الـبارت الـ 13

7K 375 101
                                    

                              ﷽
                              

 
                           «الـكـــاتـــبة»
                     « سَــارة الـــ مُـــحَمــد»

لا تنسون التصويت :
والتعليق بين الفقرات:

حساب الانستغرام:           «  k_s18r  »

حساب التيكتوك:            «   k_s18r  »

حساب التلغرام:               «   l9a0s   »
             
_________________________________________
************************************

اغادير::-

دخل ملهم مبين معصب بس شفته خفت لا امي معبيه براسه عليه

بس خاب توقعي فتحلي ايدة وصاحني عليه  بدون تردد ركضت حضنته

ملهم::- لا تبجين اغادير يابعد اخوج لا تبجين

ابتعد بمسح بوجهي ومبين مقهور بسبب امي لان اتهماني اتهام شنيع واني بنتها
اغادير::- والله ما ادري بي وما طلعت عليه اني

ملهم::- اش بابة لا تبررين انت اختي اعرفج اكثر من روحي وهذاك الك** اني اعرف شون اربي

ضل يحجي وياي ويهديني ويتوعد لعباس  ارتاحيت من شفته ما مصدك امي بكلمه شويه وطلع

انداريت على البنات جانن كاعدات على السرير ويباعون عليه

سادين::-تعالي اغادير اكعدي يمي

سوتلي مكان يمها تمشيت كعدت يمهم لزمت ايدي سادين بقوة

سادين::- لا تعتبريني بنت عمج اعتبريني اختج واحجي اغادير شديصير امج ليش هيج اتهمتج هيج اتهام وصخ

باوعت على نورهان استنجد بيها تنقذني بس  جانت تباوعلي وتنتضر مني احجي
اندارت سادين من شافتني اباوع على نورهان

سادين::- اذا ما حابه تحجين براحتج ما اجبرج على شي اني حياتج وحرة بيها انت بس اذا هل مرة اني جنت موجوده مرة ثانيه محد اكو وتروحين بيها

رادت تكوم لزمت ايدها موكفتها
اغادير::- راح احجي لتروحين

سبحت نفس راجعه بذاكرتج لذاك اليوم الاسود الي قلب حياتي كلها

اليوم الي سلب مني راحتي بنص بيتي وراحتي بنص اهلي الي حول حياتي من احلام ورديه لـ كابوس اسود مخيف

من بنت بريئه الي بنت تخاف من ضلها وتتلفت الف مرة بنص بيتها

كام عمري ١٧ سنه بيوم امي دزتني لـ بيت ابو ميسم

ريم::- روحي صيحي  ابيل كليلها رجلها يريدها

جان بحضني ابنها ايهم حطيتها بالكاع ورحت لبست شالي وافتريت من الباب الخلفي اصيحلها

جان البيت منطي ضهرة لبيت جدي دخلت الباب وجان يصير بوجهي عباس ابن خالي

اول ما شافني ضحك جانت ماطيقه لان نضراته تزعجني يباوعلي بنضرات قذرة فدائما اتهرب منه ويذبلي كلام اكول فاهمته غلط واغلس وما احجي

سادِين آل سُلطانحيث تعيش القصص. اكتشف الآن