يانصيبي من الصّور والرسايل ومن كل شمس قاّيمه

البارت الثاني

-
غمض عيونه يسمع صوتها الهادي وكملت غروب : وش صار على سياره أختي تصلحت ولا لسى باقي ؟
تنهد متعب بخفه يأخذ كوب شاي : لا لسى باقي بالتصليح
بلعت ريقها غروب تسمع صوت الثقيل وهزت رأسها تهمس : أسفه على الإزعاج مع السلامه بقفل
قفلت منه بدون ما تسمع رد وضحك متعب بخفوت يشرب من الشاي حقه ، أبتسمت شمس بخفه : واضح من إبتسامتك صاير شي
رفعت حاجبها غروب تنزل جوالها : لا بالله عليكي لا ما صار شي أصلا
ضحكت شمس منها وأخذت غروب كوب الماتشا حقها تناظرها : شمس وش صار ما قلتي لي يوم صادفتيه
شتت شمس نظرها عنها لكوب قهوتها : تخيلي لقيته ثلاث مرات غروب ! مره بالمستشفى ومره بالكوفي أول مره شفته فيها وثالث مره أمس مع إخواته
أبتسمت غروب بخفه تناظرها وكملت شمس : وأخته أسمها توليب أخذت رقمي ومره عسوله البنت
هزت غروب رأسها تنطق : شموسه بقول لك حاجه
ناظرتها شمس تكمل غروب : أحس أنه يحبك مدري ليه
تأففت شمس تنزل كوب قهوتها تناظرها : غروب نفس الكلام أنتي واسرار يوه مو طبيعي
ضحكت غروب بخفوت وكملت شمس : يعني لو سمحتوا ما أبيكم تجيبون سيرته مره ثانيه خلاص يكفي اسرار وأنتي غروب كمان
أشرت غروب على ثغرها بالصمت : خلاص بسكت ما راح أتكلم عنه بس كملي
تنهدت شمس تجلس على الكنبه تكمل لها باقي يومها
-
بيت أول مره نزوره ، بيت رماح
أبتسمت جواهر تحط رجل على رجل بخبث وهي مقرره أنها تخرب حياه شمس وتخرب سمعتها ، نزلت بنتها دانيا من الدرج تناظرها : ماما بروح لدوامي إذا صار شي دقي علي تمام ماما ؟
هزت رأسها جواهر وأخذت الريموت تشوف فلم وبحضنها فشار تأكل منه ونزل رماح يناظرها : جواهر الخميس بروح أشوف بناتي
تأففت جواهر تقفل التلفزيون تتقدم لعنده تمسك عنقه : حبيبي رماح ما أبي هالموضوع نتفاهم فيه مره ثانيه
أبتسم رماح يقبل ثغرها يحاوط خصرها وغمضت عيونها جواهر تحاوط عنقه وشالها بين يدينه يدخل لغرفتهم يسدحها على السرير يشيل تيشرته ينحني لها يكمل تقبيله لها
-

صحت شمس من نومها وتأففت من صوت منبه جوالها وقامت تتجهز وأخذت عبايتها تعقد حاجبها بإستغراب من رنين جوالها وأخذته ترد تسمع صوتها : شموسه أنا اسرار
أبتسمت شمس : أيه اسرار شو بدك
بللت شفايفها شمس بهدوء تسمعها تنطق : بنروح أنا وأنتي كوفي أوكيه تجهزي
ضحكت شمس بخفه : جاهزه أصلا أنتي تحت ؟
هزت رأسها اسرار تدق بوري وضحكت شمس تقفل منها تحط طرحتها على رأسها ونزلت من الدرج تناظر غروب : غروب تعالي بنطلع كوفي أنا واسرار
تنهدت غروب تترك الدفتر وأخذت عبايتها تلبسها وطلعوا من البيت وصرخت اسرار : شموسه !
وسعت شمس عيونها تسكتها تدخل السياره : بس بس فضحتينا ياربي منك
ضحكت اسرار تحرك وفتحت شمس جوالها تشوف رساله توليب اللي كان مضمونها " شمس تعالي البيت اليوم ماما عزمتك عندنا " تتنهد وعقدت حاجبها اسرار تناظرها : اشبك مين أرسل لك ؟
قفلت جوالها تناظرها : توليب عزمتني عندها لبيتها
اسرار : طيب حلو وش فيك
ناظرتها شمس بحيره : أحس ما أبي أروح مدري ليه
عقدت حاجبها غروب تتوسع عيونها بذهول من كان متعب طالع من البيت يناظرها بهدوء وعضت شفتها بتوتر : بنات حركوا اللي صدمت سيارته هنا
أبتسموا شمس واسرار يدندنون : يا بدايات المحبه يا نهايات الوله
عضت غروب شفتها بتوتر ورفع كفه متعب يطلب منهم يوقف سيارتهم وعقدت حاجبها شمس : وي شيبي يوقف السياره
ولفت على غروب تكمل كلامها : أكيد يبيك غروب
توسعت عيون غروب بذهول وأبتسمت اسرار تلف عليها : غروب إنزلي يبيك حنا بنروح الكوفي قريب أصلا
بلعت ريقها تنزل من السياره وبللت شفتها تشتت نظرها عنه : وش تبي ؟
بلل شفته متعب تلف غروب من نطق : سيارتك تصلحت إذا تبين الموقع برسله لك تقدرين تروحين تأخذينها
هزت رأسها تهمس : شكرا
ومشت من عنده تدخل الكوفي ومسح على وجهه بخفوت يركب سيارته وأبتسمت شمس تمد لها كوب الماتشا : خذي كوبك ومشينا البيت لازم نتجهز عندنا عزيمه اليوم
هزت رأسها غروب وأخذت مفتاح سياره شمس اسرار وطلعوا من الكوفي يركبون السياره يحركون للبيت
-
أبتسمت عهد تشوف ريحه البخور في البيت والقهوه السعوديه لأن شمس جايه وتنهدت توليب بتعب : ماما يكفي بخور إنكتمت والله
ضحكت منال تنزلها : لازم تصير ريحه البيت حلوه وقوموا تجهزوا يلا
هزوا رووسهم بطواعية ودخلوا كل وحده لغرفتها وأبتسمت قمر بغنج تشوف فستانها الأحمر وروجها الأحمر وأخذت كعبها تلبسه وإنتهت ترش عطرها ونزلت تحت يبتسم متعب بخفه : ماشاءالله حلوه يا قمر
أبتسمت بخجل تخبي رأسها في صدر أبوها وضحك سعود يقبل رأسها : حبيبتي اللي تستحي يلا بنروح حنا المجلس
هزت رأسها منال ترتب الصاله بمساعده توليب وعهد
-
أبتسمت شمس تشوف فستانها الأزرق اللي كان من فوق الصدر في نفشه خفيفه ويتوسع بعدها وروجها النود وكعبها الأسود وأبتسموا كل من اسرار وغروب بإعجاب : واو شموسه تهبلين !
أبتسمت بخجل : أنتوا كمان حلوين يلا إلبسوا عبايتكم بنروح
هزت رأسها غروب وأخذت عبايتها تلبسها تشوف فستانها البرتقالي واللي يمثل معنى أسمها غروب ، تنهدت اسرار تأخذ مفتاح السياره ونزلوا كلهم من الدرج يطلعون من البيت يحركون لبيتهم
وصلوا البيت ونزلت شمس من السياره ودخلت البيت تبتسم توليب بإعجاب لـ لبسها : واو شمس ماشاءالله تهبلين
أبتسمت بإمتنان لها وفصخت عبايتها تعطيها للعامله وجلسوا تبتسم منال تنزل فنجانها : ماشاءالله شمس هذي أختك ؟
هزت رأسها تلف عليها : إيه أسمها غروب
ضحكت عهد بإعجاب تهمس : بنات ماشاءالله شكلها صحبتهم مره حلوه كلهم حلوين إسم الله عليهم
هزت رأسها قمر بإعجاب وتنهدت شمس تستقيم تبتسم لهم : بروح أطلع للحوش أستأذنكم بنات
هزت منال رأسها وطلعت شمس من الصاله تنكتم أنفاسها وأبتسمت بخفه تشوف القمر في السماء وجمد وجه خيّال من شافها بفستانها الأزرق وزينتها بدون العبايه ولفت شمس عليه تنصدم تبلع ريقها وصد عنها تناظرها بربكه : وش جابك هنا ما تدري إنه في بنت ؟
رفع خيّال عيونه لها يهز رأسه بالنفي : لا ما أدري وش عرفني أنا
بللت شفتها بتوتر : صد طيب
هز خيّال رأسه تمر من جنبه شمس تلفحه ريحه عطرها المميزه وحك شاربه بذهول من شافها بفستانها الأزرق ما كان يدري أنها تجذب الواحد من لبسها ورقتها وأناقتها ، عض شفته يرتسم بعقله ملامحها وشكلها ومسح على وجهه يستغفر يدخل لمجلس الرجال
-
بلعت ريقها شمس بربكه وتوتر تحط يدها على صدرها تشعر بنبضات قلبها يزداد تحس بإنه بيطلع من مكانه وتنهدت بقوه تهدي نفسها وأخذت نفس تعدل مكياجها وفستانها وشعرها وطلعت من الحمام تدخل للصاله تناظرها اسرار بإستغراب تهمس لها : شفيك متوتره صار شي ؟
همست شمس لها : بعدين أقول لك
هزت رأسها اسرار وكملت سواليف معاهم بدون ما يبين عليها أنها متوتره