الـبارت الـ 14

6.8K 407 83
                                    

«الـكـــاتـــبة»
« سَــارة الـــ مُـــحَمــد»

لا تنسون التصويت :
والتعليق بين الفقرات:

حساب الانستغرام: « k_s18r »

حساب التيكتوك: « k_s18r »

حساب اللغرام: « l9a0s »

_________________________________________
************************************

سادين::-

رفعت راسي بصدمه من الي تخلخل مسامعي باوعت على اغادير

جانت جامدة وفاتحه عيونها بصدمه باوعت على جود

جان مضيك عينه على ندى
سادين::- الي سمعته صح؟

جود::- لا  طبعا جاي تخرط حجي من كيفها

كمت وكفت بصف اغادير وسالت ندى
سادين::- شكلتي قبل شويه؟!

ندى::- جاين خطابة نخطب اغادير لـ اخوية

مسحت على خشمي بهدوء وانداريت علة اغادير وهمست
سادين::- تثقين بيه!

باوعت عليه عيونها مليانه دموع هزت راسها بـ اي

انداريت على سمر ونورهان
سادين::- روحو جهزو اغادير ورتبوها حتى تشوف قسمتها يله

نورهان::- شبيج سادين شجاي تحجين! 

كلتلها بحدة
سادين::-دا اكلج صعدو جهزوها بسرعه هسه يدزون عليها هيج تطلع عليهم

سمر بسرعه استلمت ولزمت ايد اغادير
سمر::- امشي نورهان

قبل لا تطلع انطتني نضرة تترجاني اساعدها

انداريت على جود جان معصب  عيونه بكصتة وطلع من المكان

بس طلعته مليانه شر مشيت ورا قبل لا اطلع وكفت بوجهي ميسم

ميسم::- براسج ملعوب انتِ

باوعت عليها من فوك ليجوة وجاوبتها
سادين::- اي اريد العب عليج على كل واحد مضحكه مثلج

دفعتها وطلعت اركض ورا جود
سادين::- جود اوكف شراح تسوي! 

جاوبني بعصبيه
جود::- اربي هل ك*** واجي

لزمته من ايدة بصعوبه سحبته من الباب الاستقبال
سادين::- شبيك هي هيج تنحل اوكف

جود::- سادين عوفيني لا اجرم بيج انتِ هم

اول مرة اشوفه هيج معصب ولا عبالك جود الي يضحك اربعه وعشرين ساعه
سادين::- اهدء شبيك راح تصخمها بزايد

جود::- اريد اشوف بيا عين متقدم اذا ما اطلع عينه

استغربت من عصبيته
سادين::- شبيك انت ليش رافض جود

جاوبني بنترة
جود::- ما يستاهلها هذا

شكيت للحظه يعرف بتحرشه لـ اغادير
سادين::- ليش

سادِين آل سُلطانحيث تعيش القصص. اكتشف الآن