🦋 إسكريبتات شروق حسام 🦋

إسكريبت 🦋 قلب أحب إمرأتين ولكن 🦋

إسكريبت 🦋 بقلم شروق حسام 🦋

_" أحمد حبيبي أصحي يا روحي مش هتروح الشغل "

أحمد بنعاس " سيبيني شوية يا رهف أنا تعبان صاحب الشغل إمبارح بهدلني "

_" عارفة يا حبيبي الله يكون في عونك عارفة إنك بتتعب عشانِ أنا و بنتنا "

أحمد قام من مكانه وهو بيبتسم لها بحب " تعبي وحياتي فداكم يا حبيبتي صباح الورد الأول "

_" صباح الورد والفل والياسمين يا حودة "

_" حبيبتي أنا هدخل أخد شاور وألبس عشان النهاردة يوم مهم جدًا وصاحب الشغل طالبنا من بدري الله يستر بقى "

_" ماشي يا حبيبي بس متتأخرش أوي عشان نتعشا سوا "

أحمد بتنهيدة " على حسب الظروف بقى يا حبيبتي هحاول متأخرش "

أحمد خلص كلامه ودخل التويلت خد شاور ولبس هدومه وراح الشغل

ورهف إتصلت على صاحبتها نورا

_" آلو بووز الأخس مشي مش بتعبريني غير لما يمشي يا واطية واكل عقلك هو "

_" يابنتي أحمد كويس وطيب ماعرفش أنتِ لسه مش بطيقيه لحد دلوقتي ليه "

نورا بحزم " اه مش برتاح له إحنا مش عارفين أصلًا هو مين هو ظهر فاجأة قدامك من 4 سنين بعد ما عمل حادثة وأنتِ لحقتيه وودتيه المستشفي وعالجتيه بكل الفلوس اللي كنتِ محوشاها عشان تكملي دراستك وأهو ماكملتهاش بسببه ده غير إنه قال لك إنه يتيم وماعندهوش أهل ده غير الأكل الغالي اللي بيجيبه والحلويات واللبس ولما تسأليه جايبه منين يقولك حجج وحوارات كتير كتير وأنتِ كل ده ولا علي بالك "

رهف بثقة وحب وعقلها مسلوب منها " يا نورا بطلي تقولي الكلام ده أحمد بيحبني بجد وأنا عارفة كده كويس وواثقة إنه عمره ما هيخدعني أو يغشني فياريت ماتزعلنيش منك إحنا صحاب وعشرة سنين "

_" خليكِ ماتسمعيش كلامي كده لحد ما يحصل حاجة مش هتحبيها ولا أنا هحبها وساعتها انا هكسر نفوخه "

كملت بهمس " وده هيحصل قريب جدًا "

رهف جت تتكلم نورا قاطعتها بسرعة " سيبك من كل ده النهاردة فرح رجل أعمال كبير وتقيل أوي في البلد وعايزين حد يخدم علي المعازيم إيه رأيك تيجي معايا أنا قولتلهم عليا وعليكِ عشان لو وافقتي تروحي "

_" حلو أوي ده وبالمرة أساعد أحمد بالمصاريف "

نورا بجمود وغموض " ماتقوليلهوش حاجة "

_" لييه؟! "

_" هتعرفي لما نروح هاتي بس سما حبيبة قلبي أخليها عند ماما عقبال ما نروح ونيجي "

رهف بتنهيدة " حاضر "

نورا بهمس " ماكنتش عايزة أعرفك بالطريقة دي بس أنتِ مش هتصدقي غير لما تشوفي بعنيكِ الحقيقة "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد ساعة

في قاعة أفراح من أغلي وأكبر قاعات الأفراح في مصر كان الكل مبسوط وبيبارك لرجل الأعمال ومراته علي فرحهم اللي كان بعد حب سنين

في الوقت ده كانت  رهف بتقدم العصير للمعازيم لحد ما شافته شافت جوزها واقف مع العروسة وهو لابس بدلة شيك ومصفف شعره بطريقة خلته وسيم أكتر

رهف بصدمة " أ..أحمد "

أحمد مخدتش باله منها وكان مشغول مع مراته جاسمين اللي عمال يهمس في ودنها بكلام غزل وهي بتضحك بخجل واضح للكل

نورا جت من وراها وخدتها من إيديها وطلعتها بره القاعة

رهف بعدم استيعاب " يلا يا نورا عايزة أروح زمان أحمد رجع ومستنيني "

_" يابنتي فوقي بقي فوووقي هو ضحك عليكِ إفهمي بقى أنا شوفت صورته من يومين على الصحف وإن جوازه هيبقى النهاردة وبالصدفة لقيتهم محتاجين حد يضيف المعازيم عشان كده بس خدتك معايا عشان تشوفي الحقيقة بعينك اللي مش راضية تصدقيها مهما قولت لك "

رهف بدموع متحجرة " يعني أنا هههه مراته في السر وهي في العلن يا نورا أنا مجرد واحدة بيتسلي بيها شوية طب طب وبنتنا حبه ليها كان كذب ههههه "

كملت وهي بتحاول تهدي نفسها  " بصي أنا مش قادرة أتكلم أروح الأول وبعدين هبقي أكلمك وهقول لك هعمل إيه ومعلش خلي سما عندكم النهاردة "

_" تمام سما في بيتها دي زي بنتي وأكتر وبحبها ويلا عشان أوصلك البيت الأول "

رهف هزت لها راسها وهي مش قادرة تنطق حرف ونورا وقفت تاكسي عشان يروحوا بسرعة رغم إنهم كانوا آخر فلوس معاها بس صاحبتها أغلى من أي فلوس في الدنيا وهي حاسة بيها وعارفة هي حاسة وبتفكر في إيه دلوقتي

#قلب_أحب_إمرأتين_و_لكن
#شروق_حسام