بقلم شروق حسام 🦋
عدى فترة وخلصت إمتحانات آخر السنة وخلاص كنت إتخرجت وقررت إنِ هسيب كل حاجة ورا ضهري وأسافر من غير ما أعرف حد
وحاليًا بعد سنتين قضيتهم في أمريكا قررت أرجع مصر تاني بعد ماعرفت إن ملك تعبانة وحالتها خطرة
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
في بيت ملك
دخلت بسرعة وطلعت علي أوضتها تدور عليها
_" أهلًا أهلًا يا هانم الواحد مش بيعرف يستدرجك غير بكده "
_" ملك أنتِ بخير صح حرام عليكِ وقعتي قلبي ينفع اللي أنتِ عملتيه ده يعني تعملي نفسك تعبانة وتخضيني كده "
ملك بحدة " وينفع اللي عملتيه أنتِ كمان "
سلمى بكسوف " يا ملك أفهميني "
_" أفهم إيه أفهم إن صاحبتي الوحيدة وأختي تسافر مرة واحد من غير ما تقول لحد "
_" بس أنا كنت بكلمك دايمًا "
_" لا والله "
_" خلاص ماتزعليش مني حقك عليا "
_" لا زعلانة ومش أنا لوحدي اللي زعلانة "
_" مش فاهمة قصدك مين تاني اللي زعلان "
_" مش هقول لك "
كملت بحزن " إياكِ تعملي كده تاني ماشي مش عشان زعلانة ومتضايقة تروحي سايبة مصر كلها "
كملت بمرح " بس رجعتي وبقيتي قمر 14 يا سولي خسيتي يابت "
سلمى بتنهيدة " اه كان فيه مدرب بيتابع معايا وكان صارم جدًا عشان كده خسيت في وقت قياسي "
_" باركِ لي مش خطوبتي بعد يومين "
سلمى بصدمة " إييييييه إزاي وحصل أمتي ومين اللي خطبك "
ملك بتوتر " فايز "
_" فايز مين يا حبيبتي "
_" هو فيه غيره يا سلمى "
_" بصي أنتِ شكلك جرا لعقلك حاجة في السنتين اللي غيبتهم أنتِ بتهزري مش كده ده أنا كنت دايمًا بكلمك وعمرك ما حكيتي لي حاجة زي كده "
_" حبيت أعملها لك مفاجأة "
_" مفاجأة سودا "
_" ههههه أنا ذات نفسي مش مصدقة بس معاكِ حق في قرفك منه بس أعمل إيه يا سولي لقد وقعت في الفخ وأصبحت أسيرة عشقه "
_" يا سلام يا سلام وبتقولي كلام حلو كمان "
_" أنا راجعة الفندق عشان أنام مش ناقصة حرقة دم أكتر من كده "
_" خليكِ هنا أو إرجعي البيت مش لازم تروحي فندق ده بيتك زي ما هو بيتي "
_" معلش يا لوكة سيبيني علي راحتي هرتاح في الفندق أكتر "
أنت تقرأ
🦋 إسكريبتات شروق حسام 🦋
Short Storyهنا تجتمع الواقعية بكل معانيها ❤️🦋 هنا حيث اكتب ما يدور في خاطري♥️🦋
