي "
_" لا لسه أنا جعانة أوي هي ياسمين لسه ماجتش من الشغل "
_" لا البشمهندسة لسه ماجتش "
اروى بصت لها بصدمة من تغيرها السريع هي مقدرة حالتها بس هي أول مرة تشوف حد عنده زهايمر
_" مين القمر دي يا مريومة عسل أوي هجوزها الواد عمرو "
اروى بصدمة وهمس " هي بتقول إيه ومين عمرو ده "
سعاد بمقاطعة " حرامية بتعملوووا إيه هنا اععععع إلحقوووني حرامية "
مريم بصت لها بضحكة وشدت الكرسي المتحرك ناحية أوضتها وقعدتها علي السرير وراحت عشان تحضر لها الأكل وأروى واقفة معاها
_" ههه عسل تيتا بكرا هتتعودي عليها "
_" ههههه فعلًا الزهايمر مش سايبها في حالها الله يكون في عونها "
_" يارب "
_" ماقولتيش ....."
_" مريم أنتِ فين وإيه اللي جابني هنا "
اروى بحزن " هي حالتها كده دايمًا "
مريم بتعجل " اه للأسف انا هروح أغديها بسرعة وجاية لك أوضتك اللي هناك دي علي اليمين "
مريم خلصت كلامها وسابتها ومشيت
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
بعد فترة في أوضة اروى
بصت اروى للمكان حواليها بإنبهار اللي كان عبارة عن أوضة متوسطة الحجم فيها سرير حجمه كويس ودولاب صغير وحمام
اروى رمت نفسها علي السرير وفضلت تبص للسقف بفرحة
لحظات كانت نامت مكانها وبعد 5 ساعات صحيت علي صوت زعيق عالي
_" أنتِ مش بتفهمي يا ياسمين دي فلوسي وأنا حر فيها وأنا اللي تعبت فيها كل السنين دي مش أختِ "
_" ساعتها كنت حاجة ودلوقتي بقيت حاجة تانية "
_" أناااا مليش فيه فلوسي وأعمل فيها اللي أنا عايزه مين إداكي الحق إنك توقفي بطاقة البنك بتاعتي هو أنتِ متخلفة "
ياسمين بحدة " إتكلم عدل يا عمرو أنا أختك الكبيرة مش صاحبتك أنا "
_" أختي ولا مش أختي مليش فيه مين وقت ما أنتِ عملتي اللي في دماغك وأنتِ موتي بالنسبة لي "
ياسمين بحزن " يا عمرو أنا إتاسفت لك كتير وقولت لك مش قصدي كنت بحسبها كويسة بس طلعت بتمثل وساندي إتجوزت بعد ما أنا إتطلقت بفترة "
عمرو بغضب " آسفك ده هيفيد بإيه هيرجع لي حبيبتي اللي خلاص إتجوزت ونسيتني عشان سبتها هاااا إنطقي ولا إتخرستي دلوقتي "
اروى بخوف وهي جسمها كله بيرتعش من صوتهم اللي كان عالي بطريقة أوفر وهي بتخاف من الأصوات العالية
_"....
#خزلان_و_لكن
#شروق_حسام
أنت تقرأ
🦋 إسكريبتات شروق حسام 🦋
Short Storyهنا تجتمع الواقعية بكل معانيها ❤️🦋 هنا حيث اكتب ما يدور في خاطري♥️🦋
