بقلم شروق حسام 🦋
_" لو سمحتي أنا ملك سلام الرفاعي سكرتيرة مستر فايز الجديدة ودي سلمى دياب المحمدي سكرتيرة مستر ظافر الجديدة "
السكرتيرة بإشمئزاز " ياييي بقى دي سكرتيرة مستر ظافر اللي بيشتغل عنده أحلي وأجمل الستات "
_" اه هي دي السكرتيرة الجديدة بتاعته ولو ماكتمتيش يا خلة السنان أنتِ هتكونِ مرمية في أقرب باسكت زبالة بره الشركة دي "
كملت بهمس " أصل بابي شريك ظافر فلو لقيتك بتنطقي حرف واحد مش عاجبني هتشوفي نفسك مرمية بره الشركة وإياكِ أسمعك تقولي لحد أنا مين أو سلمى مين أصلها بنت رجل أعمال كبير أنتِ نفسك هتتصدمي لما تقعدي مع نفسك كده وتعرفي لوحدك هو مين "
السكرتيرة بوقاحة " هو أي حد يجي يقول لي الكلمتين دول هصدقه "
ملك بغمزة " تحبي تجربي يا قطة وعادي ماعنديش مانع خالص تبقي عبرة للكل "
السكرتيرة بتوتر وخوف " آسفة يا آنسة سلمى "
_" تمام حصل خير "
ملك بهمس " شطورة بتسمعي الكلام "
السكرتيرة بجدية بس من جواها خايفة " ده مكتب مستر ظافر وده مكتب مستر فايز حضراتهم قالوا لو جيتوا أدخلكم ليهم علي طول "
ملك وسلمى في صوت واحد " تمام "
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
وققت قدام باب مكتبة وبقت تكلم نفسها
سلمى بتوتر " الثقة هكون واثقة في نفسي "
خدت نفس عميق وخبطت علي باب المكتب وظافر سمح لها بالدخول
_" أدخل "
_" السلام عليكم أنا سلمى سكرتيرة حضرتك الجديدة "
ظافر وهو مركز في الورق اللي قدامه " تمام إتفضلي أقعدي يا سلمى "
سلمي بصت للكرسي بتوتر لأنه صغير ومش هيكفيها
ظافر رفع رأسه بإستغراب " إتفضلي أقعدي "
_" هو هو بس "
_" إتفضلي أقعدي علي الكنبة يا سلمى هتبدأي توهان من أول يوم كده "
_" آسفه مش قصدي "
_" تمام مش مشكلة "
_" طبعًا أنا عارف إنك جاية أنتِ وصحبتك تبع عمي سلام فعشان نكون علي نور من الأول أنا اه قبلتكم بواسطة بسبب الشغل اللي ما بينا بس أنا في شغلي الخاص ماعنديش حاجة إسمها واسطة وهتبقى مميزة عن غيرك مفيش الكلام ده لو لقيتك كويسة ومهتمية بشغلك هتلاقي كل حاجة سهلة لو حصل العكس هيبقى مع السلامة ومستغني عن خدماتك فهمتي يا سلمى "
_" تمام فهمت "
_" تمام تقدري تبدأي من دلوقتي "
_" تمام تؤمر بحاجة حضرتك "
_" واحد قهوة سادة "
_" تمام خمس دقايق والقهوة هتكون علي مكتب حضرتك "
سلمى سابته وخرجت تحضر له القهوة وهو كان باصص علي آثرها وبيبتسم بشر
_" والله ووقعتي تحت إيدي يا سلمى الكلب ده أنا هوريكي شوية من اللي كنتِ بتعمليه فيا "
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
بليل
كانت سلمي وملك خلصوا شغل ومروحين مشي
_" أنا..أنا تعبت أوي النهاردة "
_" يا سولي عشان أول مرة تشتغلي بس "
_" ده مش شغل ده عذاب ده خلاني أنظم مواعيد قد كده وأظبط ده وده وده وده كأنِ عدوته "
_" هههه يابنتي هتلاقيكِ من التعب بس حاسة إنه كتير "
_" ممكن أنتِ عملتي إيه "
_" عارفة صاحب البطل في الرواية الملزق ده "
_" هههه إياكِ تقولي إنه زيه "
_" بالظبط "
_" عمل إيه "
_" ضحك وهزار كتير وعايز يلمس الأيادي بس أنا بعدت ست الكل دايمًا بتقول لو اللي قدامك ممدش إيده ماتعمليش ليه حاجة بس لو حصل ومد أقطعهاله "
_" وأنا الصراحة كان نفسي أوي أقطعهاله بس بعدت "
_" هههه فظيعة يا لوكة ملكيش حل "
_" طبعًا طبعًا يابنتي "
كملت بقلق " سلمى حاسة إن فيه حاجة مضايقاكِ آخر فترة "
_".....
#الجمال_الداخلي
#شروق_حسام
أنت تقرأ
🦋 إسكريبتات شروق حسام 🦋
Short Storyهنا تجتمع الواقعية بكل معانيها ❤️🦋 هنا حيث اكتب ما يدور في خاطري♥️🦋
