🦋 إسكريبتات شروق حسام 🦋

الجزء الثالث 🦋

بقلم شروق حسام 🦋

عدت أيام كتير
لحد ما خلصت إمتحانات نص السنة وخلصت الإجازة وجيه الترم الثاني

سلمى بتوتر " ملك أنا عايزة أروح مش عايزة أدخل كل ما بفتكر اللي حصل لي بتقهر أكتر "

ملك بابتسامة جميلة " سيبك من كل ده إفتكري كل اللي قولتهولك وعلمتهولك الفترة اللي فاتت عيدي كده السبع حاجات الأساسية اللي قولتهم "

_" 1 "

_" التوبة والاستغفار عن اللي عملته "

_" 2"

_" الإلتزام في لبسي وصلاتي وعبادتي وأقرب أكتر من ربنا "

_" 3 "

سلمى بتوتر وتلعثم " أتأسف...ل..لكل واحد ضايقته "

_" 4"

_" ماتوترش وأكون واثقة في نفسي "

_"5 "

_" أي حد يقولي كلمة وحشة أقول له ربنا يسامحك وماردش عليه "

_" 6 "

_" ماهتمش بكلام حد وأبعد عن أي حد بيأذيني وأحاول أصاحب البنات اللي معايا في الكلية "

_" 7 "

_" أشتغل جنب الكلية "

_" شطورة يا سولي وعندي خبر هيفرحك أنا لقيت شغل لينا "

_" بجد يا ملك فين "

_" شريك بابا في الشغل عنده شركة لإدارة الأعمال وعايز سكرتيرة ليه وسكرتيرة لشريكه التاني وهو مراعي إننا في كلية وكده فهيبقي الشغل من بعد الكلية لحد الساعة 9 بليل "

سلمى بحيرة " بس ليه نشتغل سكرتيرات "

_" من غير بس يا سلمى مفيش حد بيبدأ من القمة وكمان إحنا أصلًا مش بدأين من الصفر إحنا بدأين من فوووق الصفر بكتييييبر فاهمة قصدي يعني إحنا المفروض نتعب وندور ونحاول ونفشل وننجح نقع ونقوم "

كملت بتنهيدة " فنحمد ربنا إننا لقينا الشغل ده إحنا يعتبر زي واسطة شغل السكرتيرة ده ألف واحد بتتمناه "

سلمى بخجل من تفكيرها السطحي " معاكِ حق أنا آسفه "

_" ماتتأسفيش مفيش آسف ولا شكر بين الصحاب أنا بفهمك بس مش بعاتبك "

_" ويلا ندخل المحاضرة "

سلمى هزت لها راسها بهدوء ودخلت المحاضرة تحت همسات الكل الساخرة والمتنمرة

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة كانت المحاضرة خلصت

وسلمى خرجت وهي ماسكة في إيد ملك وراحت إعتذرت لكل واحد ضايقته أو أذته

وده خلي الكل يستغرب منها وحاولوا يصدقوها بس مش عارفين يعملوا كده فلا يبلغ المؤمن من جحرًا مرتين

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة طويلة

_" ملك أنا هروح الأول أغير هدومي تيجي معايا "

_" ماشي مش مشكلة بس أنتِ عايزة تغيريها ليه ما هما حلوين أهو "

_" حاسة براحة بعد ما إتآسفت للكل فعايزة أروح أخد شاور وأغير هدومي عشان أحس بنشاط أكبر  "

_" تمام يا سولي بس مش عايزين نتأخر في أول يوم "

_" ربع ساعة وهكون خلصت كل حاجة وهنكون قدام الشركة كمان "

ملك بضحكة " يا واثقة أنتِ "

سلمى بخجل " هههه طبعًا "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة

كانت سلمى روحت وخلصت لبس وراحت علي مكتب باباها عشان تشوفوه

خبطت علي الباب وهو سمح لها بالدخول

_" عايزة إيه يا سلمى أنا مش فاضي دلوقتي "

_" كنت بس عايزة أقول لك "

_" عايزة فلوس مش كده خدي الكريديت وإصرفي اللي أنتِ عايزاه بس سيبيني لوحدي دلوقتي عايز أكمل شغل "

سلمى بكسرة وخيبة أمل " تمام يابابا أنا راحة الشغل "

_" ماشي ماشي أخرجي بقى "

_" حاضر "

سلمى خرجت وهي قلبها واجعها والدموع محبوسة في عينيها مش قادرة تنزلها

ملك بقلق " حصل إيه مالك وشك أصفر كده ليه "

_" مفيش يلا نمشي "

ملك بصت لها بقلق بس مارضيتش تضغط عليها أكتر هي متوقعة اللي حصل بس هي مش متأكدة إذا كان هو ده السبب ولا لأ

#الجمال_الداخلي
#شروق_حسام