🦋 إسكريبتات شروق حسام 🦋

إسكريبت 🦋 خزلان ولكن 🦋

إسكريبت 🦋 بقلم شروق حسام 🦋

_" أنس أنا مش عايزة أخلف "

أنس بعدم إهتمام وهو مركز في الماتش " بطلي هزار يا اروى ده مش وقت هرموناتك خالص "

اروى بجدية " أنا مش بهزر يا أنس أنا مش عايزة أخلف "

أنس قفل الشاشة وبص لها بتركيز " اللي هو إزاي يعني معلش إحنا بقى لنا 3 سنين متجوزين وكل شوية تقولي لي نأجل الخلفة وأنا بعمل اللي أنتِ عايزاه "

_" يا أنس إفهمني بس أنا مش عايزة أخلف ولد أو بنت ويطلع متعقد زيي أو يطلع مريض نفسي لو أهملته أو ماقدرش أدي له الحب والحنان الكافي "

_" ده طبيعي يا اروى أي واحدة بتفكر زيك كده "

_" حاول بس تفهمني الخلفة مش سهلة وتربية العيال مش سهلة زي ما أنت فاكر "

أنس بعصبية " أنتِ هتفضلي لحد أمتي كده أنتِ بتتحججي عشان مانخلفش أصحى يا اروى أصحي أنا واحد غيري مكنش إستحملك كل السنين دي بجد أنا تعبت وقرفت "

اروى بصدمة " أنا بتحجج يا أنس أنا أنت ليه مش قادر تسمعني أنتِ ليه مش عايز تديني راحتي أنا بقول لك دي حاجة غصبًا عني مش قادرة أستحمل إن إبني او بنتي يطلع شبهي "

أنس بقسوة " وأنا مليش فيه أنا عايز أخلف وأنا هديكي راحتك خالص ومعاهم حريتك كمان أنتِ طالق يا اروى لمي هدومك وروحي علي بيت أهلك وورقة طلاقك هتوصلك "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة
في بيت أهل اروى

_" يعني إيه إتطلقتي أنتِ لازم ترجعي تتأسفي لأنس عشان يرجعك وتقولي له إنك موافقة تخلفي "

اروى بصدمة " أنتِ بجد يا ماما شايفة إن ده الصح أنتِ ليه مش حاسة بالمعاناة اللي بعيشها "

رنا خالتها برفعة حاجب " هنحس قصدك شايفين خيبتك السودا أنتِ بس لو صبرتي كنتِ هتبقي عايشة متستتة ومعاكِ عيلين زي البت زينب بنتي "

_" اه زينب زينب اللي جوزها بيضربها وبيشم بودرة اللي كل ما تيجي تستنجد بيكِ تقولي لها جوزك ويعمل اللي هو عايزه زينب اللي كانت هتموت نفسها بسببك زينب اللي حالتها النفسية بقت زيرو بسبب معاملتك أنتِ وجوزك وجوزها ليها "

_" أنا إتطلقت وده الحل الأنسب هو عايز عيال يروح يتجوز واحدة تانية ويخلف منها أنا مش جاهزة وكمان إحنا مكناش بنحب بعض ده كان جواز صالونات وكان بردوه بسببك يا خالتي "

أمها بسخرية حادة " بت إخرسي خالص هو عشان جوزناكي وسترنا عليكِ يبقى ده جزائنا ده البنات بتتجوز من وهي 16 سنة وأنا جوزتك وأنتِ 19 سنة فإحمدي ربك علي النعمة "

_" بجد يا ماما النقاش معاكم بيبقي عقيم "

كملت بحدة وهي حاسة بتعب " اللي هيفتح الموضوع ده تاني هيشوف حاجة عمره ما شافها ولا هتعجبه ولو حد فكر مجرد تفكير يعملي حاجة أقرب مركز شرطة وهبلغ عنه "

رحمة مامتها جت تضربها بالقلم جرس الباب رن

راحت اروى تفتح الباب لقت واحد واقف

_" نعم حضرتك عايز حاجة "

_" انا جاركم لسه ناقل هنا من 3 شهور وكنت نازل الشغل بس سمعت صوت عالي كنت بحسب حصل حاجة "

تروى ركزت في اللبس اللي هو لابسه لقته ظابط

اروى بصوت عالي " أيوه يا حضرة الضابط فيه مشكلة "

#خزلان_و_لكن
#شروق_حسام