بيني وبينك حب ما يعرف النهايات ولا يوقف عند الحدود

البارت14

(الرياض. شجاع ميلان)
وخرت من حضن شجاع  وناظرته كيف مبتسم ولوهله تذكرت من نطقت بدون وعي شاعري خرجت منها بعفويه، نزلت راسها بحياء وتلون وجهه بلون الاحمر اثر الخجل اجت تبغاء تروح للفرس بس استوقفتها يد شجاع الي رجعها بجانبه
نطق شجاع: اخخخ تقلبين حالي وتروحين؟
ارتبكت من كلامه ومن قربهم الي يهلكها ونطقت تتجاهل كلامه وهي تناظر الفرس: اش رايك نجربه؟
ابتسمت من تجاهلته بس انعجب من ضمته لها "نجربه" تبغاء تجربه معه تنهد بسعاده ما تنوصف ابد ونطق: ابشري بجربه اذا ما جربته معك بجربه مع مين؟
ابتسمت وتذكرت البيت ونطقت: بيت مين ذا؟
انحنى وتساواء في طولها ولف يناظرالبيت ولف لها ونطق: بيتنا؟
استغربت ونطقت: كيف يعني  بيتك  متى اشتريته؟
ابتسم ونطق: اولآ هاذا مو بيتي هاذا بيتنا انا وانتي وعيالنا وثانين هاذا اشتريته قبل فتره بس محد يعرفه؟
عضت شفتها تحاول  تخفي ابتسامتها من نطق" بيتنا وعيالنا" حست بشعور غريب وبنفس الوقت حلو حست نفسها رجعت للحياه من جديد بعد ما ذبلت وايقنت انها حياتها بتكون عباره عن جحيم بس لوهله تغير كل شي من تعامل شجاع الي تغير فجاه وصاير يهتم بزعلها ومن كان يعبر عن مدا حبه لها صدق من قال ان الحب اكبر بكثير من كلمه احبك، الحب هوه ان يحتويك شخص بكل عيوبك وأخطاءك وان يجملها لك لتتعايش معها أن يحبك بلا قيود او شروط ان يحبك كما انت عندما يتقبلك حتى في كابتك وحزنك هوه ان يرى فيك عالمًا جميلآ بأسره على الرغم من سوءك وانطفاءك الداخلي، عندما يفهمك من عيناك الباردتين الحب هوه عندما يرى السعاده من خلال عينيك تلك، عندما يستخرج الجمل منك وأنت صامت حزين وعندما يقدم سعادتك على سعادته حتى تظل مرتاحآ ويهتم بتفاصيلك حتى الممله منها، وهوه أن يستمع لمشاكلك اللامتناهية بلا تذمر أو ملل... كل هاذا الصفات وجدتها في شجاع
لفت تناظر ورد التوليب كان هاذا الورد المميز بين الورود الثانين الي بلحوش كان ملحوظ اكثر من الثانين ولانها تعشق ورد التوليب تحب ريحته الي اشبه بريحتها صارت تستخدم كل كريمات مصنوعه من التوليب من حبها له
لف لها يشوفها تناظر ورد التوليب وتهوجس
ابتسم واشر على ورد التوليب ونطق: من اول مره تقابلنا فيها ومن شميت عطرك الي اشبه بورد التوليب صرت اعشق شي اسمه ورد توليب؟
استغربت ولفت تناظره يكمل: الي اول ما كنت مهتم بهاذي الاشياء كنت منعزل بين الاسلحه و الحرب ما كنت اميل لهاذي الاشياء؟
لف لها وكمل بابتسامه: بس من شفت رقتك ودلعك ونعومتك ايقنت اني امتلكت افضل ورده توليب في حياتي؟
ناظرت الحب من عيونه وكيف واضح بشكل كبير وملحوظ و كيف يعبر ويشبهها بورد التوليب حست نفسها اسعد انسانه في هاذا العالم وكلامه زاد نرجسيتها،اخذت نفس بسعاده وسكتت مدت كفها تشبكه بكفه وتمشي بجانب ورد التوليب ولفت عليه وفهم عليها وانحنو يجلسون بجانب الورد حررت كفها تلتمس باناملها ورد التوليب برقه ولفت عليه تشوفه كيف ساهي يناظرها
لفت للورد ونطقت: كيف عرفت؟
ابتسمت من فهم عليها ونطق: طيب نبداء اول من شميت ريحتك الي جابت اقصاي بس ما كنت اعرف انها ريحه ورد التوليب لاني ما اعرفه ولا اعرف اي انواع ورد بس من يوم رحت مشتل الورد الصغير الي بلحوش في الديره ومن شفتك طايحه وحملتك شميت ريحه الورد وشفت الورد بس من بعدها كنت اروح للمشتل دون احد يعرف واشمه وبحثت عليه وعرفت اسمه؟
ضحكت بذهول ولفت له ونطقت: كيف يعني كنت تروح للمشتل؟
ضحك من ضحكتها وهز راسه بنعم ولف للورد وقطف وحده ومدها يثبتها بشعرها ونطق: الان ضعت مين فيهم الورده؟
ضحكت وتلتمس الورده الي بشعرها  ونطقت: مو لذي الدرجه؟ لفت للفرس ونطقت: بركبه؟ لفت للحوش وكملت: بس هنا المكان صغير؟
وقف ووقفها معه ونطق: افااا عبالك ما فكرت بهاذا الشي؟
حقت حاجبيها ونطقت: كيف؟
ابتسم ونطق: فيه اصطبل قريب من هنا بنروح له بس؟
عقدت حاجبيها ونطقت: بس؟
ارتسمت ابتسامه خبث على وجهه وكمل: بس بشرط؟
رفعت حاجبها ونطقت: وش؟
انحنى واقترب من وجهه ونطق: بوسيني؟
توسعت عيونها بصدمه وذهول من جرائته و طلبه مستحيل تبوسه
بسرعه هزت راسها بنفي ونطقت بتوتر: ما ابغاء؟
كشر ووقف ونطق: طيب اجل مافيه اصطبل؟ اعطاها ظهره وتقدم يدخل البيت متوجه للصاله
تاففت من حركاته هي لها فتره ما جربت الفرس واشتاقت للخوصاء بس مستحيل ترجع تروح لها بس الان معها فرس جديد وبتروح اصطبل جديد وحياه جديده قدر شجاع يغير حياتها الى جديده، لفت للفرس باشتياق لتجربته بس كان طلبه مستحيل وصعب عليها تسويه تنهدت بتعب وتناظر مكانه ضربت رجلها بلارض بنرفزه وتقدمت تتوجه للبيت فتحت الباب نتاظر البيت وكبره وكل شي كان فيه بلون الابيض و الرمادي كان بيت مثالي و متواضع با اثاثه وشكله كانت فيه كميه راحه، لفت واستقرت نظرها من شافته متوسط الكنب ومنسدح يناظر السقف ويدخن، فصخت عبايتها وتركتها جنب الكنب ناظرته كيف حتى ما لف يشوفها عرفت انه زعلان تقدمت نحوه ومدت ذراعها تبعد رجوله وتجلس بهدواء وتضم كفوفها لبعض وتفركهم بتوتر
رفع نظره لها واتعدل بجلسته ونطق هوه ينفث الدخان: وش بغيتي؟
لفت له وشافت كميه الدخان الي يخلصه ووجهت نظرها له
ونطقت بخوف عليه: تراه مضر تدخن بهاذي الكميه؟
نطق شجاع: يهمك؟
نطقت وتجاهلت كلمته: اتركه تراه بيظرك انت؟
نطق بهدوا: طيب تدرين متى بتركه؟
رفعت اكتافها بعد معرفه
رمى الدخان بلارض ودعس عليه ولف لها ومد انامله الى ثغرها يلامسه وكمل: لما امتلك هاذا بس ما ضنتي امتلكه وانتي تتهربي مني برغم اني حاولت اصلح كل شي بس رغم هاذا تتجاهليني؟ وقف وتجاهلها يطلع الدرج ويدخل غرفه النوم بضيق من عدم مبادرتها فصخ ثوبه وفلينته وشغل المكيف وارتمى على السرير وكل تفكيره مشوش مشاكل انهلت عليه حتى صالح ما علم احد انه انسجن وسالفه فهد وكل شي تراكم عليه، غمض عيونه يحاول يرتب افكاره.
رجفت شفايفها اثر لمساته بس لمست من صوته الي بين زعله لفت تشوف البيت واستقرت نظرها لشباك الكبير القزاز الي يطل على الحوش من الداخل و الورد وتشوف الفرس هاذا كله قدمه لها تشوفه كيف يحاول يفرحها، لفت للدرج تناظره كيف طلع بزعل تنهدت بتعب ما تدري وش تسوي اخذت نفس تهدي نفسها ووقفت وطلعت للغرفه بس وقفت بتردد كانت فيه ثلاث غرف ما تدري فين راح لفت لغرفه كان الباب شوي مفتوح تقدمت وفتحت الباب بشويش تناظر الضلام و درجه البروده عقدت حجاجها باستغراب ودخلت توسطت الغرفه لفت تناظر للسرير وشجاع المتوسطه تقدمت بشويش تمشي على اطراف اصابع رجليها من حست انه نايم مدت كفها تشغل الابجوره الصغيره لتنير بنور خفيف ولفت عليه كان نايم بس خجلت من شافته مفصخ ثوبه وعضلات ظهره باينه وكان بدون شي يستر صدره وظهره استغربت انه نام وتوقعت انه زعل كثير، بوزت بشفايفها بحيره تقدمت بشويش تشوف الندبات و اثار الجروح بظهره انحنت وجلست خلف ظهره ومدت اناملها تلتمس اثار الجروح
شجاع ما كان زعلان منها بس كان يبغاها تحس انه زعل من شأن تبادر شوي، حس فيها من دخلت ومن مدت اناملها تلتمس جروحه كان يحس بلمساتها الرقيقه و الناعمه
ابتسمت من خطرت على بالها شي انحنت تقبل مكان الجرح بخفه
من حس بشفايفها تلامس ظهره زادت نبضات قلبه بقوه من مبادرتها الي ما توقع هاذي الحركه منها ابد
ابتعدت بشويش ونطقت بهمس وضحك: هوه ما حدد فين يبغاء البوسه فا الان نفذت الشرط؟
اتسع ثغره بابتسامه من سمع همسها وكلامه ومن مراوغتها با افعالها نطق هوه معطيها ظهره: يلا مقبوله مع اني ما كنت ابغاها هنا بس يلا مقبوله؟
فزت وشهقت بخوف من سمعت صوته وابتعدت من السرير ونطقت بخوف: بسم الله؟
لف يناظرها وضحك ونطق: علامك شفتي شيطان؟
لفت يدها تتحس رقبتها بخوف وتوتر ونطقت: ما دريت عبالي نايم؟
ابتسم وحب يوترها ونطق: كيف بنام وفيه وحده توزع قبلات؟
عضت شفايفها باحراج هي عباله نايم مارح يحس فيها ما حسبت حساب انه صاحي
ابتسم ومد كفه يغطي عيونه ويغمض
وسعت عيونها و ادركت انه زعله شين
مسحت جبينها بتوتر وتقدمت جلست بطرف السرير ونطقت: بتنام؟
همهم لها وسكت
تنرفزت ما تحب يتجاهلها مدت كفها تسحب الحاف وترميه على الارض ونطقت بعصبيه: تراء قاعده اكلمك؟
لف لها بهدواء ونطق: وش بغيتي؟
نزلت راسها بتوتر ونطقت: اسفه؟
رفع حاجبه ونطق: على وش؟
تنهدت بتوتر ونطقت: مدري؟
ابتسم من شاف توترها ورجع يتمدد بس هاذي المره فتح ذراعينه ويناظرها ونطق: تعالي؟
لفت عليه ولانت ملامحها يشتعل داخلها وترتبك عروقها من طلبه الصريح
نطق بهدوا من لاحظ خوفها: تعالي ميلان تعالي واتركي الخوف انا ما ابغاء احب جبانه؟
فركت كفوفها بتوتر وكلامه الي زادها توتر من طلبه انها تجيه صدت عنه ما تدري وش تسوي تبادر او لا بس كانت متردده
غمض عيونه واخذ نفس بقوه يهدي من عصبيته من انها تجاهلته وردته عنها، انسدح وسحب الحاف عليه واعطاها ظهره
لفت له تشوفه كيف كان يحاول يتقرب منها وتكسر خوفها بس خايفه خايفه تتقرب منه وتتعلق فيه اكثر ويخذلها صارت تخاف من انها تتعلق باحد تخاف تصير وحيده وترجع لشعور الوحده و الكسر، حاولت تكسر خوفها تبغاء تعيش يوم واحد بسعاده نست اخر مره ذاقت فيه طعم السعاده او الراحه والنوم كانت تتعذب بكل ليله لها
نطقت بهدواء وهي صاده تناظر الارض: يظنون أنك تستطيع تجاوز الأشياء وكانها لم تحدث لكن ولله لاشي مر علينا سهل؟ غمضت عيونها من داهمتها دموعها
كان يمسع كلامها وما لف سكت يبغاها تكمل
وكملت بصوت خانقته العبره: بكل مره تخسف بـ ارواحنا الارض ولله وحده الأعلم كم كلفنا الصمود بكل مره؟ مدت كفيها تغطي فيه وجهها من البكي
اعتدل بجلسته وسند ظهره على السرير ولف يشوفها خاضنه وجهها بين كفيها تنهد بضيق ونطق: وش فيها لا هزمتي الكبر وجيتي اليوم ونا بهزم الزعل من اجلك كلعاده ونعيش اللحظه كنه بنعيشها دوم لا جت تنتهي اللحظه ننسى ونسوي اعاده تعالي وانتي تعرفين قلبي شقد يهواك تعالي وانتي تعرفين شكثر قلبي من تجينه يجيه السعاده؟ مسح على وجهه
وكمل:ودي بضحكتك معاد انا اتحمل الهموم تعالي واحيي روحي الضماده؟
لفت له بدون تردد تقدمت لنحوه وانحنت تدفن راسها بصدره واحتضنته
شد عليها من احتضنته وانحنى يبوس راسها ونطق بابتسامه: اسكني بقلبي واحسبي البيت بيتك وفيه اعتبريني ضيف قاصد محياك ان احتواك الشوق ولا احتويتك ناظري عيوني على كيف ما جاك وان ما كفاك القلب روحي عطيتك ويفداك قلب قبله الروح تفداك؟
شد عليها يضمها على صدره يمسح على راسها، يفهم سبب خوفها يفهم سبب دموعها ونبره الحزن، يفهم ان ابوها و اخوانها تركو فيها عقده من مواقف الخذلان و التعلق
رفعت راسها تشوف كيف يوصفها مدت كفها تلتمس دقنه وفكه وشنبه ونطقت:انتي عوضي في هاذي الحياه انتي عوضي عن كل شي الي كسرني وخذلني؟ تقدمت تكسر خجلها وترتفع شوي تقبل خده بكل رقه حست بشعر دقنه من قبلته ابعدت شوي تشوف ابتسامته وذهوله
ابتسمت وانحنت تخفي وجهها بصدره
ابتسم من حس بشفايفها تلامس خده حس بشعور الراحه تنهد تنهيده كلها سعاده وابتسم من خجلت ودفنت وجهها بصدره
تذكرت الطلاق واخذت نفس تبعد عنه شوي تناظره بهدوء
ونطقت: مارح تتركني؟
عقد حجاجه ونطق: ماني برجال اذا تركتك لا تفكرين بهاذا الشي؟
بلعت ريقها ونطقت: اخاف يصير شي؟
ناظرها شجاع يهز راسه يفهم مقصدها ونطق: عمر يخسي ويعقب يسوي شي ولا تخافين محد يقدر يفرقنا عن بعض؟
هزت راسها وتذكرت عساف ونطقت: مو عساف قدم على العسكريه؟
هز راسه بلايجاب وكملت: طيب ليش لساء ما طلع قبوله؟
مد كفه يلعب بشعرها ونطق: اوراقه يبغاء لها شغله واحتمال تطول؟
ميلت راسها ونطقت: ليش ما تتوسط له؟
ناظرها بحده وضحكت برعب منه ونطقت: آسفه مو قصدي؟
هز راسه بنفي ونطق: ما أتوسط لاحد؟
ميلت شفايفها ونطقت: يعني ما بيزعل ان اخوه فريق اول وما يوظفه؟
هز راسه بنفي وحرر خصلات شعرها من وجهها ونطق: لو بيزعل يضرب راسه بلجدار ما يهمني لاني ما احب الواسطات؟
رفعت حاجبها ونطقت: قاسي؟
رفع حواجبه وابتسمت بوهقه ونطقت: امزح شفيك؟
هز راسه بالايجاب وهوه يناظر شفايفها يوم تتكلم وتحركهم ينحني لها يقبل شفايفها في كل حالاتها تجذبه حتى بحزنها تجذبه مو قادر يركز في اي شي وهي جنبه، قبلها باعجاب كبير داخل قلبه بشعور يطغى عليه كل ما صار جنبها وكل ما سولفت وضحكت له و خجلها و خوفها اللي تمثله عليه يعجبه، تعجبه كلها: ابعدت عنه وهي تاخذ نفس وناظرها شجاع تصد بخجل عنه
ضحك يناظرها ونطق: تلعبين بي وتبوسين خدي وتقلبين حالي وتستحين الحين؟
ما ردت عليه واخذ نفس هو يهز راسه ونطق: ودك تسكتين؟
لفت عليه وتجاهلته ووقفت وخرت من السري ونطقت: مارح نروح الاصطبل؟
ضحك من خجلها الزايد وخر الحاف وقف وتوجه ياخذ ثوبه ونطق: يلا البسي وشوي وبنروح؟
ابتسمت ونطقت: مين بياخذ الفرس؟
نطق هوه يلبس ثوبه: بيجون عمال ياخذونه؟ هزت راسها بالايجاب وراحت تلبس عباتها؟
في الديره توجه اصيل بعد ما عرف ان ميلان بتنام عند شجاع وتطمن ان عمر اليوم مارح يرجع وتوجه لديره فتح الشباك يخرج يده يتكي يناظر الناس دخل السياره الحوش ووقفها واخذ المفتاح يدخله بجيبه وخرج من السياره لف يشوف نايف وفيحان وسطام جلوس تحت ضلال النخل وعندهم  براد الشاهي ويسولفون و الواضح انهم منسجمين لدرجه ما انتبهو رفع صوته ونطق: مالي نصيب في الشاهي و السوالف؟
لفو لمصدر الصوت وشافو اصيل متجه لاتجاهم ابتسمو بفرح وشوق واعتدلو بجلستهم ونطق فيحان بصوت عالي يغني: مرحبا بقدوم خلي؟
ابتسمو وكملو الاغنيه نايف وسطام مع فيحان ويصفقون
ينطقون بصوت واحد: يوم جاني في محلي مرحبا والفين سهلا مرحبا بقدوم خلي يوم جاني في محلي يا هلا والفين سهلا؟
ابتسم بوسع ثغره من ترحيبهم له تقدم وسلمو على بعض وجلسو
ونطق فيحان: تكفى قل انك بتجلس ومارح ترجع الرياض؟
ابتسم اصيل ياخذ فنجان الشاهي من نايف ونزله ونطق: ليكون اشتقت لي؟
ضحك نايف ونطق: ابك ما ينام اليل من كثر شوقه؟
ضحكو بعلو صوتهم وشرب اصيل من الشاهي ونطق: ابشركم اليوم بنام في الديره بس بكره راجع؟
كشر فيحان ونطق: بس يوم واحد؟
ابتسم سطام ونطق: شكل زوجتك مشتاقه لك؟
ضحك اصيل ونطق: زوجتي مارح تشتاق لي كثر ما يشتاق لي فيحان؟
ناظره بطرف عينه فيحان ونطق: كلوزق انته وياه خربتو جوي؟
ضحكو وتذكر اصيل ونطق: اليوم حاكتني صاحبه الحفله واعطتني عنوان القاعه والزي التنكري عندهم اذا رحنا بناخذه بس قالت بعد اسبوع يعني اليوم احد يعني الاحد الثاني بيكون الحفله؟
نطق فيحان: احس بيصير اكشن؟
ضحك نايف ونطق: تخيلو ننكشف؟
تكاء بظهره سطام على النخله ونطق: ابك ولله ليتبرون مننا؟
ضحك اصيل ونطق: احتمال الشيبه يذبحنا الي يمدح فينا في المجالس في الاخير يعرف اننا نشتغل مهرجين؟
ضحك اصيل ونطق: وحفلات؟
ضحك فيحان بهستيريه ونطق: تكفون تخيلت شكل الشيبه ابك بتطقه سكته قلبيه؟ ضحكو بسعاده تغمرهم
وقف اصيل ونطق: بروح اسلم على جدتي وعمتي؟ تقدم وراح وقف عند الباب ودق بس وصل لمسامعه صوت بنت حاول يتذكر فين سمع هاذا الصوت مو غريب عليه قد مر عليه هاذا بس فين ما تذكر
تقدمت سحاب عند الباب ونطقت: مين؟
ابتسم من تذكر ان هاذا صوت سحاب ونطق: اصيل؟
ابتسمت فجاه ما تدري ليش من نطق اسمه وسمعت صوته ابتسمت
ابتسم من عدم جوابها ونطق: نادي لي جدتي وعمتي؟
بلعت ريقها بتوتر وراحت تناديهم واجو فتحت الباب نوره بسعاده ودخل اصيل وتقدم يبوس راسها ونطق: كيفك يا عمه عساك بخير؟
ابتسمت ونطقت نوره: الحمدلله بخير وعافيه الا انتو كيفكم وكيف ميلان؟
ابتسم ونطق: الحمدلله كلهم بخير ويسلمون عليكم؟
هزت راسها بالايجاب ولفو من تقدمت فاطمه وتقدم اصيل يبوس راسها ونطق: كيفك يا نور هاذا البيت؟
هزت راسها بكلافه وهي زعلت من ما سمعو كلامها وراحو كلهم وعبالها ان ميلان معبيه راسهم
عقد حجاجه اصيل ونطق: افااا يا ذا العلم ليش زعلانه؟
نطقت فاطمه: انتو ادراء ليش؟
هزت راسها نوره بياس من امها
نطق اصيل باستغراب: لا بلاه ما اعرف ليش واصلآ ما عاش الي زعل نور هاذا البيت؟
نطقت فاطمه بحده: اذا انطحن الزعل الي براس اختك بعدين تعال كلمني و ابوك هنا ما تسالون عليه ما تعرفون هل هوه بخير او لا بس السوسه معبيه راسكم بكلام الله يعلم وش قايله ومن فين بتطلع على امها؟ تقدمت بعصبيه وراحت
لف اصيل بصدمه لعمته نوره ونطق: علامها جدتي قلبت على ميلان وامي وش دخلها حتى وهي بقبرها مارح يتركونها بحالها؟
نزلت راسها بياس نوره ونطقت: لا تهتم كل شي بينحل اهم شي ميلان وصحتها ولا تشيل بخاطرك على كلام جدتك تراها ما تقصد؟
هز راسها بالايجاب ونطق: ابوي فين؟
نطقت نوره: في المجلس؟
تذكر اصيل فهد ونطق: فهد ما شفتوه؟
هزت راسها بنفي ونطقت: لا ولله قبل شوي كلمتيني ساره وقالت انه من يوم العزيمه ما رجع حتى اتصالها ما يرد عليه وخايفه عليه؟
تنهد اصيل ونطق: يصير خير؟ تقدم يفتح الباب ونطق: سلام؟ تقدم متوجه للمجلس يسلم على ابوه دخل ناظرهم كلهم جلوس تقدم يسلم عليهم كلهم واقترب من ابوه بس من اقترب وانحنى يبغاء يبوس راسها دفه ابوه وطاح اصيل على الارض انصدمو كلهم واكثرهم اصيل الي ما يعرف وش الي صار الان تقدم راكان يرفع اصيل المصدوم
لف شاهين بعصبيه لابو ميلان ونطق: علامك انته صاحي؟
اخذ نفس اصيل بصدمه وقترب من ابوه ونطق: يبه علامك ليكون زعلان مني؟
كشر ابو ميلان بعصبيه واحتدت نضراته وبرزت عروق يده ووجهه احمر من كثر العصبيه ووقف ونطق: وجهك انته و اخوانك ما ابغاء اشوفه عندي تفهم؟
نطق ابو شجاع بصدمه: محمد علامك وش قاعد تهذري فيه؟
رفع اصبعه بتهديد ابو ميلان ونطق: انا قلت الي عندي ما ابغاء اشوفهم في الديره كامله؟
وقف شاهين وتكاء على عصاته ونطق بحده: مو انته الي تقرر من الي يدخل ومن الي يخرج واذا فيه شر براسك بطحنه لك وعلامك هاذي الايام موب عاجبني وضعك؟
اصيل كان مصدوم من الي يصير مو مستوعب شي من الي قاعد يقوله كلام ابوه قاعد يرن في اذنه
خرج ابو ميلان بعصبيه من عندهم
لف اصيل يناظرهم بصدمه وعدم فهم وخرج بسرعه من عندهم من حس انه اختنق وقادته قدميه لمشتل امه و ميلان وجلس على ركبتيه بصدمه وفتح ازارير ثوبه يحاول يلقط اوكسجين يحس كل شي قاعد يدور فيه
سحاب ناضرت اريج الي راحت تراجع و الين كمان بس هيه تعبت من المراجعه وتقدمت تاخذ طرحتها وتلبسها وتقدمت للباب الخلفي تبغاء عند المشتل لبست حذيانها( يكرم القارئ) وخرجت بخطوات هاديه وصلت ولفت براسها وسعت عيونها بذهول وصدمه من شافت اصيل منحني وجالس على ركبتيه  وجهه مايل للون الازرق وكان يحاول يتنفس تقدمت بركض نست انها بدون نقاب او عباه حتى طرحتها نزلت على كتوفها ما كانت تفكر الا باصيل تقدمت وانحنت له بخوف
ونطقت: اصيل فيك شي؟
رفع راسه يحاول يلتقط نفس
ما كانت تدري وش تسوي بس تذكرت الماء راحت ركض تجيب علبه ماء من المطبخ ورجعت بسرعه بدون احد يلاحظ  تقدمت وانحنت مدت كفوفها ترفع راسه وتفتح الماء وتشربه شوي وخرت الماء ورشت شوي في كفوفها ومدتهم تمسح وجهه بهدواء ونطقت بخوف: اهداء واخذ شهيق بقوه وزفير بهدواء؟
اخذ شهيق بقوه زي ما تكلمت وخرجه بهدواء
ونطقت: كررها؟ ابتداءا يكررها الين انتضمت انفاسه شوي شوي ورجع وجهه يرجع طبيعي  لف يناظرها وكيف كانت خايفه بلل شفايفه بتعب بس من شافها بدون شي يسترها صد ونطق: مشكوره؟
هزت راسها ونطقت: وش حصل؟
هز راسه بنفي هوه صاد ونطق: مافي شي بس مشكوره؟ انحنى ياخذ شماغه الي مرمي بلارض ورفعه على كتفه ونفض ثوبه من التراب وتقدم يخرج
عقد حاجبيها باستغرب ونزلت نظرها لنفسها وتذكرت انها بدون نقاب
صفقت جبينها بغباء ونطقت: غبيه غبيه علامك ما ركزتي حتى هوه صد الله يلعني وش ذا الغباء الي فيني؟ وقفت بتوتر ونفضت لبسها ودخلت المطبخ تاخذ لها ماء تشربه دفعه وحده بتوتر
ونطقت: اففففف وش سويت؟
دخلت اريج على كلمت سحاب ونطقت: خير وش مسويه؟
فزت بخوف وناظرت اريج وزفرت براحه ونطقت: علامك تتسحبين انطقي شي يوم بتدخلين خوفتيني؟
ضحكت اريج ونطقت: ولله انتي مدري وش فيك مختبصه؟
رفعت كفها تمسح جبينها بتوتر ونطقت: ما فيني شي بس شفت فار وخفت؟
ضحكت اريج ونطقت:  اجل فار هاه تراء شفتك يوم دخل اصيل يسلم على عمتي وجدتي كنتي تناظرينه؟
وسعت عيونها بصدمه من انها شافتها وحاولت تخفي ربكتها
ونطقت : ما كنت ناظر له بس كذا اشوف يعني كذا؟
ضحكت اريج ونطقت: طيب خلاص هدي خبطتي ام الكلام؟
شمقت لها سحاب
ونطق اريج: اي صح اليوم كلمتني المديره وقالت ان لبس التخرج جاهز و الحفله الاحد الجاي؟
نطق سحاب: باقي فيه وقت نتجهز؟
ميلت شفايفها اريج ونطقت: بس من وقت الي صار بلمدرسه شجاع ما كلمني هوه قال الحفله مارح تروحينها؟
تقدمت سحاب تحضن اريج من اكتافها ونطقت: لا تخافين هوه اكيد يمزح بتشوفين بيجي وبيقولك روحي؟ هزت راسها بياس وتقدمو يدخلون الغرفه يكملون مذاكره
مر الوقت وصار مغرب وكان اصيل طول هاذا الوقت جالس لحاله عند النخل يحاول يستوعب وش الي صار في ابوه ومن سحاب الي طلعت عنده وبعثرت شعور غريب باصيل بس استغفر يحاول ينساها بس موضوع ابوه يشغله اكثر ليكون زعلان ولا وش عجز يبرر موقفه
تقدمو فيحان ونايف وسطام يجلسون بجانبه ومعهم دله قهوه جلسو مد ذراعه فيحان يصب القهوه لهم
ونطق نايف: اصيل علامك من دخلت تسلم رجعت لنا وانته مكشر وش صاير؟
هز راسه بنفي وتكاء بظهره على النخله ونطق: مافي شي بس كذا افكر؟
نطق سطام: بوش تفكر؟
رفع اكتافه بعد رد
جلسو يسولفون يحاولون يغيرون نفسيه اصيل الي ما كان معهم تفكيره مع ابوه