*يا أهلاً بِكُم*
في
<~٠~٠~أَلمُتيّم~٠~٠~>
#ألكاتِبه أڤين ألـ علي#
«~٠~٠~٠~٠أبَسط مِما تَعتقد♡وأعقد مِما تَظن ٠~٠~٠~٠~»
نبدأ بِأسم أللّٰه.
.
.
.
مَشهد(1)
دِخل للبيت يصيح بعلو صوته بأسمي بأستمرار أستغربت من نبرته تبين مثل ألي چان دا يبچي طلعت من غُرفتي مستعجله نزلت الدرج لاگتني عامِلتنه ألعراقيه.
-: بنتي أبوچ يصيحج دِخل للمكتب مالته هناك ينتضرج
-: تمام رايحتله بس مگلچ شبي؟
-: لا والله بس گالي اصيحلچ.
تركتهه ورحت عليَّ دا أشوفه شيريد لـٰكن تفاجئت من لگيته مخلي رأسه ع ميز المكتب ويبچي رحتله مستعجله حضنت راسه وسئلته بسُرعه.
-: بابا حبيبي شبيك؟ ليش دا تبچي.
جاوبني بنبرة صوت باكيه وصوته رايح.
-: بِـنتي أحنه لازم نرجع للعراق واليوم قبل باچر تمام وروحي بلغي أخوتچ هم حتى يحضرون أغراضهم دا نرجع.
-: للعراق؟ ليش نرجع أنتَ مو رافض رَفُض قُطعي أنُ نرجع للعراق؟
-: ما أرجع أني لو ما عمتچ.
-: عَمتي شبيهه؟
-: من نرجع تفتهمون كلشي ولا تبقين تسألين روحي بلغي أخوتچ وهذا هوَّ.
-: صار.
هاي هيَّ بَعد انگلب تغير رِجع للبرود ولـِ عادته ألقديمه ماينطي جواب لو اگطع نفسي گدامه هسه تِركته ورِحت بَلغت أخواني كلهم وتفاجئوا مثلي بخبر ألرجعه للعراق أليوم وبأسرع وقت شكو وشصاير محد يعرف فقط أنطاني خبر أن لوما عمتي ما يرجع هيچ گلتلهم وتِركتهم ورحت أحضر اغراضي بَينما هُم أمروا ألعاملة تجهزلهم أشيائهُم ياترى شنو راح يصير لو رِجعت للعراق راح يتغير الحال لو يبقى كما كان؟
.
.
.
مَشهد[2]
مَع ألأسف علىٰ أخوي أبن امي ألي تركني وراح بعد ما طلع معدل عالي يدخله ألحلم ألي چان يتمناه وتزوج ألي يحبهه
عافني وعاف أمي بسبب أنانيته گاعدين أني وصاحبي حسن خياي من الصغر صاحبي بحسبة اخ عندي وأكثر بعد الشاهد أللّٰه جاي نتناقش بِـخصوص ألشُغل ونفتح موضوع ألزواج.
-: أگلك أنتَ ليش ما تزوج مو أحسن الك من هالعيشه باقي وحدك بدون لا أنيس ولا ونيس؟.
-: هههههههه شتزوج ما دگلي وهاي ياهي ألي تِقبل تزوج شخص ما بُقالى نفر واحد مگطوع من شِجرة؟
-: أفا عليك يول ليش لعد احنه مو أهلك أني وأخوتي خوانك امي امك خواتي خواتك ليش مو بعينك؟
-: لا لا والله مو هيچ ألقصد على راسي كِلكُم بس يعني.
-: لا بس ولا بطيخ أني عندي ألك مره.
-: شـنوو تحچي صدگ أنتَ بابا اسكت اسكت ما اتزوج هسه الا امكن نفسي يلا منين اجيبلهه مهر؟ منين اجيب غُرفة أخشاب؟ ألبيت كله مفطرة حياطينه وربع دينار ما بجيبي.
-: بدون مهر گبع وأخذ ألبنت بنت عمي علي كفيلك أللّٰه بحسبة خواتنه أحنه ناطينك أياهه.
-: وأذا ألبنت ماموافقه وجاي أگلك ألبيت ماضله شي ويگع
بلا رحت أخذتهه و ورا فترة وگع علينه ألبيت شدگول وگتهه؟
-: أنتَ ما عليك بِـهذا كله بس گول تم وهاي هيًَ
.
.
.
مَشهد [3]
.
طِلعت من ألمدرسه وحدي أتمشى حلوا ألطلاب كلها أليوم ممداومات خواتي وبنت عمتنا لأن قربت نصف السنه فـ ماقبلن يداومن دا امشي وطبگت يمي سياره عندي رهبه وخوف من تطبگ سيارة تمشي بصفي يابه أموت أني ولا تمشي سيارة بصفي أخرط ألعافيه أحس العالم گلها دگول هذا صاحبهه واني ماعندي شي،ألتفتت دأ أشوف منو صاحب هالسيارة ألي طبگت وياي تمشي وتفاجئت بي وزاد أرتباكي وخوفي من گال بنبرة أمر أي يعني غصبًا ماعليچ تجين وياي
-: تعالي صعدي اوصلچ بطريقي لبيتكم
لا وبكل عيين وقحه دا يطلُب مني أصعد ويا كل عقله هذا لا والنوب وياه صاحبه لعد شگدد عديم غيرة أذا يريد يصعدني ويا أو وياه صاحبه ألتفتت عليَّ دا ارد وچان يخزرني ويباوع لصاحبه ألي من طبگ هوا بسيارته صاحبه يباوع عليه
-: أولاً لا تخزر ولو تموت ما أصعد وياك بعد عميلتك ألسوده أحمد ربك ما گلت الأبوي وأخوتي عليك الا يطلعون مُصارينك من حلگك وحلگ هالمشرشب الي يمك يا سفله ويلا ولو منا لا وعلي أتصل هسه على أخوي وابوي وأخليهم هُم يتصرفون وياك يا عديم غيرة.
-: بسيطه بعيني يا بنت عمي وتعالي صعدي اوصلچ بالزينه.
-: ما أصعد لو تموت هياته بيتنه وصلته.
-: ألضاهر أنتِ ما تجين بالعيني وأغاتي شو تعالي.
نزلت جنطتي من أكتافي وتبرزت دا اركض بس مع الاسف بعدني ما خاطيه خطوتين چلب بيَّ حاولت اتملص منه وارفس وادفر واعض بيده اريد بس يحلني مچلب تچلبه الي يگول علچ وصعدني غصب.
.
.
.
_____________________♡________________________
هلاو هلاوووو يا حلوين شلونكم شخباركم حبايب گلبي أن شاء أللّٰه تكونون بخيرر.
ألمهم ألمهم احمم احمم اجيتكم بقصة ألمتيم أطگ طگ بالگاععع تابعوا ويانه ألروايه
وأقرو الاعلان زين كلشش ودققوا بي وشوفوني شنو الي يطلع عندكم 😅
وانطوني رايكُم وتوقعاتكم حول الروايه
انتضروني بعد كم يوم أن شاء أللّٰه
أبدي أنزل ألكم بارتات
وهاا هاا گبل لا أروح دوسوا عالنجمه بدربكم وعلقولي بين الفقرات عزيزيني 💖
أنت تقرأ
أَلمُتيّم
Romanceأنا تائِه بَين ذَاتي وكياني أنا مَن أنا؟ أنا حُروف مُبعثره تائِهًا حائِرًا أنا مَن أكون أنا شَجرةً بِدون غِصون أنا عَقل وفِكر لـٰكن أصبح يَتملكُني ألجنون مَن أنا ومَن أكون؟ أنا طائِراً حَزين أنا أرضٍ قَاحلة في شِتاء يَفتقُر للغيوم أنا بَحرًا...
