أَلمُتيّم

Bart|1

[﷽]
أللهُمَ صَلىِّ عَلىَّ مُحَمد وآلِ مُحمَد

#ألكاتبه أڤين ألـ علي

لاتنسون ألتصويت-والتعليقات بين ألفقرات لُطفًا_متابعه للحساب

_و أضافة ألقصه لِـ مكتبتك

#قِراءا مُمتعه، و من فضلكِ أترُكِ لي تاريخ بِدايتك

‏ -: مَا نِاسَيك ، أنِا مَتانيَك تَفگُدنِي .

~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠~٠

أمطار غزيرة تهطُل بأستمرار برد صقيع ملتفين حول ألصوبه (ألمدفأة) ألنفطيه أني وامي وأختي وأخوي نسولف بخصوص مُعدل أخوي وشنو يدخله أمي تريده يكون في السلك العسكري بس هوَ أله رأي أخر

-: يمه رحمة لوالديچ فكينه من هالسيرة لو اموت ما ادخل كليه عسكريه

-: ليش ولك يمه شكو بيها؟ وأذا دخلت عسكريه شحلاتك لمن تجيني ببدلتك العسكريه وبيريتك ألحمره تخبل

-: بس يمه أني مو ببالي العسكريه أبالي شي أخر بعد احلى من العسكريه

-: يهووو هسه شبيك كاتل نفسك بس تريد تصير دكتور لا والنوب جراح تهي بهي

-: ليش تهي بهي؟ وشحلاتهه لو أصير دكتور والبس اللابكوت واجيج من دوامي اگلچ يمه شمسويه غده

حچت أختي مداهرته.

حوراء-: أي هوَّ أنتَ حاير بس ببطنك والأكل

مُحي ألدين-: أنتِ انچبي الكسوله بيچ خير چان طلعتي من الرابع مو عنستي بي

حوراء-: أهووو طلعله مُعدل عالي عاد راح يشوف نفسه علينه وتعالوا بعد شيخلصكم

-: وليش ما أشوف نفسي واني مطلع مُعدل 97؟. أول ثاني عالمدرسه من بعد نور الدين أم حلگ

حوراء-: بس نور الدين أعلى منك شيريد يصير يصير ويا تخصص يريد يروح هههييي

نور الدين-: أني ءأجل السنه ما اداوم خلي هسه أخوي يداوم وأن شاء أللّٰه اني عود وراه عَلما أمكن نفسي زين واجمع بعد چم فلس يكفنه مصرف كليه والبيت وعود أللّٰه كريم

سميره الأُم-: ليش ولك يمه ما تداوم؟ داوم ويا أخوك وماعليك بالمصرف المحلات مكفيه الحمد أللّٰه وأذا عوزت عود أداين ألكم من اخوتي خيرهم مغرگهم ما شاء أللّٰه

نور الدين-: لااا يمه شني السالفه شنو تداينين اني أصلاً السنه ما اريد أداوم اريد ارتاح من السادس أخذ نفس شوفني ألميتين وهم أضبط ألمحلات وأراجع دفاتر الديانه ما عيب صار سنه وثلاث أشهر تاركينهن بأيدي ألعمال

-: هذا هوَّ يمه سوي ألي تريده

مُحي ألدين-: وهسه يمه؟

سميرة-: شنو؟