🦋 إسكريبتات شروق حسام 🦋

الجزء الثاني 🦋

بقلم شروق حسام 🦋

روحت إترميت على الكنبة وببص للسقف مش مستوعبة أي حاجة حصلت كل اللي عايزاه إنِ أنام وأصحى الأقيني كنت بحلم

لكن فجأة لقيت الباب بيتفتح وأحمد داخل بإبتسامة وفي إيديه شنط كتير

_" رهوفة يا قلبي أنا جيت يا حبيبتي "

رهف بجمود غير واضح وهي بتقوم من مكانها " حمد الله علي السلامة يا أحمد "

أحمد بحب وهو مش ملاحظ جمودها " الله يسلمك يا حبيبتي أنا هدخل أخد شاور عقبال ما تجهزي السفرة ناكل سوا الحمد لله ربنا كرمني أوى في الشغل النهاردة "

_" الحمد لله حصل إيه بقي أحكي لي "

أحمد بتنهيدة " مفيش يا ستي كل الحكاية إننا كنا عارفين إنه فرحه النهاردة فهو خلانا إحنا نشتغل بدال العمال على آخر لحظة عشان نسترزق والحمد لله طلعت بقرشين حلوين وقولت أشبرق بيها عليكِ وعلى سما "

كمل بإشتياق " أبقي صحيها عشان تاكل جايب لها لبن وموز اللي بتحبه وحشتني جامد القردة دي "

رهف ببرود " سما مش هنا عند نورا "

_" نورا!!! "

_" اه نورا عايزاها معاها النهاردة عشان وحشتها "

أحمد بحنان وهو بيملس علي خدها " مش مشكلة خليها عندها النهاردة وكمان عشان أخد راحتي معاكِ عارف إن بقى لنا فترة لا بنخرج ولا بنقعد مع بعض "

كمل بتنهيدة " بس أكل العيش مر الحمد لله "

رهف بسخرية " هو فعلًا مر أوي كمان الحمد لله على كل حال ربنا يرزقنا ويبقي معانا فلوس "

كملت بحزن مصطنع " بس ساعتها ماتجوزش عليا زي ما الكل بيعمل "

أحمد بتوتر وهو حاسس إنه قلبه هيخرج من مكانه وخايف إنه يتكشف " لأ لأ طبعًا يا روحي مستحيل أعملها أنتِ حياتي ونصي التاني وأم بنتي "

رهف برفعة حاجب وضحك " هنشوف يا حبيبي هنشوف "

_" فرفش كده كنت بهزر معاك ماتبقاش قفوش "

أحمد بتوتر وهو بيبوسها علي خدها " هههههه أنا داخل أخد شاور 10 دقايق وهكون خلصت تمام "

رهف بصت له بإبتسامة وشاورت له بإيديها بمعني ok

رهف بقرف وهي بتمسح خدها بقوة " مقرف وكداب الله ياخدك "

قلبها " مغتدعيش عليه أكيد أنتِ غلطانة حرام عليكِ ده بيحبك "

عقلها " دي الحقيقة وبطل تعيش نفسك في الأوهام هي صح ودي الحقيقة "

_" أسكت أنت أنت إيه اللي هيفهمك في الحب والكلام ده وأنت طول عمرك ماشي بالمنطق "

العقل بسخرية " أخرس ينفع تخرس طول عمرك غبي وخلتها غبية زيك لو هي حست نفسها غلطانة عينيها مستحيل تكون شافت غلط "