رواية ( أحمد )
رواية ليبية
للكاتبة lil_sara_lil
.
.
.
.
______________♡♡♡♡♡_______________
.
.
.
.
رجع احمد لحوشه وكانت البسمة مرسومة على وجهه، خش للحوش ولقي امه امقعمزة في الصالة ولما شافاته مبتسم كانه رجعلها الامل، قعدت تشبحله وهي مبتسمة لا اراديا
احمد: السلام عليكم
حنان: وعليكم السلام ياوليدي الحمد لله ريتك وانت فرحان هكي
احمد: تنهد براحة .. الحمد الله، سامحيني يا امي
حنان: العفو ياوليدي ليش بنسامحك
احمد: طول الشهر هذا واني امنكد ونكدتكم معاي، بالله سامحيني
حنان: ياوليدي والله ما زعلنا منك، انت وليدي الوحيد كيف نزعل منك
احمد: به سامحيني
حنان: وليش بنسامحك
احمد: هكي وخلاص
حنان: لا اله إلا انت، به اني امسامحاتك ياحميدة
احمد: ابتسم .. ربي يخليك لينا
باسها من رأسها ومشي يجري لداره وارتمى على السرير بيش يرقد شوية ويمشي يراجع مركز الشرطة، على سبات ولد اخته
__عند انس__
كان واقف قدام الدولاب وياخد في دبشه والأعصاب عنده قريب يتطربقن، خدي دبشه وحطه في الشنطة وخدي تلفونه وشحنه وطلع من الدار، كان طالع ويحساب امه في الصالة، لكن ملقاهاش، قعد يدور فيها في كل مكان، لين سمع صوت بكي من دار امه، وقف جنب الباب شوية، كان يبي يخش ويقوللها راني بنمشي، لكن قال هي يلي لزتني على سبات احمد
فخدي بعضه وطلع من الحوش ركب في السيارة وعلى طول لشقة عبدالله
اما امه المسكينة كانت تشبحله من روشن الدار والدموع تقطر من عيونها دم مش امية، خدت تلفونها واتصلت
هناء: راه طلع الحقه فيسع
...: تمام
وصل انس لشقة عبد الله ومكانش يعلم انه مراقب، اتصل انس بعبدالله وساله "انت في الشقة؟"، وقاله "ايه"، فعلى طول رقي لشقته، وهو واضح عليه العصبية، فتحله عبدالله الباب واول سؤال سألهله انس هو
انس: وين الولد؟
عبدالله: الناس تقول السلام عليكم
انس: انت وجهك وجه سلام وين الولد
عبدالله: مدمور في الدار هذيكا
مشي انس يجري ولقاه مرمي على فراش وواضح على الولد التعب والمرض من الجوع
انس: تطعم فيه انت وله لا؟
عبدالله: اكيد
انس: كم رضاعة في اليوم
عبدالله: طلع دخان من جيبه وحطه في فمه وولعه على اقل من مهله .. وحدة
انس: تفي عليك وحدة؟
عبدالله: يدخن .. امالا قديش بندير
انس: تقعد صابر على وجبة وحدة في اليوم؟ والله ماتنفع
عبدالله: بالله فكنا ترا، توا انت يلي قتلتله بوه ويتمته، وبسببك أمه في العناية، وداير روحك الملاك الحنون
انس: شد عبدالله من رقبة فنيلته ولوح الدخان من يده .. تعرف تسكت؟
عبدالله: شبح لدخانه كيف طاح ورقتله ودف انس بجهد جهده .. لا منعرفش نسكت تعال علمني
انس: ارتمي عالوطاء .. من عيوني
