🦋 إسكريبتات شروق حسام 🦋

الجزء الرابع 🦋

بقلم شروق حسام 🦋

صحيت اروى الصبح وراحت خدت شنطة هدومها القديمة وجت تفتح الباب عشان تمشي لقت ورقة وقعت فجأة علي الأرض جت فتحتها لقته عقد الإيجار راحت مسكته قطعته وسابت المكان ومشيت وراحت ناحية محطة القطر وهي مش عارفة هتسافر فين

_" يا آنسه يا آنسه ياااا آنسه "

اروى بخضة " بسم الله الرحمن الرحيم حصل إيه فيه حاجة حصلت "

_" أنتِ معطلة الطابور قولي لي عايزة تذكرة القطر لفين الناس واقفة من بدري مستنية إنك تخلصي "

اروى بعدم إهتمام " أي حاجة أقطع لي أي تكت عشوائي "

_" لا حول ولا قوة إلا بالله العلي العظيم تمام براحتك إتفضلي كده 100 "

إدته اروى الفلوس بهدوء وخدت الباقي وراحت قعدت علي المقعد بشرود مستنية معاد القطر

اروى في نفسها " عجبك حالتك دي يا أروى متمرمطة يمين وشمال واللي يسوي واللي مايسواش بيتكلم عليكِ بالباطل "

_" مش كنتِ رضيتي بالأمر الواقع وعملتي اللي أنس عايزه وخلفتي ساعتها كنتِ هتبقي مستورة في بيتك بدل الشحططة دي "

عدت لحظات وهي بتفكر وبعدين كلمت نفسها بصوت واضح نسبيًا " لا أنتِ ماغلطيش أنتِ الوحيدة اللي إتأذيتي لو هو باقي عليا مكنش طلقني وكان حاول علي الأقل بس هو ماقدرش حالتي ولا حد هيقدر حالتي "

_" الكل بيحسبني بتدلع وبرفس النعمة بس مش عارفين الإنسان لما يكون مريض نفسي نظرته لكل حاجة بتبقي عاملة إزاي "

_" يا الله أنت عالم بالحال وعالم قد إيه إتعذبت وكل يوم كنت بنام معيطة وبدعي أبقي إنسانة سوية عشان أعيش حياتي طبيعي بس للأسف مفيش حد فاهمني ولا فيه حد هيفهمني "

_" يااا من سنة بس قولت هسافر وأبعد بس مكنش معايا حتي جنيه في جيبي ودلوقتي بعد كل المدة دي هسافر هو اه بمبلغ بسيط بس الحمد لله وأنا متأملة خير وإنه هيكون بداية جديدة لحياتي "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد 10 دقايق

موبايل اروى الصغير رن

_" آلو "

_" آلو يا هانم أنتِ فين كل ده مش بتردي ليه عمالة أرن أرن أرن ومفيش رد إييييه حصل إيه "

اروى إتنهدت بوجع وبدأت تحكي لها على كل حاجة حصلت

مريم بغضب " اه يا ولاد ال.. مش عايزة أشتم هي العالم دي مس بتتهد حسبي الله ونعم الوكيل في أي حد إتكلم عليكِ بالباطل "

_" أنتِ فين دلوقتي وإيه الأصوات دي كلها "

_" في محطة القطر يا مريم مسافرة "

مريم بصدمة " مسافرة راحة فين يا اروى "

_" معرفش معرفش أنا خدت تكت لقطر بس معرفش هو رايح علي فين "

مريم بأمر " طب شوفيه رايح فين "

اروى بتنهيدة وهي بتبص للتذكرة " الإسماعيلية "

مريم بفرحة " طب حلو أوي كويس "

_" هو إيه اللي حلو مش فاهمة "

_" يابنتي كويس إنك راحة الإسماعيلية بعد ما سيبت البلد سافرت على هناك و نزلت شغل في فندق هناك شفت صباحي وبليل بشتغل في فيلا لناس كبار أوي بهتم بالحجة الكبيرة اللي هناك "

_" فلو كده هسأل لك في الفندق لو فيه شغل وهسأل لك بردوه في الفيلا لو قبلوا هيكون ليكِ أوضة في الفيلا تقدري تقعدي فيها "

اروى بفرحة " بجد يا مريم طب شوفي كده ألف حمد وشكر ليك يا رب ألف حمد وشكر ليك طب شوفي كده وقولي لي "

_" حاضر يا قلبي عقبال ما توصلي هكون سألت وهبقي أكلمك عشان أعرفك تركبي إيه عشان تجي لي معلش مش هعرف أجي أخدك لأنِ في الشغل وبتكلم من غير ما حد يعرف هههه "

_" هههه مش مشكلة تسلمي لي يا مريم شكرًا ربنا يخليكِ ليا "

_" مفيش شكر بين الأخوات يا رورو "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد كام ساعة

اروى نزلت من القطر وقعدت تبص حواليها بإنبهار كأنها في بلد أجنبية هي أول مرة تسافر فعشان كده حاسة بشعور لذيذ

فضلت تبص حواليها وطلعت بره المحطة وهي عمالة تحاول ترن علي مريم بأي طريقة بس رصيدها كان خلصان بصت حواليها تشوف لو فيه ماركت أو محل موبايلات تشحن منه ملقتش

وقفت واحدة من اللي ماشين وسألتها فدلتها علي المكان عدت الطريق وجت تكمل مشي فجأة وفي ثواني لقت موتوسيكل واخد شنطتها فمن الخضة موبايلها وقع علي الأرض إتكسر

_" يلهوووي الموبايل طب أنا هكلم مريم إزاي طب الشنطة مافيهاش غير طقمين إتنين وبس والفلوس الحمدلله دايمًا بحطها في جيبي بس الموبايل هعمل إيه دلوقتي ياربي هعمل إيه "

#خزلان_و_لكن
#شروق_حسام

فراشاتي إتفهموا اروى دي غلبانة وصعبت عليا وده كان غصب عنها مش الكل سوى نفسيًا