نجوم محرقة وليل "دامس"

تكملة بارت (٥٣) الاخير

#نجوم_محرقة_ولـيـل_دامـــــس

حسابي الانستگرام // zai9_hr

حسابي الواتباد // zai9_hr

تصويت وتعليق بين الفقرات لطفاً ♥️

°°°°°°°°°°°°°°°°°°°°°°°°°°°

إنتِ يا أحلى حمامه بـهالسلف گلبي هواها .

لـيـل
ــــــــــــــــــــــــــــــــــــــــــ

آســـــيا :: زهــــير اترخص من الولد وطلعنا نتمشا طول ما احنا نشمي اثنينا ساكتين هو بـــــس يدخن ويتلفت يباوع على عالم واني أريــــــد احجي بـــــس متردده ومدري منين ابدي وشوي بعدني اخجل حتى عشا ما تعشيت وبعدني جوعانه

فزيت من صفنتي اباوعله رافع ايده البيها جگاره ياشر ويگلي

- شرايج نروح للكورنيش وننزل نگعد على حافة الشط ؟

اكتفيت بـــــس اهز براسي ... صار بيه سوله اجيب الجنطة من هاي ايدي الهاي لحد ما جرها مني يضحك بخفه

- تعبتي

- لا بـــــس ممتعوده عليها

- شبيها هيه

ومد أيـــــدة يفتح بزنجيل بلعت ريك وهستوه كمل فك الزنجيل ومد وجـــــهة يريد يشوف شبيها جريتها
بسرعة برتباك اسد بيها واكله

- لا هيج مابيها شي

عكد حابه ووكف

- شبيج بـــــس اشوف شبيها

- واللـــه فارغه جايبتها هيج كشخه

- ههههههههههههه لو فارغه جان ما رجفتي هيج اممم شوفيني شبيها صار عندي فضول

- واللـــه مابيها شي

حجيتها ومشيت رجليه احسهن رجفن شبيه هيج صار بيه .. اجه يمشي وراي واني حاطتها على گـــــلبي وبلبوگه مديت ايدي كل البيها حمره وعطر وعلج بــس لان كاتبه على واحد من خط العلج اسمه وقلوب حب هف شورطني هسه اني وما ذبيته .. ايدي بلا ما اشوف كل تركيزي صاير للشخص يمشي وراي اهبد وادعي الزمه زفرت نفـس براحة لمن صار بيدي طلعته سريع ما اكدر بـــــس اشمره يشوفه .. خليته بحلگي وعلسته

وصلنا للكورنيش نزلنا من السياج جوه على شط جاب
كارتونه جانت قبلنا مشموره گصها بيني وبينا وكعدنا جانت ظلمه واضويه قليل وبعيده .. فتح فلاش تليفونه وگلبه على شاشته وبعده ليغاد .. ساحبه رجليه ومكتفه ايديه ومخليتهن عليها ومغمضه اجر نفـــس مبتسمه لمن يجيني الهواء يكزبر بدني مخلوط بريحة جكايره .. فتحت عيني ودرتها لمن شمر الگطف انفصلت الجمره عن الگطف وراحت لبعيد بقيت عيني
عليها وهو موكف رجل ورجل مادها ومرجع جسمه ليورا ومنتجي على ايد وحده من شافني اباوعله سريع نقلت نظري للجمره البعدها مشتعله احس بيه مركز بيه رجفت شفتي وگــلبي حسيت دگاته بأذنه درت وجهي اباوع كدامي صافنه بالماي وصوت روج والهواء العذب يخلني انعس