🦋 إسكريبتات شروق حسام 🦋

الجزء الثالث 🦋

بقلم شروق حسام 🦋

_" جومانة رفيق أبو العطا كانت معانا في الثانوي "

أزهار بصدمة " إإإإيه أنتِ بتهزري مش كده إزااااي "

كملت بهستيرية " الثانوي يعني هي قدي أنا وفارس مش كده "

_" يا أزهار أهدي بس يا حبيبتي "

_" جاوبيني "

_" اه قدنا في السن وكانت معانا في الثانوي ومتخرجة من نفس دفعتنا "

أزهار بجنون " خليكِ معايا ثااانية وإإياكِ تفصلي الخط إياكِ "

أزهار مادتهاش فرصة تتكلم وفضلت تدور في الأوضة علي صور تخرجها من الثانوي لحد ما أخيرًا لقتها موجودة في الألبوم اللي كانت عاملاه عشان ذكرياتها الحلوة

رفعت الصورة قدام عينيها وفضلت تبص لها بعيون واسعة

_" طلعت.... هي..هي فعلًا يا جنان هي أنا إفتكرتها دلوقتي وإفتكرت هي مين.....وإفتكرت قد إيه كانت.....قريبة لفارس وتعتبر زي صاحبته من الطفولة وكان بيعتبروا بعض إخوات "

كملت بصراخ " أنا إتضحك عليا يا جنااان إتغفلت كل ده مش حاسة باللي بيحصل حواليا من بعد ما حبينا بعض وهو بعد عنها وكنت أصلًا نسيتها ونسيت هي مين ههههه اه معلش آسفة ده ماكنش حب ده كان وهم للحب بيوهمني أكتر من 15 سنة مع بعض وفي الآخر كل ده طلع سراب فاهمة يعني إيه سراااااب يعني كل كلامه ومشاعره كدب "

أزهار وهي بتشد في شعرها بقسوة " متجوزين من زمان يعني أنا الزوجة الأولى ولا التانية يعني كل لحظة كنت بعيشها معاه كانت غيري بتاخد زيها أنا بجد طلعت مغفلة "

كملت وهي بتحاول تهدي أنفاسها " بس وحياة كل لحظة كدب عيشهالي لهدفعه التمن غالي مش أنا اللي يتعمل فيا كده مش أناااا "

جنان بحدة " لآخر مرة هقولك أهدي يا أزهار وهنلاقي حل بس قبلها هنمص دمه من كل حاجة أنتِ إدتهاله وبعدين تطلقي منه "

أزهار بضحكة هستيرية " تؤ تؤ تؤ مش بالسهولة دي يا......جنان مش بالسهولة دي ده.....ههههههه أنا هدمر عيلته الأول بداية من أواب اللي ماعرفش هو يقرب لهم إيه وبعدين هي وبعدين هنيجي لفارس هدمرهم واحد واحد "

جنان بخوف من اللي هتعمله " وأنتِ ناوية علي إيه "

_" هحكي لك يا قلبي هحكي لك "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بليل

كان فارس رجع من بره متأخر كان بيحسب الكل نايم بس إتفاجئ إن أزهار لسه صاحية

_" مانمتيش ليه يا حبيبتي "

أزهار بإبتسامة مختلة " مستنياك عايزة أكلمك "

_" معلش خليها وقت تاني أنا راجع من الشغل تعبان جدًا وعايز أنام "

_" إمممم تعبان ولا كنت مع السنيورة "

فارس بتوتر " أنا أنتِ بتقولي إيه يا أزهار "

مسكت أزهار سكينة المطبخ وراحت ناحيته بجنون وغرزت السكينة في صدره

_" أزهاااار أزهااااار سرحتي فين بس "

_" ها كنت بتقول حاجة يا فارس "

_" بقولك خلينا نتكلم في وقت تاني وبالمرة نخرج أنا وأنتِ وإلياس "

هزت أزهار راسها بالموافقة وهو سابها ودخل ياخد شاور عشان ينام فضلت باصة قدامها وهي حاسة إنها هتتجنن بسبب اللي بيحصل للدرجادي وجعها مصور لها حاجات مش موجودة هي لازم تتصرف بسرعة وتكمل باقي خطتها

مسكت موبايلها بسرعة وبدأت تدور علي الرقم اللي هي عايزاه

_" آلو مين "

_" أنا أزهار عايزاكِ في حاجة ضروري هقابلك بكرا بعد ماخلص شغل في مطعم........نتقابل علي الساعة 3 وماتتأخريش "

#إنتقام_أنثي
#شروق_حسام