تنهت:جايكم ياجوري جايكم قفل الخط يدخل جواله بجيبه
يالله ياجد استاذنكم ومايحتاج اوصيكم في عيالي
ابتسم الجد: لا تشل هم منهم
وضحى :رح ياولدي خلهم يونسَوني عند الخيول
ابتسم : الله يحفضكم ركب سيارته يتجه للبيت
سارا :جوري وش نسوي عشان نواسيه ؟
زفرت جوري تجلس مانقدر نسوي شي له تعرفين انه عنيد ومايحب احد يواسيه في حزنه
تتذكرين وقت قالو سعد متوفي كيف كانت حاله طلع منها بصعوبه
هو اليوم بنفس الحال مالنا الا ننتضر متى يستجمع نفسه ويطلع من جديد
دخل سعد :سلام عليكم وين رعد ؟
خذت موضي نفس : في غرفته تقدمت سارا تمد له الاوراق
خذها يقرى ناضرلجوريً : قد عطاها عبدالله ؟
جوري :ماضن الضاهر ساعت طلقها جاء البيت
سارا :سعد سو شي تكفى حالته مزريه انهار بحضن امي
زفرت موضي :ضاق صدري من حاله تعلق ببنت عبدالله وهوً لا تعلق تعلق
التفتت سارا ااوه تمنيت ماطلقها تمنيت قعدت احس البيت فاضي من دونها
ابتسم سعد :لذى الدرجه تحبينها ؟
ابتسمت تمسح دموعها:اموت فيهاا واموت بنوف وئام كلهم مجانين
بس نجتمع نصير مجانين بذات لا قابلنا ليلى التبن وليان
بس بردت نوف قلبي
تجلد ولا تبالي توقع وش سيارتها ؟
سعد :وش ؟
ضحكت جوري :شاص وسع عيونه شاص مره وحده ذي درباويه
سارا :ياولد اقولك تبيها فزعه تلقها عسل يازينها نخطبها لك ؟؟
ضحكً بتساع: لا هاذي بخليها لعوض تناسبه
ميلت سارا ثغرها بستغراب
التفت جوري تناضرها : عوض خوي جلاد ابتسمت اوه مين جلاد ؟
ابتسم سعد يلتفت لجوري : زوجهاا وسعت عيونها
تضرب كتفه بـ خفه سعد !
صحيت سارا:اوه دكتورتنا حبت يالطيف عاد أنا ماصدق
انت تصدق ؟جوري والحب لامـستحيل صرخت جوري
وش ذا الكلام خـبله انتي تصدقين سعد ماحبه ولا اعرفه
ضحكت : طيب شفيك عصبتي ههههه
شكلنا بنقوم عرس الفتره ذي
تنرفزت توقف : سارا !! لاتخليني اجن عليك زودتيها ترى
ابتسمت سارا :طيب خلاص سكرت فمي خلنا نشوف تاليتها
جوري :عندي استلام بـلمستشفى استاذنكم
سعد :بهاذا الوقت ؟
جوري :اي معني ماخذه اجازه شهرين اتصل المدير وطلبني
سعد :استودعتك الله تجهزت جوري تطلع اتصلت وتين
خذت الجوال :هلا وتين
وتين :دكتوره جوري اتصل عليك المدير ؟
جوري :ايوه جايه المستشفى
وتين :لا تجين المستشفى تعرفين وزاره السجون طالبين دكتوره من مستشفانا ومستعجلين والمريض مايقدر يجي المستشفى
سلمى قدامك مع الدكتور زياد
جوري :مني اتصل لكم ؟
وتين :العميد بدر رئيس الضباط
زفرت :تمام متوجهه لهم
السجون -
في قلب الساحه
التفت عوض جلاد جازلك المكان ؟
عقد حجاجه :يمشي الحال صبرنا على اللي اشد منه
نطق عمارعيال تشوفون اللي يطالع لنا وده ب الهده ولا يهيا لي !
ابتسم وليد :اوه جاء جاء ماكفاه يطالع وجاء
تقدم غنام بيده السبحه توكم مسجنوين اجل
ناضره جلاد بنص عين والمطلوب!
ضحك نادر بتساع:اوه شوفو من جاء
متعب :سلطان ابن الكلب ها يا السقوه خذيت لك ذباب يحرسونك؟
صرخ غنام:الكلب انت يلا عطوني كل اللي بجيبكم الفلوس والساعه اللي على يدك هاتها قبل قاطعه جلاد قبل وش !
تبيني امرغ وجهك بـ التراب ؟
ولا تبيني اكسر راسك ولا شريك اقتلك مره وحده ؟
صفر غنام بيده ضحك وليد الجو ولع جو جراوته تعادى
طالع جلاد لكثرت الرجال اللي جو لغنام
يبتسم جوه السّطاوه والضرب ماكن عنده ذره شعور
وحساس ما يعرف الخوف يسوي اللي برأسه ولايهتم
مبتغاه يخلي غنام يندم هو واللي معه واخوياه
خذو طبعه مايعرفون الخوف واللي براسهم
يسونه بدون تفكيرر التفت،
لـ سلطان ينطق: انت رح صل ودع ربك قصاصك بكره ونكأنك تبي توديع قبل موتك فـ دخل معهم شمر عوض بلوزته تقدم
غنام يلكم وجه متعب بكل قوه وبدت الهده وضرب ،
سحب جلاد غنام يضربه نزل وليد بلوزته يشنق سلطان
يـطـفـي نارحـرتـه بـ الايام اللي راحت
ومتعب مستلم شعرِ غنام وهو بيدين جلاد اللي مرخ وجهه
بتراب لدرجه انه يصرخ لـ جلاد يفكه :فكني معد اتنفس الله يلعن امك ضحك متعب يشد شعره ويضربه تبي ساعتي اجل ها خذها يرجده ضربب بساعه على راسه صرخ عوض متعب تعال ابرك فوق الاجرب ذا قام متعب يركض ويطب على نايف وقف سلطان يدف وليد ياخذ الحديده يضربها بجبهت جلاد طاح جلاد من قو الضربه يمسك حجاجه
كمل عبدالوهاب يلكم عمار ويكمل على نادر صرخ عوض يجن جنانه بس شاف جلاد يتوجع يشل سطل الزباله على كبره يرجده بضهر سلطان الى ان طاح فـي الارض مغمى عليه يدور بسطل مثل
المجنون و بكل قوه يـ ضرب غناَم تدخل الامن يفرعونهم
عند العميد بدر }
سلامات تونا قايلين بسم الله ومدخلينكم ماسرع وتخانقتو
جلاد انا ساكت عشان رعد ولا والله انتنطق بـ عشر سنوات هناا
ياخي استوعب اني مهربكم وكاذب على النقيب وقايل انكم عمال
ذبحت الرجال مودينه للعنايه مني رمى السطل على غنـام منكم !
تقدم جلاد :انا مسك عوض كتفه وهو عارف ان جلاد يبي يتحمل المسؤولية عنه وياخذ عنه العقاب ينطق لاتكذب انا اللي
مسكته ضحك عمار لاذا ولاذ
انا اللي شليته وطشيت روسهم عقد بدر حواجبه :كل وحد منكم يبي يتحمل عن الثاني انت يقصد جلاد وجهك كله دم راسك يبي له خياط وانتو وش ذا الحال متاكدين وجيهكم مافيها كسور !؟ مانكمً بصاحين اجل هذا ٣يوم لكم وسويتو اللي ماينتسوى عاد
الايام الجايه وش بتسون ؟!!!
والمشكله مقدراخاطر واخليكم تروحون المستشفى
وليد :خل يجينا دكتور
طالع بدر لوليد :بالله عـليك تحسب كل شي سهل هذا لوني قلت لنقيب انه جلاد ورفعنا لنيابه وحكم عليكم بـ 10سنوات وقصاص !
جاه اتصل يرد :نعم فيصل
فيصل :بدر وصل الطاقم الطبي عشان حاتم لونكً تبيهم
بدر : بيض الله وجهك ابكً كيف جبتهم ؟
فيصل :حاتم رفض يطلع من السجن الانفرادي
طلبت له دكتوره وستشاري
ياخي رحمته قد له بسجن 20سنه راح عمره والله يا نقيب مايدري
بدر :ونا عندي مجانين مقدر اطلعهم المستشفى خلهم يخلصون
ويجون لغرفه العزل لاهنت
فيصل :ابشر بس حاول انهم يستعجلون قبل يجي
النقيب ولا كلينا تراب
بدر :لا معليك ازهلني
نادر :ها بشر في دكتور ؟
زفر بدر : اي
دخلت جوري تتصل بوتين
وتين :لبيه وصلتي ؟
جوري :اي وينكمً
وتين :موجودين بـ السجن الانفرادي التفت الدكتور زياد يأشر لوتين مايحتاج جوري تجي خلصنا التشخيص جوري خلصنا تشخيص مايحتاج تجين ياقلبي شكرا لك تعبناك
اغمضت جوري عيونها تكتم غضبها: لاحول ولا قوة الا بالله
طلع عوض والعيال التفت من سمعت الصوت ناضرها عوض يبتسم بصعوبه من الضربه يا دكتوره
تقدمت لهم وش بلاكم وش في وجهك ؟
وانتو ورى حالتكم كذا !طلع بدر السلام عليكم
جوري :وعليكم السلام
بدر :الدكتوره جوري من مستشفى قاطعته جوري ايوه
ابتسم بدر :من انفعالها وردها نطق :تمام المجانين اللي قدامك حالتهم ماش عالجيهم بسرع وقت لان لو يجي النقيب ويشوفهم هنا خسرت شغلي ويبتلش اخوك رعد ناضرت في العيال وفكرها لـ جلاد اللي مو موجود معهم تلتفت لبدر : دام الموضوع يخص اخوي ازهله عندي تفضلو داخل طلع الدكتور زياد ينادي :جوري مارحتي ؟
ابتسمت بسّخريه : تعرف زين اني جيت ومارح اروح الا وكملت شغلي
وتين : كم عدد المصابين ؟
جوري: سته تقدمت وتين بشنطه الاسعافات دام ان حنى مستعجلين
انتي 2ونا2وزياد 2عشان نخلص بدري تقدمت عوض لجوري
انا عند جوري تقدم عمار ونا قرصه عوض يهمس لا ياغبي
ضحك عمار ايي صح وتين انت تقصد عمار تعال اجلس افحصك
همس عوض لجوري جلاد داخل بمكتب بدر جبهته تنزف ورفض يتعالج
اكتفى يغطى الجرح بـ منديل زفرت تاخذ شنطه
الاسعافات اجلس
نزل عوض حجاجه :انا ؟
جوري :ايوه شف خدك متورم
جلس عوض رفعت يدها لخده تلتمس مكان الضربه غمض عيونه بألم
ابتسمت :اوجعتك ؟
عوض :لا
زفرت تضمد جرح وجهه خلصنا خذت كريم تخفيف الكدمات تمده له
عوض :وش هاذا ؟
جوري : هذا تحطه لمده 3ايام يخفف لك الالم
ابتسم عوض :يادكتوره ماودك تشوفين جلاد تلقينه بـ مكتب بدرتقدمت تخطي خطواتها للمكتب فتحت الباب تدخل
نطق :عوض قلت لك لا
تقدمت توقف قدامه رفع ناضره لها ينطق:العناديه !
ابتسمت تنطق:المجنون شايف حالك ؟
ملابسك كلها دام وجبهتك تنزف ورافض الدكتور يشوفك !
زفر :رفضت الدكتور بس ماقلت اني برفض الدكتوره !
جلست مقابله وناضرها تركز اصابت جبهته القريبه لـ حجاجه
خذت الابره يمسك يدهاا طالعت له بستغراب شفيك ؟
سرعان مانتبهت لنضراته للابره ضحكت بتساع
طفل لاتقول تخاف منها ؟
رفع حجاجه: خيطيها بدون ابره زفرت تبعد
يده جلاد المجنون تتحمل الخياطه بدون بنج ؟
جلاد :اتحملها وتحمل غيرها
قوست شفتها تستفزه تمام رح اخيطك بدون بنج
جلاد الطفل قربت لوجهه تخيط وهي تعرف ان الخياطه المها
قوي وسط ماهي تخيط جرحه ناضره متركز
عليها يتأمل كل جزاء منّها ،
شد على يده من حس بـ ئلم قصت الخيوط
تسئله كيف تعرضت لضربه ؟
جاوب وناضره لها :سلطان نزلت المقص سلطان !هذا مامات
جلاد :قصاصه قريب سعد جاك ؟
خذت نفس تغطي الخياطه بشاش مهتم اذ جاني ؟
اطال النّضر لوسط عيونها يجاوب :اللي يهم سعد يهمني يادكتوره
بذات اذ هي بنت ولسانها سليط توترت من عيونه
ونضراته اللي ارتكزت ،
لعيونها وكلامه الي يدل على اهتمامه فيها
مَعلن عن وجود مشّاعر وعتراف
ارمشت بعيونها بتوتر تغير الموضوع ام من تضاربتو معه ؟
انتبه لتوترها وتغيرها للموضوع يبتسم واحد يقاله
غنام وعوض ماقصر فيه ،
شل السطل وقشهم به ضحكت بتساع ياملح عوض طيب وينهم ؟
جلاد :في العنايه انفرطت ضحك بجنبه ضحك من ضحكها ماتوقع انها عبيطه ولها شخصيه مرحه رفعت يدها لفمها استغفر الله يارب
جلاد :والله طلعت الدكتوره تضحك مشالله الله
يديمها دخل عوض يقاطعهم
طالعت له تبتسم:اثرك ماقصرت فيهم دخلتهم العنايه
ضحك والله يادكتوره هم اللي بدوها ويستاهلونها اشوف ابونا بخير يقصد جلاد دخل العميد بدر دكتوره خلصتي ؟
وقفت جوري تاخذ شنطه الاسعافات ايوه امورهم
طيبه التفتت لجلاد تهمس
المجنون انتبه لنفسك ضحك عوض يطالع لجلاد
سمعت وش قالت لك يامجنون؟
خرجت جوري والعميد بدر
العميد :الله يعطيك العافية
جوري :الله يعافيك تخرج من السجون متوجهه للقصر
الصباح بيت عبدالله ~
خرجت الهنوف من غرفتها بعد ما استجمعت نفسهاا
تقدم عبدالله :جاهزه نتوجه لشركه ؟
ابتسمت جاهزه ياعيوني جاهزه ركبت السياره مع ابوها
ووجهو لشركه ناضرها عبدالله بفخر بنتي بتصير مديره لشركه الخاصه قريبا ابتسمت ياغلى من روحي علي يا بابا َ بكون عند
حسن ضنك فيني باخذ
المركز الاول في الموارد وتجاره وبكون رئده اعمال كبيره ومشهور وبعوض الثلاثه اشهر اللي راحت مني
عبدالله :ونا واثق فيك اتم الثقه بس ماكنتي تبين التمريض ؟
بدرسه بتعلمه بجمع بين الاداره والتمريض
عبدالله :كم مده دراستك لتمريض ؟
رفعت حواجبه ااوه يطول بس انا بمستشفى
خاص باخذ خبره لمده ٣اشهر
مع جوري ضحك عبدالله من اصرارها على تحقيق حلمها ومكافحتها لنجاح نطق يرفع معنوياتها :انا ابوك وسمى وامري معك في الزينه والشينه
وأكبر داعم لك بكل شي واول من يقص شريط افتتاح
شركتك الخاصه انتي
بس اجتهدي خذت نفس :وصدق اني انتضر ها اليوم بفارغ الصبر
نزلو لشركه وكفها بكف ابوها يمشون دخل عبدالله
السلام عليكم وبجنبه بنته
تقدم رئد يبتسم : وعليكم السلام
الهنوف :كيفك رئد '
رئد :بخير الحمدالله عبدالله بستغراب تعرفينه ؟
الهنوف :اخو نوف ضحك عبدالله يامرحبا والله يارئد
تقدمت مزون ستاذ عبدالله امرني ،
عبدالله كيف امور الشركه
مزون :كلها تمام وماشيه والاستاذ مترك مهتم بادق التفاصيل
عبدالله : زين استدعي مترك يجي
التفت :بابا هو اللي باخذ عنده كورسات العمل ؟
عبدالله :أيه بيعلمك كل شي بشركه والاداره لمده شهروتدرسين زين
عشان تكونين جاهزه لاادره شركتك الخاصه الاختبار مع مترك صعبِ
تقدم مترك يشوفها من بعيد بجنب ابوها يجذبه لون عبايتها الابيض وطرحتها
خطوته اللي كلها هيبه وثقل ورزانه وقف يمد يده
يصافح عبدالله السلام عليكم
عبدالله :وعليكم السلام كيف امور الشركه معك ؟
مترك امورها على احسن شي زياده المبيعات بـ نسبه 85%
عبدالله :مشالله تبارك الرحمن احسنت ارتكز ناضر الهنوف لـ شكل جسمه وضاخامته كلامه الرزين وهيبته قوست شفتها تفكر واضح اني بعأني معه
مترك :امرني ؟
عبدالله : هاذي الهنوف بنتي رفع ناضره لها شتتت انضارها لاجل ماتلتقي عينها بعينه رفع عبدالله يده لكتف بنته :ابيك تعلمها بـ الاداره والاساسيات
وبكل خطوه ابيها تتعلم كل شي
اخذ مترك نفس :بوافق لانك مالك الشركه ولانه اول طلب لك ولا ماكنت بوافق نزلت حجاجها تناضرله بعدم تقبل لـ كلامه
ابتسم بسّخريه شكل بنتك ماجاز لها كلامي ؟
التفت عبدالله لهاا نطقت بستهزاء :كلامك ذرب جدا
عقد حواجبه من تماديها وطولت لسانه ينطق:ترى ماني مجبورادرسك الاداره وبإمكاني ارفضك وطولت السّان ما حبها !
رفعت يدها تعدل عبايتها تنهت:ولاني مجبوره اتحملك وتقدر تستقيل من اداره الشركه ويجي البديل والسّليط المُغرورماحبه
ضحك عبدالله بتساع : يرفع يده لرأس الهنوف يطالع لـ مترك الله يعينك
عندك طالبه عسوله ولسانها سليط تحملهاا وتحملك لين ينتهي تعليمها
مترك : ازهلني عندها بتجيك متعلمه زين زين يقصد انه بيخليها تندم على مجأرتها له وبيعطها درس ماَرح تنساه زفرت تهمس لـ بوها بابا مابيه يدرسني ولا يعلمني سليط شايف نفسه وراكز
خشمه وش ذا التكبر !
عبدالله :ماتبين تفتحين شركتك ؟
الهنوف :الا ابي بس مو تحت تعليمه ضحك عبدالله هاذ بدايه اختبارك
مترك :استاذنك برجع للمكتب عندي كذا شغله
عبدالله : معذور التفت الهنوف يابوك بروح لجدك سعود اذ احتجتي شي اتصلي علي عدى التذمر ومترك تصبرين ايلين توصلين للي تبينه
انتبهي على نفسك استودعتك الله .
مزون : تفضلي معي تقدمت تمشي وين بنروح ؟
مزون :للمكتب السجلات بس قبلها عادي اسئلك
التفت هنوف لها :عادي اسألي
مزون باحراج للون عيونك طبيعي ؟
ابتسمت كثير يسئلوني نفس سوئلك ايوه طبيعي خذيت لونها من امي الله يرحمها ويغفر لها عضت مزون شفتها الله يرحمها آسفه
هنوف :ياعيوني ليش تأسفين عادي ايه وش بنسوي بسجلات ؟
مزون اول شي لازم تفحصين السجلات وتواريخ الانتاج ونسبه المبيعات
رفعت هنوف يدها لراسها ياكثرها ابتسمت مزون لازم يكون عندك عزم وتذكري نجاحك هو اللي يقتل اعداك تعالي اجلسي جلست وكلام مزون يزيد عزيمتها مستعده لكل شي ضحكت مزون تعجبني الحماسه شوفي السجلات فيها خطوتين الخطوه الاولى تاخذين الاورقه هاذي مكتوب فيها التواريخ
تنسخينها وتحطين بـكل ملف ورقه والخطوه الثانيه تسجلينها في الجهاز وتمين رفعهها وبتوصل عند المدير
مترك وترى الخطا عنده بـعشره
اليوم بعطيك خمس سجلات بس تمام
هنوف :تمام ببدا من الحين خذت السجلات
بجد وجتهاد لتوصل للي هي تبيه
في مزرعه الجد سعود
الجد سعود:رعد طلق الهنوف ياعبدالله
عبدالله:ايوه يابوي طلقهاا هي اللي طلبت ونا ماقدر اقول لها لا تعرف هي اللي تأمر وتنهى جعلني والله فدهاا
ابتسم رضوان :الله يحفضها لك
عبدالعزيز:اهم شي رضاك ورضاها ياعبدالله
ركضت يارا مع غاده ولانا لابوها بابًا صار عندي خوات
ابتسم عبدالله :اهلا وسهلا ببناتي تعالو يحبهم مشالله تبارك الرحمن
من ذولا عياله ياسعود ؟
الجد سعود :هذولا عيال سعد وجلاد ايتام
تقدم ناصر يجلس بجنب الجد سعود جتها يارا قم العب معنى قم
صرخ ناصر لا مابي العب معك خلاص
ضحك عبدالعزيز:ليه يا ناصر ؟
ناصر بتذمر هي تبيني قاطعته يارا اسكت بابًا اقوله اذ كبرنا تزوجني زي الهنوف ورعد وهو يرفض يقول انتي تضربيني بـ الحيود
ضحكو كلهم والاخص رضوان اللي مات
ضحك والله ياعبدالله بنتك مسَيطره
دخل خالد وسعد :السلام عليكم
الجد سعود :وعليكم السلام ورحمة
سعد :الله يديم الجمعات والضحكات الزينه جلس وجلس بجنبه خالد
ركضت غاده ولانا يجلسون بحضن سعد ضحك سعد يامرحبا ببناتي
ها مستانسين هنا ضحكت غاده ايوه جدتي وضحى تسويلي بطاطس مقلي كثير ضحك سعد الله يجعله بـ العافيه ها يالنو وانتي ضحكت والله انت كثير مبسوطه عندهم مرجيحه العب فيها دايم مع يارا ونام بحضن جدتي وضحى
عبدالله :ياقلبي عليهم عسى الله يكتب اجر امي
عبدالعزيز:امين يارب
همس رضوان وين رعد ؟
خالد : ماتخطى بنت عبدالله ابك الرجال طايح على وجهه
سعد : نسيت الاوراق ياعم عبدالله هاذي اوراق الطلاق
عبدالله :لاهنت گيف رعد اربه ماتعب ؟
سعد : لا ابشرك طيب بيوقف من جديد
سعود :رعد يحب بنتك والكل داري وهو لاحب حب ياعبدالله
عبدالعزيز:الله يكتب الخيره دامه طلب البنت مانقدر نقول شي
خالد :الحب ياعم يهلك القلب ومافيه انشدني
انا عنه لاتلوم رعد لاجاه ضيقه
سعد :اعلى الطاري بليس تبيه يطلق وئام ؟
التفت خالد بفزه:ايوالله ابيه يطلقها ضحك
رضوان جبناه وجبنا راس ابيه
وقف خالد وهو منجن من السعاده گيف عيال انتم صادقين
سعد :ايوالله شفت صالح ذا دواه عندي
رضوان :محققكم ماقصر وجاب راسه يشتغل في تجاره الشبو ومن غيرها غسيل الاموال ماتشوف سيارت ولده جي كلاس ودنيا
الجد سعود:جعل قلبي مايسرق اني والله ماقد ارتحت له لاهو ولا ولده
عبدالله :يارجال ابوه استغفر الله يارب ماهو رجال
عبدالعزيز:اجل جايه صف رجال ورجعهم الرخمه
سعد :هذا يبي من يحط رجلي في فمه الردي
خالد وهو مو مصدق ان وئام بترجع له من
جديد يعني بيطلق وئام بيطلقها
سعد :امش الاوراق معي ماعاش من خذى شي يخصك
ضحك خالد يانوم عيني تكفى ياسعد انا باخذ وئام انا بجتمع معها
رركبو السياره متوجهين لشقه فهد
خالد يسعد حضى يسعد ايامي ياوووو تكفى ياسعد
ضحك :ابشر بسعد ونا اخو سارا
خالد :تسلم شف بليس ذاك
سعد :ايوالله لف السياره يوقف خذى خالد الاوراق ينزل
وسعد بجنبه ينادي
بليس يابليس التفت فهد
له تقدم خالد انتهى كل شي وبطلق وئام
ضحك فهد بسّخريه :تأخرت قد كتبت اسم البنت بصدري
وسع خالد عيونه من كلمته عن وئام يلكمه بوجهه باقوى ماعنده
مسكه سعد يصرخ :خالد استجمع نفسك
رفع فهد يده لفمه يمسح الدم يستفزه:مغبون مت مت في قهرك البنت قدها بأسمي وفي ذمتي وزوجتي زوجتي تقدم خالد لاولا ان سعد ثبته
سعد :ماجينا نبي الاخناق كلها كلمتين مالها ثالث يافهد
رمى خالد الاوراق بوجه فهد هاذي قذرات ابوك
خذى فهد الاورق يشوفهاا نطق :وش تبي !
خالد :اذ ماتبي ابوك يتعفن في السجن طلق وئام ولاتنسى ان لك يد في قذارت ابوك تعرف انه اول واخر انذار لك يافهد وكلمتي وحده
قبض فهد كفوفه بقهررر مايقدر يخلي ابوه يدخل السّجن
ماله الا يطلق وئام
وهو قدامها ينهزم ويبيها كل ماله يشوف نفسه يقرب اكثر رغم انها ماتحبه وتكرهه نطق :لا ماني مطلقها انا احبها وابيها وبتقعد تحت حكومي وسيطرتي صرخ خالد بقهر وغبنه :تخسي تخسي تخسي !!!!
ياكلب تعقب تعقب ما تلمسه ولا تجيها تخسي تكون تحت حكمك يا المنحط
جن جنانه يثبته سعد يصرخ عليه خالد ماهو من صالحنا تضربه بيرفع قضيه ولا بنستفيد شي الورقه الرابحه معنى وهو بيطلقها غصب عنه استجمع نفسك يبي يستفزك عشان يقلب كل
شي ضدك لاتجنني اهجد خالدد!
وقف خالد يلهث مغبون عقد سعد حجاحه:اسمعني يافهد زين
والله العلي العظيم المتعالي في سماه انك لمى تطلق البنت شفت
انه بيدي الثنتين ان ازفك في السجن انت وبوك تعرف اني اقدر اطلع
جرايمكم كلها ماتأخذ مني وقت معك مهله لـ يوم الاحد وتعرف
ان سعد بن عبدالعزيز لاحط راسه بشي يسويه والقرار لك
خالد :ياكلب الشوارع رح لزباله دور اكلك رفع سعد يده لكتف خالد يضحك امش خل الكلب يدور عضمته دخل فهد يصرخ بجنون من القهر يفتح الباب يدخل الشقه وهو مغبون ومقهورر طالعت له وئام بخوف من حالته اللي مستحيل انها تشوفها طبيعيه جن جنانه يكسر الاثاث
رفعت يديها تبكي بخوف ماتتحملت صراخه والتكسير حشرت نفسها
بـ زاوية تبكي وقف من سمع صوت بكاها التفت يشوفها رافعه يديها لوجهها منهاره بكي وخوف اخذ نفس يستجمع شتات عقله وهو مايبي يطلقها رافض الفكره تماما بس خوفه يخسر ابوه ونفسه وتجارتهم فلوسهم وينسجن يجبره انه يطلقهاا معه يوم وحد يقرر يختار بين ابوه وبينها تقدم لها وئام يلمس يديها صرخت تبعد عنه لاتلمسني بعد عني وحش وحش صرخ عليها
يسحبها بقوه ارتجف جسمها بين يديه خوف ووجع
صرخت تبكي بعد عني هز كتوفها بقوه بسألك سؤال وجاوبي
تحبين السرمدي ذاك !!!
نزلت دموعها يرتجف فكها من شدت البكاء
صرخ بجنون :جاوبيييييي تحبينه !!!
صرخت :اموت فيه تشهق اموت فيه اشوفه شمسي ورضي ونجمي وسماي ارتحت احبه وابيه اكرهك اكرهك لدرجه اني اتمنى لك الموت !!!
بعد يديه عنها بعد ماسمع جوابها اللي قطع شريان من شراينه فتح الباب يطلع سندت ضهرها للجدار بنهيار تمنى الطلاق تمنى تروح عن ذا الشقه
الكئيبه وتجتمع بخالد بأقرب وقت لآن طاقتها في التحمل انتهت
مجلس الجده وضحى }
اجتماع نسوان الحاره ببيت وضحى
شريفه : رعد طلق الهنوف ياوضحى خلاص
وضحى :ايوللله طلقها عسى الله يكتب الخيره
ضحكت ناضا ء:اي مشالله حض والله من بغاها لولده
شقصى بخبث ام ليلى : عقبال بنتي ليلى ياخطبها رعد يافاطمه
حزنت على بنت اخوك مطلقه
عطتها فاطمه نضره ترد بوجهها:ياحبيبتي رعد يحب بنت اخوي ويموت فيها هي اللي طلبت الطلاق مو هو اللي طلقها يعني لاتتئملين واجد انه يخطب بنتك تمام خليه الحين يطخطى حبيبتي وبنت اخوي
بعدين يفكر يخطب بنتك ولا لا هههههه
عقدت شقصى حجاجها من كلام فاطمه تلتفت لـ موضي
اللي اعرفه ان رعد ماخذها كذا مايحبها ولا يبلعها حتى
ابتسمت موضي : شقصى ماعرفتي رعد قد له يومين ماطلع من غرفته من بعد طلاقه لها والكل يعرف ان ولدي لاتعلق تعلق يجي بنتك غير ولدي
ضحكت فاطمه بسّخريه : ترتشف قهوتها بصوت مسموع
شقصى: ايوه الله بنتي متخرجه من الماجستير ياوضحى وتعرفين الكل طايح عليها وعلى زينهاا الخطاطيب ماوقفو عنهاا ننتضر اللي يستاهلها
غاليه ام وئام : مشالله الله يوفقها
فاطمه: يعني تعلمينا عن بنتك وش نسوي لها اذ جوها خطاب
انتي شكلك اللي تنادينهم مو هم اللي يجونك
وسعت غاليه وموضي عيونهم من قو قصف فاطمه اللي يدل على عدم تقبلها لاي احد يغلط على بنت اخوها
ضحكت الجده وضحى الله يصلحك يافطيم عقدت شقصى نواضرها بحقد
فاطمه احترمي نفسك بعدين الغيره شينه شفتي ياوضحى
عشان بنتي مخلصه الماجستير ومتعلمه تغارر وبنت اخوك حتى مادخلت الجامعه ولا كملت على طول اعرست ههههه
لزت فاطمه على اسنانها بقهر تبي تقوم وتحوس بشوشت شقصًى
طالعتها بضحكه :هههاي يا عزتي لك بنت اخوي رئده اعمال ولها شركتها الخاصه ماقعدت تفاخر انها درست ماجستير سوت انجازات ماسوتها بنتك
بعدين مافيه مقارنه صحصحي استغفر الله العضيم ياغاليه شكل ذا المره في العالم الموازي ههههه الله لايبلانا بس
ضحكت غاليه الله يقطع بليسك ههههه
في السياره :
خالد :سعد ضنك بيطلقها؟
سعد :بيطلقها بيطلقها ماعليك ازهل
خالد :الله يضغطه ويهد حيله هد حيلي بهااا تكفى ياسعد
ضحك :انت لاعصبت ماعاد تدري عن نفسك لاوني مامسكتك قلب كل شي ضدنا وكلينا تراب ابك قوم عرسك من ذلحين في وجهي انه بيطلقها انزل
نزلو العيال يرجعون للجلسه
خالد :ذا صقر ؟
سعد :ايوه ذا ابو ليلى
خالد :وش يبي ؟
سعد :وش دراني تعال نسلم السلام عليكم
صقر :وعليكم السلام ورحمة
جلسو العيال التفت صقر لـ عبدالعزيز ايوالله ترى بنتي توها مخلصه الماجستير ماناقصها الا عريس ونكانك بتخطبها لرعد ولا سعد
طالعو العيال في بعض يفطسون ضحك
عقد الجد سعود حجاجه شقومكم تضاحكون هاا !
ضحك سعد يحطها برأس رضوان نضحك على رضوان اذنيه خرع
وسع رضوان عيونه الله يجعلك الجليطه ههههه
ضحك صقر عيب التنمر مايدري انهم يضحكون عليه
فطس خالد ماقدر يوقف ضحك ماسك بطنه
زفرسعد يحاول يمسك نفسه من الضحك يشرب قهوه
ابتسم عبدالله وهو عارف انهم يحشون بصقر
الجد سعود:ايوه ياصقر شكلنا بنأخذ بنتك لسعد
كح سعد يشرق ضحك الجد سم الله عليك اشرب اشرب ماء
صقر :حياك الله ها يا سعد تبي ليليى ؟
ضحك سعد يسلك له :والله ياعم مالي فزواج ذلحين ابدا ابدا حتى طاريه
مابيه بنتك ياخذها اللي رجال احسن مني انشالله
صقر : هي تراها نادره بنتي غيررر
همس رضوان :الله يلعني انكانها غير تلقونها اخبث من العقرب
ضحك خالد اه اوه تكفون بطني قسم بالله ماتحمل جدولنا على البنت وابوها ياعزتي لهم عزاه
سعد :هههه ازيدكم من الشعر بَيت ترها تحب رعد
رضوان :شدراك ؟
سعد :داري علمتني سوير اختي ماتدانيها
خالد :عيال حنى تخطينا مرحله البجاحه نسبه ونسب بنته وهو جالس ههه
رضوان :هههههه مايسمع مقصرين اصواتنا
الجد سعود بكره العشاء هنا ياصقر حياك الله بمعنى ياعيال سدوحلوقكم
صقر الله يحيك جاينكم بأذن الله
سعد : بكره ياجد العشا
عبدالعزيز:ايوه بكره
بيت صقر }}
شقصى ليلى رعد طلق الهنوف
ابتسمت ليلى بفرح ايوه دريت قالت لي ليان
شقصى:بكره ابيك تزينين وتلبسين احسن الفساتين فيه عشاء عند وضحى
ابيك تطلعين ازين من الهنوف وتدلعين عشان رعد يخطبك
زفرت ليلى :يمه انا احبه بس هو مايحبني ماسئلته عن مشاعره
شقصى: وش عليك من مشاعره اهم شي عندي اقهر فاطمه
ليلى :يمه يعني تبينه يخطبني عشان تقهرين فاطمه !
شقصى : بعد عشانك تبينه وعشان اقهرها تدرين وش تقول
ليلى :وش ؟
تقول ان رعد يحب بنت أخوي ونه يموت فيهاا الكذابه
شان وجه ليلى : يمكنها صادقه بعد هم ابتلش بس الهنوف ذي دواها عندي
الشركه }}
سندت ضهرها للكرسي بعد ماخلصت الملفات ورفتها لـ مترك
خلخلت يدينها لشعرها لازم ارفع رأس ابوي وصير رئده اعمال
كلها ايام وبتعدي لازم اشد حيلي وصبر دخلت مزون ها هنوف خلصتي ؟
الهنوف :ايوه
اتصل جوال مزون الووو ستاذ مترك
المدير مترك:مني رفع الاوراق ؟
مزون :الهنوف
اغمض عيونه خليها تجي الحين في المكتب
طالعت الهنوف وش ؟
مزون :المدير طلبك
ضربت المكتب لاحول وش عنده بعد
خطت خطاويه تدخل المكتب طلبتني ؟
رفع ناضره لها وش الخطاء اللي بـ الاوراق لا وبعد رفعتيها بكل ثقه !
لزت اسنانها:اول شي مافي ولا غلط بـ الاوراق الا في حال انك الوح
وسع عيونه من كلامها المتمرد الوح اجل ؟
اشارت بـ ايه الوح بعدين شيكت عليها ورقه ورقه كيف يكون فيه خطاء ؟
صرخ اسئلي نفسك فوقها ماعندك حترام هذا يعكس على شخصيتك
بأمكاني ترى اطردك ورفض تعليمك بس حشمه لابوك ترى
قوست شفتها نعم تطردني ؟
رفعت صوتها حبيبي انا اللي اطردك مو انت اللي تطردني
رفع حواجبه يستقعد لها لاحضه عيدي كلمتك اللي قلتيها قبل شوي
نطقت :انا اللي اطردك قاطعها لا اللي قبلها عضت شفتها
زفر ياخذ نفس: هذا دليل على انك جاهله حتى بمنطق كلامك
صرخت اوه قلتها من سياق الحديث بس انت تستقعد ياعني ؟
جاوب:تأكدي اني مرح اخلص تعليمك الا قد شيبت برأسك الحين انا مديرك
وانتي تشتغلين عندي توي كلمت ابوك وقال تصرف بها وتوقع انه قالك لاتتكلمين بموضوع مترك وتتذمرين فتح الدرج يطلع الاستمارات
١)هذي تعبينها كلها تخلصينها ٢)تردين على المكالمات على التلفون
قاطعت كلامه٣) حب أنجوم السماء اذ سويتها الاوراق مافيها اي خطا ولا يحق لك تخليني اعبي استمارتك اللي انت مكلف بها گا مدير
وقف يكبت عصبيته لانها جننته على الاخر تمام تبين تروحين للبيت روحي
وبعدها لاشوفك في الشركه بتصل على ابوك الحين وقول له انك رفضتي
وتذمرتي وما تبين تصرين رئده اعمال علما كأن عنده امل فيك
وخلي عنادك ينفعك وراسك اليابس يرضي ابوك
عضت شفتها الله ياخذك ونفتك هات الاستمارات
لف وجهه يبتسم من تراجعها السريع لاجل ماتزعل ابوها خذت الاستمارات تروح لمكتبها تعبي استمارته بوسط ماهي ماتكتب طرى
كلام مترك وقت قال لها رسك يابس ابتسمت تتذكر تكرر رعد لـ هل الكلمه
لها وقت يشلها بكتفه وقت ماتناقره وتعاند خذت المويه اشرب وتحاول تناسى
دخلت مزون ستاذ مترك كل اللي بشركه انتهى وقت دوامهم
وطلعو استأذنك بـ الخروج
مترك في رعايت الله بنت عبدالله طلعت ؟
مزون :لا باقي مانتهت من عملها
مترك تمام
الساعه 10ليلا
دخل مترك لمكتبها ينتبه لها نايمه تقدم بخطاويه زفر حتى بشركه تنام وراسها يابس رفع صوته بنت بنت
فزت تقوم تفتح عيونها تشوفه وقف قدامها اعوذ بالله الوحد يصحى على شي زين ونا اصحى على السليط قبض كفوفه وهو ماعد فيه يتحمل طولت لسانها
بنت كم الساعه وانتي نايمه هنا ؟ خلصتي الاستمرات!
تذمرت اوه خلصتها خلصتها لاتصرخ التفت تشوف الشركه فاضيه شهقت الساعه كم تأخرت على بابًا قاطعها اسئلي نفسك كم !
خذت شنطتها تتخطاه لخارج الشركه
تقدم يفتح سيارته التفت لها بيجي احد يأخذك ؟
هزت راسها بـ ايه اتصلت على صديقتي التفتو من سمعو صوت الاغاني مرفوع لها وسرعه الشاص سحبت نوف فرامل توقف بتفحيطه
وسع عيونه من الصدمه ضحكت هنوف مجنونتي وصلت تقدمت
تفتح الباب نوف قصري للاغاني قصري
صرخت نوف تزغرط اليوم يومنا وئام تطلقت ابليس طلقهااااااانستا لتنزيل يوميا
Silm2x

أنت تقرأ
ياوليف الرُوح ياحلو الوصايف
Mystery / Thrillerضابط عسكري ومتهور سبقات يكتشف ان اخوه مقتول على يد رجل الأعمال عبدالله فـ يقرر ينتقم منه بزواج من بنته غصب عنه لاجل يحرق قلبه «لااستبيح أقتباسها إو نقلها » انستا ؛silm2x الكاتبه :شهد الراشد 🇸🇦.