🦋 إسكريبتات شروق حسام 🦋

الجزء الأخير 🦋

بقلم شروق حسام 🦋

تاني يوم

في مطعم أزهار

_" طلقتهم يا روز يلا بقى عشان نتجوز هجيب المأذون ونتجوز علي طول "

_" بس يا فارس بابي مش موافق غير بشرط تدخل معانا شريك الأول عشان هو لسه مايعرفكش "

فارس بإبتسامة " يبقى هكون شريكه من النهاردة إتصلي عليه يجهز كل الورق اللازم وأنا همضي عليه من غير حتي ما أشوف عايزك مراتي النهاردة قبل بكرا أنا بعشقك يا روزتي "

أزهار بخجل مصطنع " بس بقى يا فارس كسفتني "

فارس بضحك " بحبك وأنتِ بتتكسفي كده بتكونِ شبه الوردة الحمرا يا روزتي "

كمل بجدية " يلا بقى روحي كلمي حمايا وأنا هفضل قاعد مستنيكي هنا عشان نروح له سوا "

_" حاضر يا فارس خمس دقايق بالظبط وهكون عندك "

فارس هز لها راسه بإبتسامة وهو جواه حاسس إنه إنتصاره قرب
أزهار بصت له بإستهزاء وسابته وطلعت بره المطعم تتكلم علي الموبايل

_" آلو يا خالو كل حاجة جاهزة "

_" أيوه يا حبيبة خالك كله جاهز مستني بس إنك تيجي "

_" ساعة وخلاص كل حاجة هتخلص وهكون خدت إنتقامي منه وقلبي هيرتاح "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد نص ساعة

في واحدة من شركات بدر

بدر ببرود وهو متقمص شخصية والد أزهار " أهلًا أقعدوا "

فارس بتوتر " حاضر يا حمايا "

بدر بسخرية واضحة " حماك مين معلش أنا لسه مابقتش حماك مش لما تبقى الأول تتجوز بنتي تبقى تقول لي كده ساعتها "

فارس بتوتر أشد " قصدك إيه مش إحنا هنتجوز النهاردة "

بدر برفعة حاجب وسخرية " طبعًا طبعًا نخلص كل الإجراءات وتبقى شريك معايا والمأذون هيكون وصل وهنكتب الكتاب علي طول "

كمل بمرح مزيف وهو جواه نفسه يقتله " فيه إيه يا فارس متوتر كده ليه كنت بهزر معاك يا راجل قول لي يا عمي إيه حمايا دي إحنا هنبقى عيلة واحدة قريب "

فارس بإبتسامة " حقك عليا يا عمي معلش راحت مني دي "

مد له بدر الورق فخده منه بفرحة وهو من غير حتى ما يقرأه مضي عليه

بدر بسخرية " مبروك عليك يا فارس "

_" الله يبارك فيك يا عمي "

_" سمعت من روز إنك كنت متجوز قبل كده إتنين احكي لي شوية عنك وعن حياتك قبل ما المأذون يجى "

فارس بحزن مصطنع " مش بحب أجيب السيرة دي بس هحكي لك عشان تبقي كل حاجة واضحة أنا كنت متجوز جومانة ودي كانت صاحبتي من وإحنا صغيرين وزي ما بيقولوا حب طفولتي بس هي طلعت متجوزاني عشان بقى معايا فلوس وبقيت شغال في منصب كبير بعد ما إتخرجت "