🦋 إسكريبتات شروق حسام 🦋

الجزء الخامس 🦋

بقلم شروق حسام 🦋

إتنهدت بتعب وأنا مش عارفة أقول لها إيه ولا إيه

_" كل الحكاية إنِ تعبت "

_" من إيه "

سلمى بصوت مرتجف " من كل حاجة ومن إهمال بابا أنا بجد بحس إنِ مش بنته ولا بحس إنِ جزء من حياته شغله هو كل عيلته وأنا زي المزهرية القديمة اللي ملهاش لازمة ومركونة على جنب ببقى بس نفسي أحضنه خمس دقايق بس حتى دي مش بكمل فيها 5 ثواني وبيبعدني عنه كأنِ فيروس معدي وهيقتله دايمًا بشوف تعامله مع الكل وبقول لنفسي هو ليه مش بيعاملني زيهم مع إنِ والله بنته وبسبب كده شوفتيني إتغيرت كل حاجة فيا كانت إتغيرت أسلوبي لبسي طريقتي في الكلام بقت أسوء بكتير "

_" أهدي يا سلمى وإن شاء الله كل حاجة هتبقي أحسن "

سلمى بتنهيدة " إن شاء الله ماعرفش من غيرك كنت عملت إيه في حياتي "

ملك بصت لها بإبتسامة وكملوا مشي من غير كلام لحد ما روحوا

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عدي شهر

وسلمى بتنظم وقتها ما بين الكلية والشغل اللي ظافر مطلع عينها فيه وبيديها شغل فوق طاقتها

_" أستغفر الله العظيم "

فايز بسخرية " بتكلمي نفسك ليه يا كرنبة "

سلمى في سرها " مش هرد عليه مش هرد "

_" كرنبة سرحتي فين "

_" ماترديش ماترديش "

_" طب أقول لك إيه يا بقرة "

سلمى بصراخ " يووووه بقى أنا قرفت منك هو موال كل يوم إرحموا من في الأرض يرحمكم من في السماء هو مش أنت مكتبك الناحية التانية إيه اللي بيجيبك هنا "

فايز بإستفزاز " ملكيش دعوة أروح في المكان اللي يعجبني وكمان بحب أشوفك متعصبة يا كرنباية "

سلمى بشر " أنت اللي جبته لنفسك "

فايز برفعة حاجب " هتعملي إيه يعني "

_" هعمل كده "

خلصت كلامها وهي بتزقه علي الأرض بتوقعه

_" ااااه يا ضهري جاموسة بتنطح "

_" أنت بني آدم قليل الادب ماتربتش وواحد متنمر "

_" فيه إيه إيه اللي بيحصل هنا "

_" كل خير ظافر كل خير انا هقدم إستقالتي أنتم شركة مقرفة وتجيب الغم "

ملك من وراها بحدة " وأنا كمان هقدم إستقالتي "

سلمى مسكت إيد ملك وخرجت بره وهي بتطلعلهم لسانها

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عدي الوقت

وسلمى روحت لقت باباها قاعد في الصالة وحست إنه مستنيها

مكلمتهوش وجت تطلع علي أوضتها وقفها صوته الحاد " ينفع أعرف إيه اللي أنتِ بتعمليه بقى لك فترة ده "

_" وأنا بعمل إيه يا بابا فهمني "

_" قلة أدبك في الكلية سكت عليها وقولت عيلة وغلطتت لكن تمدي إيدك على حد وهو مش غلطان تبقي كده عايز إعادة تربية ياللي ماتربتيش "

_" وعرفت منين الموضوع ده لحق يقول لك أمتي "

_" عرفت من فايز اللي جاي لي بعد ما خد عنواني من سلام "

_" واو وبعدين حصل إيه صدقته مش كده ما هو أي حد بيقولك حاجة عني هتصدق مش كده "

_" أنتِ فعلًا ماتربتيش "

_" معلش بقى ما أنا ماتربتش أصلًا "

دياب رفع إيده وضربها كف وهي فضلت ثابتة مكانها بجمود " إطلعي على أوضتك مش عايز أشوف وشك "

_" تمام براحتك "

سلمى طلعت علي أوضتها بخطوات بطيئة والدموع ملت وشها من القهر واليتم اللي أبوها بيحسسهولها وبيعيشهولها

نامت بتعب وهي حاسة إن قلبها قرب يقف من كتر الوجع اللي حاساه

#الجمال_الداخلي
#شروق_حسام