اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ
#الهجين (سقوط الاقنعة)
الكاتبه : زهراء الهاشمي
لا تنسون التصويت على البارت
والتعليق بين الفقرات
قبل مجيئك
لم يكن هناك
ما يستحق الانتباه.
~~~~~~~~~~~~~~~~~~~~
بعدنه واكفين وما احس بس صوت صرخه أجت من البستان مشاري عافني وراح يركض بأتجاه الصوت ركضت ورا وجان اشوف عز الدين وفايا واكفين يتعاركون وفايا صايره عصبيه
مشاري : شكوو شنو هذا الصوت ؟
التفتت فايا وحجت بعصبيه وهي تأشر على عز الدين
فايا : وخرررر هذا المعقد من وجهيييي
عز الدين : احترمي نفسج فاااايا لا تخلين خبالي يطلع عليج
فايا : معقددد معقددد شبيك بابا شبيك انتَ
تقرب منها وهو عصبي
عز الدين : فاياااا اخر مره اسمعج دكولين معقد عيديها بعد مره وشوفي شسوي بيجججججج
تخصرت وهي تهز جسمها بعصبيه
فايا : اي بله شوفني شسوووي
اباوع على عز الدين رخت ملامح وجهه وهو يباوع عليها التفتت على مشاري مكتف أيدي ويضحك عليهم بدون صوت
عز الدين : فايا امشي من وجهي
فايا : بعد معليك ويامن احجي او ويامن اطلع افتهمتتت معليك مالك ددددخل
عز الدين : هم كالت افتهمت هم كالت استغفر الله ررررررربي اللهم الصبررررررر
فايا : يبوووووو دروح
عافتنه وراحت وعز الدين دفر الشجره وراح وراها التفتت على مشاري وهو التفت عليه واثنينه ضحكنه عليهم
مشاري : اختج مسودنه
ليار : اخوك هم مسودن
مشاري : الله يثبت العقل عدهم ههههههه امشي امشي ادخلي للبيت
ردت اروح واذكرت هوو مااكو مختفي صار فتره رجعت التفتت جان هستوه يمشي صحت ورا
ليار : مشاري
التفت عليّ
مشاري : هاا
ليار : انتَ وين جنت صدك صار فتره مختفي ؟
وجهه نكلبَ خزرني وعافني وراح بدون ما يجاوب هزيت ايدي ورجعت للبيت
ليار : الحمد الله ربي العقل منك اللهي
رجعت للبيت ومرت الايام البيت هل فتره مخبوص بتجهيزات عرس يسري وعقيق ما بقالهم غير اسبوع واحد على العرس كاعدين نتناقش بخصوص البدلات جان تحجي عقيق
عقيق : عود صدك دلمار ما تجي للعرس ؟
فايا : اسكتي وخليها شكد حجينه وياها ما تقبل تجي
أنت تقرأ
الهجين (سقوط الأقنعة )
General Fictionامرأة متعددة مُتجددة متفردة شاعِرة في المقام الأول مُلهمة ذات خفايا وخبايا وشأنٍ عالي مُمتزجة ما بين جنونٍ وفنون قارئة نهِمة امرأة تشعر برفقتها بأنكَ في حضرة قبيلة كاملة من النِساء
