نجمة سهيل

༘34✶ ⋆｡

‏﴿رَبِّ اشْرَحْ لِي صَدْرِي وَيَسِّرْ لِي أَمْرِي﴾

⊱──────────⊰
نجمة سهيل
بقلم الكاتبه
نجد الدليم
⊱──────────⊰

عَزيز اليَوجعك ما تگدر تحاچي
يَدبچ بالگلب وتصِيحله مدلل

.
.
.

نجمة _مرت الايام مابين سهر وقلق ومعارك ويه سهيل ما عافني الولد يجون عليه ساعه ساعتين ويمشون كلها مشغوله بعرس مخلد ما نمت لحد الصبح و شهد تتصل تا تشوفني شيسون كلهن بالصالون متجمعات سلمت عليهن الا ضي ما شفته..

شهد _ وأخيراً اجا هذا اليوم

نجمة _ ضلت بس امي ليش ما جبتوها وياكم للصالون

_بقت هي وخاله دلال بالبيت

قمر_ ها نجمة ضربتج بوري شهد خلتج يم بناتها وهي ماخذه. راحتها

شهد_ انجبي فتانه لا تسمعين الها نجومتي

سما _ ضي تعالي شو كاعده وحدج

ضي _اشرت الها تسكت لان ماريد اشوف نجمة

نجمة _وين العروسه

قمر _ كاعده تاكل

نجمة _شو من وكت جايات
للصالون

_ خمسه يا دوب نخلص
هسه هسه بتسعه

نجمة _ سلمي لي على مخلد راسلته ما رد

شهد _ أخذه يمان وراح للحلاق
تشوفينه ناسي جهاز والمحفظه
يلا اجا دوري عينج على بناتي فدوه

نجمة _ولي ولي هسه ذكرتي عندج بنات كمت تطمنت عليهن ورجعت تمددت حيل منعسه
وصلني صور من سهيل راسل قاط اسود وبيجي كاتب

سهيل _سمرتي يا لون احلا

نجمة _ البيجي حلوو

سهيل _ افتحي كامره

نجمة _ ما يحتاج

سهيل _ اصبري لي جايچ

نجمة _ يسويها ويجي ما يبعد عنه شي ويشيب حالي ما يروح الا يفحطني .. لا لا تجي فتحت بس ما طلعت وجهي خليتها على السقف

سهيل _ زركا تحسب نفسها انجلينا جولي ما طلع وجها

نجمة _ ديلا عساس أنتَ من حلاتك ثبت الكاميرا وراح لبس ما يشوفني شكد مركزه بي وبتفاصيله خلا عطر شايل علبة ساعه لون اسود.. البس ذهبي احلا.. راح طلع وحده ذهبي