💗 I'm at your feet 💗
Part - 4
မနက်စာစားနေစဥ် သူ့အကြည့်က အိမ်ပေါ်ထပ်မှ ဆင်းလာသည့် မိုးဥတုကို မြင်လိုက်ရသဖြင့် ပြုံးမိသွားရသည်။ မေမေက နန်းကြီးသုပ်ပို့ခိုင်းလိုက်တာမို့ သူ လာပို့ရင်း အန်တီမိုးက သူ့ပါတစ်ခါထဲ စားသွားခိုင်းနေတာမို့ သူလဲ မနက်စာဝင်စားနေခြင်းပင်။ အန်တီမိုးလက်ရာ ထမင်းကြော်က စားလို့သိပ်ကောင်းတာမို့ သူ့ဆိုအမြဲခေါ်ကျွေးလေ့ရှိသည်။
" ဟော.....သား နိုးလာပြီ။ လာ....စိုင်းလေးတို့အိမ်က နန်းကြီးသုပ် လာပို့ထားတယ်။"
နန်းကြီးသုပ်ဆိုသည့်အသံကြောင့် မိုးဥတု မျက်လုံးတွေလက်သွား၏။ သူက နန်းကြီးသုပ်ဆို သိပ်ကြိုက်သည်။ စိုင်းကိုတစ်ချက်ကြည့်လိုက်ရင်းမှ သူ ထမင်းစားပွဲတွင် ဝင်ထိုင်လိုက်သည်။ မေမေပြင်ပေးသည့် နန်းကြီးသုပ်ကို လှမ်းယူလိုက်တော့ သူ့ကိုငေးကြည့်နေသည့် စိုင်းပုံစံကြောင့် မသိဟန်ဆောင်လိုက်မိသည်။ အရင်လိုအကြည့်မျိုးမဟုတ်ပဲ နူးညံ့နေတယ်.......တစ်မျိုးပဲ။ သူ အသားမကျသေးဘူး။ အမျက်ဒေါသတွေထက် နူးညံ့ခြင်းတွေက ပိုရင်ဆိုင်ရ ခက်တာလား။
" မေမေ ဘုရားသွားဝတ်ပြုလိုက်ဦးမယ်...စားကြနော်။"
မိုးဥတု ခေါင်းညိတ်ပြလိုက်သလို သူ့ကိုလာကြည့်နေသည့်စိုင်းအား မေးဆတ်ပြလိုက်၏။ ခပ်တည်တည်ပင် စိုင်းက သူ့ကိုပြန်ဧည့်ခံနေသေးသည်။
" စားလေ.....။ "
" စားပါတယ်......မင်းရော.....စာလိုက်နိုင်ရဲ့လား။ "
မိုးဥတုအမေးကြောင့် သူ ခေါင်းညိတ်ပြလိုက်သည်။ တကယ်ဆို ဆေးကျောင်းက သူ့ဝါသနာမဟုတ်ပေမယ့် မိုးဥတုရဲ့အိမ်မက်မို့ သူ့အိမ်မက်ဖြစ်သွားခဲ့တာ။ တကယ်လုပ်ကြည့်တော့ သူဝါသနာတကယ်မပါဘူး......ဒါပေမယ့် ဆေးဘွဲ့တော့ သူရအောင်ယူချင်သည်။ မိုးဥတု ဝမ်းနည်းမှာ သူ မလိုချင်ဘူး....။
မိုးဥတု အချဥ်သုပ်ပန်းကန်ကို စိုင်းအနား တိုးပေးလိုက်သလို ကော်ဖီအိုးထဲမှ ကော်ဖီတစ်ခွက်ငှဲ့ပေးလိုက်၏။ စိုင်းက နဂိုထဲက အစားအသောက် ဇီဇာကြောင်သည့်အထဲပါသည်။ သူမကြိုက်လျှင် မစားပဲအငတ်ခံသည့် ကလေးပင်။
YOU ARE READING
💗 I'm at your feet 💗
Romanceချစ်လို့ အလိုလိုက်တာပါဆိုတဲ့ ဆင်ခြေတစ်ခုနဲ့ ခင်ဗျားခြေရင်း ဦးချိုးပေးထားတဲ့ကောင်ပါ....ခင်ဗျားကလွဲရင် တစ်လောကလုံးသိတယ်
