بسم الله الرحمن الرحيم
يااا مرحبااااا مشتاقهه هوايه هوايه
شلونكم حبايب شخباركم ؟
رجعنا نكمل القصة اريد اشوف تفاعلكم الحلو عليها
#ميل_الخلابة
#الكاتبة_روح_الدليمي
البارتات تطول على حسب تفاعلكم♥️
لتنسون التصويت و التعليق بين الفقرات
********************
"جُلنار"
بطريق الرجعه وكف يم محل ورد نزل شوي و رجع بيده بوكيه ورد احمر، قدمه الي و طبع بوسه على ايدي و گال
مِهيار: تقبلين تتزوجيني ؟
بقيت صافنه عليه متفاجئة ماعرفت شنو ارد عليه
مِهيار: قسم بالله العلي العظيم اخليج اسعد انسانه بالكون كله بس وافقي عليه اعيشج ملكة بوسط الناس كلها
جُلنار: فاجئتني ما اعرف شنو ارد
مِهيار: وافقي جُلناري و لتشلعين گلبي
جُلنار: انطيني مجال افكر
مِهيار: امشي وره گلبج و متخسرين صدكيني
جُلنار: خايفه منك
مِهيار: خافي من الدنيا كلها بس مني لتخافين يَبابا مستحيل اسويلج شي يأذيج اني
جُلنار: و اهلي شلون مستحيل يوافقون
مِهيار: ميرفضون بس انطيني موافقتج أنتِ
شبكت اصابعي و صرت العب بيهم متوتره، بقيت منزله راسي لمدة لا تقل عن دقيقة بعدين رفعت راسي
و رديت بخجل
جُلنار: موافقة
قابلني ب ابتسامه واسعه ممصدك انطيته موافقتي
صار يحوص بمكانه ميعرف شيسوي كممت حلكي بيدي اضحك على ردة فعله
جُلنار: شبيك الي يسمعك يكول ملكت العالم
مِهيار: وجودج بحياتي اهم من العالم و الي بي
حرك سيارته و الابتسامه ما غابت عن وجهه ابد
رجعنا للبيت، دخلنا و البيت هدوء بس اصوات ضحك نبأ و مصطفى جاي من الغرفه
جُلنار: عايشين بالعالم الموازي
مِهيار: عوفيهم يتونسون صار شهرين بس عركات مو زين سمعنه ضحكهم
أنت تقرأ
ميل الخلابة
Non-Fictionيُقالُ دَومًا وَ لِرُبما إلى ما لهُ نِهايةٌ : أن العائلةُ سَندٌ لـ أبناءها لكنَ عائلتي لَم تَكُن سندٌ لَي كانوا كـالبلاءٌ كانوا وحوشٌ ظالمين ظلمونَني اشدُ ظَلام حتى اصبَح الظَلامُ يُراودُني أينما حَللتُ وَ ذَهبتُ فَيأتي صوتٌ سامعٌ مُناداتي و هَمس...
