🦋 إسكريبتات شروق حسام 🦋

الجزء السابع 🦋

بقلم شروق حسام 🦋

_" نعم فيه حاجة عايزة مني حاجة "

أزهار بصت له بسخرية خفية من بروده المزيف

أزهار بإبتسامة واسعة " دي دعوة جوازي يا فارس حبيت تكون أول واحد أديهاله "

فارس بصدمة كبيرة " تت..تتجوزي إزاي أنتِ بتهزري "

أزهار بحزن ودموع مزيفين " أعمل إيه بس يا فارس العريس اللي بابي جايبه هيدخل معانا مستثمر في كل أعمالنا حاولت أرفض كتير بس بابي مصمم أنا كنت كلمتك عشان حاجة تانية بس وأنا جاية بابي صدمني بالخبر ده "

فارس بعد لحظات من التفكير " لا مستحيل محدش غيري هيتجوزك "

كمل بخبث " ولو علي المستثمر أنا موجود "

_" بس .... "

فارس مدهاش فرصة تتكلم وركع علي ركبته للمرة التانية

_" روز تقبلي تتجوزيني والمرة دي وحياتي عندك وافقي أنا بحبك "

أزهار بتردد وهي بتمسك إيده بنعومة " بس أنت متجوز إتنين زي ما قولت لي وأنا لسه صغيرة مش معقولة أقبل أتجوزك وأكون التالتة ده غير إن المبلغ اللي هتدخل فيه شراكة معانا مش قليل خالص "

فارس بتهور " ماتقلقيش يا روز من أي حاجة بكرا هتكونِ مراتي ومكتوبة علي إسمي ولو أنتِ مش موافقة عليا عشان متجوز وحياة عيونك لكون مطلقهم يا عمري وافقي بس عليا وأنا هظبط كل حاجة "

أزهار بصت له بإبتسامة ساخرة وتلذذ خفي من إنه بيتذللها وبيترجاها زي الكلب والكلام اللي هو قاله إتعكس عليه وبقى هو اللي بيترجاها

_" موافقة "

فارس قام بسرعة من علي الارض وجيه عشان يحضنها وقفته

_" تؤ تؤ تؤ يا فوفو بعد ما نتجوز عشان تبقي لحظة مميزة "

فارس بفرحة وعدم إهتمام " تمام مش مشكلة معاكِ حق أهم حاجة إن إحنا هنتجوز "

_" ههههه فعلًا "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة

كان فارس خلص مع روز وراح لجومانة

_" أخيرًا جيت يا فارس وحشتيني جدًا أخس عليك بجد كده تسيبنا كل ده من غير ما تسأل "

كملت وهي بتمسك وشه " حصل إيه مين اللي عمل فيك كده يا فارسي "

فارس بجمود " أنتِ طالق يا جومانة وورقة طلاق هتوصلك "

جومانة بعدم تصديق " أنت عارف أنت بتقول إيه أنت طلقتني ليه عملت كده حرام عليك هو أنا عملت لك حاجة "

كملت بصراخ هيستيري " أيوه مفيش غيرها أزهار هي اللي قالت لك تطلقني مش كده هموتها هموتها بإيديا ومحدش هيوقفني "