اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ
#الهجين (سقوط الاقنعة)
الكاتبه : زهراء الهاشمي
لا تنسون التصويت على البارت
والتعليق بين الفقرات
انتَ العوض عن الف شخص
انتَ لوحدك عُمر ثآني.
~~~~~~~~~~~~~~~~~~~~
عقيق : اي وبعدين شكال دكملي مو فتيتي كلبي
ونار : كال ونار تتزوجيني
عقيق : عزززا وانتي شكلتيله يالعوبه
درت وجهي منها وأردفت
ونار : عفته ودخلت جوى ومن يومها بعد ما شفته حتى ما رجعني للبصرا اجا عز الدين رجعني
عقيق : امداج يالفاهيه ودكولين عليه فاهيه مووو طلعتي انتي اضرب مني
ونار : نجبي عقيق يعنى جنت ضايجه من عنده وحجه هيج شتردين اكوول مو زين ما ركعته بطابوكه
عقيق : هسه شنو بعد ما ترحين للنجف ؟
ونار : ما ادري محتاره وهم ماريد اشوفه بعد
عقيق : انتي تحبي لو لا
ونار : ما ادري ما ادررري
عقيق : زين ماشي ماشي سولفيلي شنو شعورج من تشوفي ؟
تمددت بحضنها وصفنت بالسكف
ونار : ما ادري احس هيج طايره من الفرح خوب من يضحك بوجهي يمممه هيج هيج كلبي يطير لو من يسولفلي على الصلاة لو دعاء هوو يحبه ودائماً يسمعه ويريدني انا هم اسمعه ما اعرف عقيق هيج شعور بداخلي يجذبني اله
ما احس بس اجتني كفخه على عيني فزيت بسرعه
ونار : هاااي شبيج عينيييي
عقيق : واكعه على وجهاا ودكول ما احبه العياررره بطليهااا
ونار : دولللي مو صوجج صوجي انا كاعده واسولفلج وخري شوو وخري من وجهي اروح اكابل ملايين احسلي
كامت من الجربايه لبست نعالها وعافتني وطلعت هزيت ايدي وكمت
عقيق : مسوده مو عاقله هاي اختي الله يساعد أرقم علييج
رحت وكفت كدام المرايه واخذت المشط صرت امشط بشعري واذكرت اول ليله النا انا ويسري ابتسمت لا أرادياً وانا اذكر
وصلنه للفندق راح يسري اخذ المفتاح واجا واحد ويا صعد الجنطه للغرفه فتح الباب وأشرلي ادخل دخلت وهو بقى برا اسمعه يشكر من الولد
التفتت دخل وسد الباب اباوعله الابتسامه مرسومه على وجهه
يسري : منا الحمام ادخلي اسبحي بين ما اطلب عشه
هزيت راسي ورحت فتحت الجنطه اخذت ملابس ورحت للحمام نزعت البدله خليتها على صفحه ورحت سبحت احس ذبيت تعب اليوم كله بالماي توضيت وبدلت ملابسي جان اكو شسوار جريته نشفت شعري وتركته مفتوح
أنت تقرأ
الهجين (سقوط الأقنعة )
General Fictionامرأة متعددة مُتجددة متفردة شاعِرة في المقام الأول مُلهمة ذات خفايا وخبايا وشأنٍ عالي مُمتزجة ما بين جنونٍ وفنون قارئة نهِمة امرأة تشعر برفقتها بأنكَ في حضرة قبيلة كاملة من النِساء
