🦋 إسكريبتات شروق حسام 🦋

الجزء السادس 🦋

بقلم شروق حسام 🦋

عدي 3 شهور

وفارس مش مهتم بأزهار ولا بجومانة كل إهتمامه بقى لروز في البداية كان بيفكر إزاي يكلمها لحد ما هي كلمته تطمن عليه بعد اللي حصل في المطعم ومن هنا بدأت كل حاجة وبدأ إعجابه بيها عشان شكلها وفلوسها يزيد

فارس بحب وهو بيركع علي ركبته في نص المطعم بتاعها " روز تقبلي تتجوزيني وتقضي باقي حياتك معايا "

أزهار بصدمة مصطنعة " فارس إيه الكلام اللي بتقوله ده لأ طبعًا أنت زي أخويا وعمري ما إعتبرتك غير كده "

فارس بصدمة وزهول " يعني خروجنا وكلامنا ماكنش يعني لك حاجة "

أزهار بدموع مزيفة " مش كده يا فارس بس أنا بحبك زي أخويا مش أكتر "

خلصت كلامها وسابته ومشيت تحت صدمته وقلبه اللي إتكسر ل 100 حتة إبتسمت بخبث وهي بتتوعد له باللي أكتر من كده

_" ولسه يا فارس ولسه ده 30 % بس من اللي هيحصل لك "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في نفس الوقت

كانت سديم بتراقب أواب وكل الأماكن اللي بيحب يروحها وكانت دايمًا بتظهر قدامه وهو كان في الأول بيحسب إن كل ده كان صدفة مش أكتر حتي بعد ما هي عملت نفسها إتخبطت فيه ووقعت علي الأرض ورجليها إتلوت بسببه هو ماشكش في حاجة ومع الوقت كان بيقابلها في كل مكان بيروحوا لحد ما بدأوا يتكلموا وحبها

_" إيبو بق ل ولك ماترشح لي كتاب أقرأه أنا عارفة إنك دودة كتب وعارف فيهم وبتحبهم أكتر من مامتك حتي هههههه "

_" ماشي يا سديم ماشي لما أشوفك بس صبرك عليا "

سديم بخبث " اه صح علي سيرة طنط عايزة أشوفها هي وعمو "

أواب بتنهيدة حزن " بابا وماما الله يرحمهم أنا عايش مع خالتو وجوزها هي بتحبني أوي زي إبنها وأكتر وجوزها بيحبني وبيعتبرني زي إبنه "

_" الله يرحمهم "

كملت بغضب خفي " شكلك بتحبهم جدًا ومتعلق بيهم بالذات جوز خالتك "

اواب بطيبة " اه فعلًا بحبهم أوي وماقدرش أعيش من غيرهم هم اللي عوضوني عن حنان الأب والأم بالذات جوز خالتي لأنه حتي من قبل ما يتجوزها من كام سنة كان بيجي يلعب معايا وكان بيروح معايا المدرسة "

كمل بحزن " بس بقي له فترة متغير معايا ومابقاش يكلمني ولا يسأل عليا زي الأول أنا بجد تعبت حتي خالتو مابقاش يجي يشوفها وبقى مع مراته التانية وإبنها دايمًا زي ما خالتو بتقول لي "

سديم بصدمة مصطنعة " مراته التانية إزاي هو متجوز إتنين مش هو بيحب خالتك "

_" معرفش بجد معرفش حاجة ومش عايز أعرف كل اللي هاممني إنه يرجع يعاملني زي الأول خالتي موافقة علي جوازه عليها فأنا مش هوجع دماغي بالكلام ده "