بقلم شروق حسام 🦋
_" برافو عليك يا بدورة ممثل هايل "
كملت بحزن " بس ليه قلت إن عندك كانسر أنا كنت صدقت وقلبي وقع بين رجليا "
بدر بمرح " عشان نسبك الدور يا زهرة وتظهري ردة فعل حقيقية حتي الواد جابر
إبنِ صدق أنا فعلًا ممثل هايل زي ما قولتِ "
كمل بغمزة " خدي الشنطة دي فيها هدوم وشوية حاجات أدخلي الأوضة عشان تغيري هدومك وحطي شوية ميك أب تقيل عشان ماحدش يعرفك منهم وأنا هكون في الأوضة اللي جنبك هغير هدومي ده كويس إن الأوتيل بتاعنا والمطعم جنب بعض "
_" هههههه فعلًا معاك حق يا بدر يا قمر أنت "
_" طب يلا يا بكاشة "
بعد شوية أزهار خرجت وكان شكلها مختلف تمامًا لابسها نظارة جميلة ومغيرة لون بشرتها ولابسة دريس أسود وباروكة سودا بدل شعرها البني
ثواني وبدر خرج وكان لابس بدلة سودا ولابس باروكة سودا علي شعره الأبيض وشكله باين إنه أصغر من سنه بكتير
أزهار بغمزة " إيه الحلاوة دي يا خالو لا خالو إيه بس ده أنا اللي خالو "
بدر بغرور مصطنع " عشان تعرفي بس وتبطلي تضايقيني أنتِ والزفت جابر "
_" بنحبك يا راجل ماتزعلش "
كملت بجدية " إحنا كده خلصنا الجزء الأول من الخطة وخلصنا لبس يلا نرجع المطعم وأنا نبهت عليهم في المطعم يقولوا لي يا روز كويس إن فارس مايعرفش أي حاجة عن الأعمال اللي عندنا في العيلة أنا إقترحت عليه مطعمنا لما سألني نروح فين ودي حاجة كانت في مصلحتي "
_" من يوم يومك ذكية زي خالك يا زهرة "
ضحكت بقوة وهو ضحك وحضنها وطبطب علي شعرها
⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑
بعد خمس دقايق
كانت أزهار داخلة المطعم وهي ماسكة في إيد بدر وده خلي الكل يبص عليها وقد إيه هي جميلة والراجل اللي معاها وسيم
بصت بسخرية علي اللي قاعدة مكانها
راحوا قعدوا في الترابيزة اللي قدامهم
وفارس أول ما شافها عينيه لمعت بإنبهار وإعجاب وكان نفسه يقوم يكلمها بس مش عارف لأن جومانة موجودة
جومانة بإستغراب " بتبص لإيه يا حبيبي "
فارس بتوتر بيحاول يخفيه " ببص لك يا حبيبتي بحاول أشبع منك بس مش بقدر أنتِ دايمًا بتوحشيني "
جومانة بخجل " طالما كده بص براحتك "
كملت بتذكر " اه صحيح ماقولتليش حصل إيه "
فارس بإبتسامة واسعة " أخيرًا العجوز اللي إسمه بدر بيودع وهخلص من أزهار بقى وهاخد كل الفلوس اللي معاهم أنا بجد مش مصدق "
أنت تقرأ
🦋 إسكريبتات شروق حسام 🦋
Short Storyهنا تجتمع الواقعية بكل معانيها ❤️🦋 هنا حيث اكتب ما يدور في خاطري♥️🦋
