🦋 إسكريبتات شروق حسام 🦋

الجزء الثاني 🦋

بقلم شروق حسام 🦋

_" إيه ده مين دي سلمى هههه تخنتي كده ليه بقيتي كرنبة "

ردت واحدة تانية زميلتهم في الكلية " سلمى مين بس هتلاقيها حد تاني أو عادي ممكن تكون هي هههه "

سلمى فضلت ماشية بإحراج وهي بتتمني الأرض تنشق وتبلعها

بلعت ريقها بتوتر وراحت عند ماسة " م...ماسة إزيك "

ماسة بإستعلاء " أنتِ مين "

_" أ....أنا....أنا "

ماسة بحدة " أنتِ هتفضلي تتأتأي كثير إنجزي يا بت أنتِ عايزة إيه "

_" أنتِ بتكلميني...كده ليه يا ماسة "

_" وعايزاني أكلمك إزاي بقى يا قلبوظة "

_" أنا سلمى يا ماسة..........معقولة ماعرفتنيش "

_" سلمى مين أنتِ إتجننتي سلمى مش بالوزن ده إبعدي عني يا بت بمنظرك المقرف ده "

سلمي بإحراج " ده بجد أنا سلمى "

ماسة بصت لها بصدمة ودققت في ملامحها لقتها فعلًا سلمي صاحبتها

ماسة بإستعجال " معلش بقى أنا ماشية داخلة الامتحان "

سلمى بسرعة وهي بتمسكها من إيدها " ماسة إستني بس "

ماسة شدت إيديها من عليها بقوة لدرجة إنها وقعت علي الارض

_" يايييي إيديكي المقرفة دي ماتلمسنيش تاني يععع بجد "

سلمى بصت لها بصدمة ودموع تحت نظرات الكل الشمتانة والمبسوطة فيها

ملك بحدة وصوت عالي وهي بتقوم سلمى من على الأرض " الكل يخرس مش عايزة أسمع صوت حد كل واحد يروح علي إمتحانه "

_" يلااااا غوروا من وشي حاااالًا "

الكل بصوا لها بخوف ومشيوا لأنهم عارفين إنها ممكن تقلب عليهم قالبة جامدة وهم بيحبوها وبيعتبروها زي أختهم

بصت ناحية ماسة وهي بتضربها كف علي وشها وبعدين رفعت صباعها ناحيتها بتحذير " أنتِ بعد كده بره حياتي أنا وسلمى أنتِ بجد عار علي الصحوبية بقى تقولي كده على صاحبة عمرك بجد الصحبة الجدعة مش بتبان غير وقت الشدة "

ماسة كانت حاطة إيديها على خدها وبتبص لها بحدة " أنتِ إتجننتي يا ملك "

_" اه إتجننت أي حد يقرب من سلمى بالذات هنسفه من على وش الأرض هو مش معني إنِ بطلت أكلمها فترة وسافرت وماكنتش أعرف حاجة عن اللي بيحصل عشان إتضايقت من تصرفاتها اللي كانت قبل كده بس مش معني كده إنِ خلاص قطعت كلام معاها نهائي "

_" ويلااا أنتِ كماااان غوووري من وشي "

_" يلااا ولا كأننا عرفناكي في يوم "

ماسة مشيت وهي بتبص لها بحقد دفين هي فعلًا بتكره ملك وسلمي من زمان وماكنتش بتبين ملك فتحت إيديها لسلمى بحب فسلمى حضنتها وفضلت تعيط

_" اششش أهدي يا حبيبتي "

_" ربنا......بيرد لي...اللي ...كنت بعمله.....كمان تدين تدان.....بس أنا عقابي كبير أوي ..... ومش قادرة أستحمله "

ملك بعدت عنها شوية وبصت لها بإصرار

_" طول ما أنا معاكِ كل حاجة هتبقى تمام وكل حاجة هتعدي وربنا ليه حكمة في كده "

_" وزي ما ربنا قال في كتابه الكريم في سورة البقرة الآيه 119 بسم الله الرحمن الرحيم ولا تعتدوا إن الله لا يُحِبُّ الْمُعْتَدِينَ "

_"وفي قوله تعالى في سورة الحجرات الآيه 11 يا أيها الذين آمنوا لا يسخر قوم من قوم عسى أن يكونوا خَيْرًا مِّنْهُمْ وَلَا نِسَاءَ مَن نساء عسى أن يكن خيرًا منهن ولا تَلْمِرُوا انفسكم ولا تنابَزُوا بالألقاب بئس الاسم الفسوق بعد الإيمان ، وَمَن لَّمْ يَتُبْ فَأُولَئِكَ هُمْ الظالمون "

_" وفي قوله تعالي في سورة الهمزة الآيه رقم 1 وَيْلٌ لِكُلِّ هُمَزَةٍ لَمَزَةٍ "

_" فربنا حذرنا من التنمر وقالنا عواقبه عارفة إنك ماتعرفيش كل ده بس أنا هساعدك موافقة "

سلمي مسحت دموع زي الأطفال وقالت بإصرار " موافقة "

_" هنبدأ من النهاردة بس الأول نخلص إمتحان النهاردة "

هزت سلمي راسها بخفوت وراحت علي لجنة إمتحانها

#الجمال_الداخلي
#شروق_حسام