رواية ( أحمد )
رواية ليبية
للكاتبة lil_sara_lil
.
.
.
.
______________♡♡♡♡♡_______________
.
.
.
.
فاقت اكرام على صوت الطلق وشبحت في الدار ولقت امها حتى هي فايقة
حنان: بسم الله الكريم شن صاير
اكرام: الصوت قريب
حنان: يارب استرنا
ناضت اكرام من السرير وملقتش ولدها خافت وقلبها قريب طاح
اكرام: امي احمد وين؟
حنان: شنو؟
اكرام: احمد وينه كان هنا
حنان: بالك خدنه خواتك
وطلعن من الدار يجرن ولقت نور وانفال واقفات في الممر ويبن يطلعن يشوفن شن صار
اكرام: انفال حمودي عندكن؟
انفال: مش امرقدتيه عندك في الدار؟
سكتت اكرام من الصدمة وعرفت ان في شي صار وفي نفس الوقت سمعت صوت محمد يقول " لا اله الا الله"
هنا خلاص الأربعة رجليهن معاش حملنهن وطلعن لسور يشوفن شن صاير وياريتهن ما طلعن
كان رامي مرمي ودمه متنطر في كل مكان ومحمد واقف فوقه ويبكي ويوحد في ربي، ولما شاف بناته ومرته واقفات زادن دموعه، البنات قعدن يبوصن وحنان كانت تبكي بصوت عالي، واكرام كانت في حالة صدمة وهي تشبح لراجلها ميت بمنظر مرعب قرب محمد منها
محمد: وحدي ربك يابنتي وحدي ربك
اكرام: ولدي وين؟
محمد: استغرب .. شنهو؟
اكرام: بصوت عالي والدموع قعدن ينزلن بغزارة .. ولدي أحمد وين
شبح محمد لمرته تحت اصوات بناته يلي كانن يبكن ويبوصن بصوت عالي والحيرة مالية وجهه وخلاص السكر هبط عنده
محمد: شن تقول بنتك
حنان: وهي تبكي .. احمد مش في مكانه مهناش
محمد معاش قدر يتحمل وطاح عليهم واكرام معاش قدرت تتحمل وطاحت حتى هي وخلاص كل شي تخلط عندهم قعدن حنان وبناتها يبوصن وينوضن في محمد واكرام والجيران خشوا على صوت العياط وشافوا المنظر واتصلوا بالشرطة والاسعاف على طول، وجن النسوان وحاولن يدخلن حنان وبناتها للحوش ويهدوهن
كانت لحظات سريعة لكن على قدر سرعتها كان ألمها كبير ومرعب
__عند احمد__
كان متحشم من عملة عمه، نقله لقسم الشرطة وحطوه في التوقيف غادي، مكانش قادر يقول ان هذا عمي وخايف يعرفوا اسم عمه كامل من القسم ويعرفوا أن عم الضابط احمد تاجر مخدرات
قرر احمد يرجع لمدينته بعد ما شد عمه بيش يقول لبوه، لانه مش قادر يقول لجده، لكن طه مخلاشي وقاله يراجي امر من النقيب بيش يرجع
لكن احمد كانت في غصة في قلبه مكانش يعلم من شنو، من انه شد عمه يبيع في مخدرات وبينحكم عليه اقل شي 25 سنة حبس، ولا من شي ثاني، مرت الليلة عليه تفكير في تفكير واحساس بسيط بالندم
