أنتقَــام بريـئ

البارت الَثاني

...
حسنات الكم 🍂
استغفرالله
سبحان الله
الحمدالله
لا الله الا الله

انتقام بريئ / فَطم ال احمد 🍂🔹

____________________________

اماني : ولج هاذا يصير احسن دكتور بلكليه واذكى دكتور همَ ومركزه هنا وخارج الكليه كلش عالي وناس تتراجف منه ونوب انتِ تغلطين عليه

سكتت عنهه وما ادري شبيهه كمل لدوام عادي جداََ رجعت للبيت نفَس الروتين بليل اتصلت ع اماني بعد ما تبادلنه الارقام من اول يوم

:- ها ميمو شلونج

: هلا ياسه زينه الحمدلله وانتِ

: ولج اني كلامج بَقه يرن بأذني ما اكدر اطلعه

: امم كلام عن الدكتور علَي الأكبر؟

: اسمه علي الاكبر؟؟

: اي، اكلج شنو رئيج ترحين تعتذرين منه

كمت وكفت ع حيلي معصبه :- عليش اعتذر منه شهل مبالغه هاي

: حطج براسه بعد ما شفتي شلون يخزر بيج المحاضره كلهه يمه الله يساعدج اني من يمي خفت

: اماني هسه شنو اسوي؟

: روحي بأجر اعتذري وجفي الشر مو عمامج صعبين ونوب اذا عرفو بي يخزرج ويباوعلج يسولج مصيبه احسلج اعتذري وفكي عنه

:- تمام..

سديت الاتصال من أماني واني افكر بكلامها كلشي كالته صح عمي حيل متشدد بطلاع الروح سمحلي ادخل جامعه ويسمع هيج كبل يزوجني

وبعد تفكير طويل واخيراََ نمت كعدت ثاني يوم بنشاط لبَست جينز كابوي وقميص ابيض جنطه حذاء رياضيه ولفيت الحجاب بطريقه حلوه نزلت جوه جان عمي موجود باوعلي بأستحقار هوه ومرته

عماد ( عمي) : اي سَت صرتي اداومين جامعه!

: ا اي عمو

: اذا مخليتج تبطلين وتزوجين فلا يطلع اسمي عماد

سكتت عنه وهوه جبرني أسوي ريوك الهم واتاخرت كلش هواي وبطلاع الروح يلا خلاني اطلع من البيت طلعت والدمعه بعيني اتوجهت للجامعه

متأخره اول محاضره جانت لـ علي الأكبر دكيت لباب وفتت

:- صباح الخير د دكتور

:- صباح النور

جان يكتب دار عليه باوعلي من فوك لجوه ورجع كال : ليش متأخره سَت

: دكتور هنه عشر دقايق خليني افوت

: لا مدخلين اطلعي برا

هزيت راسي وطلعت ما اريد اذل روحي كعدت بره بلمسطبات شبعت بجي هل محاضره مهمه جداََ ومن وره عمي اتاخرت خلصت محاضرته وطلع اجتي اماني حجيتلهه كلشي انصدمت من قذاره عمَي عفتهه وتوجهت لمكتب دكتور علي الاكبر