🦋 إسكريبتات شروق حسام 🦋

الجزء الثالث 🦋

بقلم شروق حسام 🦋

عدي سنة

وكنت بحسب إنِ هكون مبسوطة وهحقق اللي أنا عايزاه بس للأسف حتي دي إتخذلت فيها وبقيت متمرمطة وزينب ماستحملتش المرمطة دي ورجعت لعلي جوزها اللي كان إتجوز بعد ما هربت واحدة تانية وبقت عايشة في مرار بس مستحملة عشان ماتتمرمطش وتفضل في الشارع هي وولادها

اروى بتعب " أنا خلصت يا ست هانم تؤمري بحاجة تانية "

مرفت بتكبر وعجرفة " لا وخدي فلوسك أهي وأمشى "

اروى مسكت الفلوس ولقتهم 100 جنيه فبصت لها بصدمة

_" بس يا هانم أنا متفقة معاكِ إنِ هاجي أنضف الفيلا كلها وهأخد 600 جنيه وده مايجيش نصف الفلوس حتي "

_" أحمدي ربنا غيرك مش لاقي الفلوس اللي في إيدك دي ولا لاقيين حتي ربعها "

اروى بصت لها بقهر ومرار وفضلت تحسبن عليها في سرها

_" حسبي الله ونعم الوكيل حسبي الله ونعم الوكيل إحتسبت تعبي عند ربنا عارفة إنه هيجيب لي حقي "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عدي اليوم

واروى روحت بعد ما نضفت 4 فلل وكل واحد من صحاب الفلل ظلمها وبهدلها بطريقة شكل بس إستحملت عشان تحاول تلم فلوس إيجار الشقة اللي هي واخداها قبل ما صاحب البيت يطردها منها

كانت لسه هتفرش حاجة علي الأرض وتنام لقت الباب بيخبط بقوة

_" حاضر حاضر مين اللي بيخبط "

لبست الطرحة بسرعة وراحت فتحت لقته صاحب البيت

_" نعم يا عم فؤاد حصل حاجة ولا إيه في آخر الليل كده "

_" بصي يا اروى أنتِ تفضي الشقة علي بكرا الصبح بالكتير "

اروى بخضة " ليه بس ما أنا قولت لك أديني يومين وهديك الإيجار اللي أنت عايزه "

_" العمارة كلها بتتكلم عليكِ إنك راحة وجاية وعمالة تتسرمحي وحابة والشارع كله هيتكلم فأنا مش ناقص وجع دماغ "

اروى بغضب كبير وراه قهر " قطع لسان اللي يقول كده لو شافوا نص البهدلة اللي بتبهدلها في الشغل كانوا إتخرسوا وحطوا لسانهم في بؤهم و شقتك بكرا قبل الساعة 9 الصبح هكون سايباها وعقد الإيجار تديهوني إشحال ما أنا قاعدة فوق السطوح و ب 2000 جنيه "

جيه يتكلم أروى سبقته " أنا هدخل أنام دلوقتي وبكرا الشقة هتفضي وأشبع بيها أنت واللي في العمارة حسبي الله ونعم الوكيل حسبي الله ونعم الوكيل "

قفلت الباب وهي حاسة بوجع معقولة يحصل لها كده للدرجة دي الناس بقت وحشة بصت حواليها علي الشقة الفاضية اللي مفيهاش حتي كنبة أو سرير ولا حتي بوتاجاز

اروى بقهر " حتي الشقة الفاضية دي مستخسرينها فيا "

إتنهدت بحيرة ودموع " يارب أنا هروح فين بس دلوقتي مليش مكان أروحه "

فضلت تفكر كتير لحد ما نامت مكانها من التعب

#خزلان_و_لكن
#شروق_حسام