البارتات الاضافية للاطلس دمليج الاسود (نسخة الكتاب)

مشهد حلو

دكيت على الاطلس ما جاوب رجعت دکیت هم ميجاوب دزيتله رسالة هم ماكو
دكيت على المكتب وجاوبوني بـ رسالة..
"Busy"
ذبيت الموبايل مطنكرة تعبني الاطلس من يسافر وينشغل ينسى روحه والدنيا تعبني شغله مدا اتحمل الوضع لاعبت ادم شوية وطلعنا نحتفل بعيد ميلاد بسملة كلنا، توقعت
الاطلس يجي ويفاجأنا بس ما اجه..

واحنه بالمتنزه عمر شاف مالك شمسون انصدمت بوجوده ما تخيلت راح يرجع للمغرب بيوم.

-مريم: ليش متوترين عمر؟

-عمر: ما متوترين بس مانريد نتواجد وياهم بمكان واحد، بعد ماعرف تصادفنه لو همه
يعرفون راح نكون بهاي الحديقة بكل الاحوال ما يهمنه نعوف المكان ونطلع

-مریم: بس همه تغيرو صار سنين مندري عنهم شي

ضحك عمر مستهزأ وكمل طريقه لدار بسملة وصلهه واني وداني لبيتنه تعشينه وكبل
سبحت ادم ونيمته واني هم نمت بفراشي انتظرت اطلس يتصل بس ماكو اليوم دكيت عليه ميجاوب انقهرت ونمت..

حسيت على شي يلعب بخشمي يدغدغني احك خشمي متوجعة وبقيت بين النايمة والكاعدة

-مرمر مرمرتي بشبش.. ام العطوب.. ولج مرايم

-دوخرر

-ام لسان كومي

-دوخر شكد لزكة

-ها هيج صارت مریم هذا استقبالج لـ بعلچ

فتحت عيوني على وسعهه من استوعبت اني مدا احلم وهذا الصوت حقيقة درت عيوني
عليه اشوفه بصفي متمدد وساند راسه على ايده ويباوعلي مبتسم..

-ابو رييييحة

-رحم الله والديج

-اطلس هذا انتَ؟؟ كول والله انتَ

-لا حبي خيالي هذا

-اي مو اكول

-مريم اويلي يا مرريم

-يمممة عزه بعيني صخام لطام بوجهج يمريم اطلسسس انت جااااي

-اذني اريدهه حبيبتي يا كلبي وروحي انت هنا اني بس اصحي

-صحيت محيطي صحيتتت ولك يبوووو

-يبوو على عمري وعمر الخلفني مريم التوبة اجيج وانت نايمة بعد

-وانت شكو جاي هيج وقت عيوني ؟؟؟

-كلت اجي واصحيح على لمساتي وصوتي شوية رومانسية ومن هالسوالف

-اني شكول رومانسية يا اطلس شبيك انت شتحس

-والله صح شحس مادري دكومي كومي خليني احضنج

-اوكف لحظة احتاج استوعب وجودك شبيك

-اخليج تستوعبين بس انطيني مجال....

عشر دقايق واندكت الباب ...

-ماما

-الاطلس: يبوووو