البارتات الاضافية للاطلس دمليج الاسود (نسخة الكتاب)

مشهد

"مریم"

ملتهية دا احضر لعزيمة اليوم الاطلس عازم جماعته هنا، نانا تطبخ واني اسوي المقبلات
وانظف جهزت كلشي وحضرته على الميز ودخلت لغرفتي اسبح واسبح ادم ويايه..

كملنا سبيحة وبدلنا ملابسنا كعدنا نلعب اشمرله الطوبة ويرجع يجيبها الي ومن يروح
يرجعلي هو بس يضحك ويصفك تنتعش روحي بضحكته و سنونه الصغيرونة مثل اللؤلؤ مبينه اضحك وياه بصوت عالي ممنتبهة على نفسي الا من اندكت باب غرفتي...

-مریم بهمس: ادم عززا هذا ابوك دينبهنا صوتنا عالي تعال تعال

اجه يركض يكعد بحضني ويضحك ويغطي بحلكه نفسي بالضبط، اباوعله اريده يسكت
وهو على ضحكة الوحدة ويكمز بحضني
ادومي اشش ماما ولك اششش يقلدني ويسوي "هششش" ويحط اصبعه على شفايفه لزمته ملخته بالعض والتكرص
ومستمر ابني البشوش بالضحك الهستيري اندكت الباب بعد مرة فوراً سكتت
خنس يباوعلي..

-مریم: ارتاحيت هذا ابوك

-ادم: ببا

-مريم: أي ببا هذا راح يجي يرعد علينا
انفتحت الباب وطل منها الاطلس اخذ ادم يلاعبه ويأشر لي بيده اروحله..

-ها حبي

-الاطلس مريم جايه وياهم بنية اريدج تجيبيها هنا وتلكيلنه فد طريقة نخليها تبات عدنا

-شنوووو؟؟

-ولج افتهمي عليه مو عندي غاية من هالتصرف

-لا لا اطلس شنو بنية تبات عدنا

-يا حبيبتي كلشي اشرحلج بعدين بس انطيني مجال

اخذ ادم وطلع بسرعة الهم، توترت منو هاي البنية وليش يريد يبيتها عدنا مچنت اعرف شنو ببال زوجي العزيز..

فتحت تلفزيون اتفرج واسمع لأصواتهم عالية شوية وصارت لغوة كأنها عركة ؟ استغربت وكمت فتحت باب الغرفة اخذت شال وتمشيت بالممر بس مديت عيوني بدون لا احد يشوفني وچان اشوف أربعة زلم وبنية سافرة وياهم...

واگف واحد منهم ميقبل يكعد يريد يطلع والاطلس يتوسل بي عرفته هذا منو وشايفه
صورته هوايه عند الأطلس يتصل اسمه "شُهيب" علت الأصوات والبنية بس
وتباوعلهم انقهرت عليها ردت اصيحلها بس متشوفني ما چنت اعرف هي راس البلا..

طلعتلهم نانا تهدأ بي وحمت السالفة كلش طلعو الزلم الثلاثة بقى شهيب والبنية كاعدة خانسة رادت هم تطلع وسحبها من ايدها بقوة خلعها خلع صاحت متألمة ومصدومة بنفس الوقت وهذاك مبين ما متقصد..

-شهيب اذيتني شبيك!!

-شهيب: ما قصدت صدگيني

لزمت ايدها تلوب وتفرك بيها رادت تطلع والاطلس اشر لنانا حتى تصيحلها كل هذا يصير واني مثل الأطرش بالزفة .. من عرفت السالفة ضحكت من كل كلبي والاطلس يسولفلي ومبين متعجب، بقينا للصبح نحجي وادم ويانه ميقبل ينام كلما الاطلس يريد يسرق قبلة مني ادم يكعد على صدر ابوه ويحط رجليناته على حلگ اطلس

-الاطلس: ملعون هذا مرمر من هسة يفتهم ويغار

-مریم: حبیب امه فديته

-مرمر ما نجيبلنا بعد واحد

-والله حبي تدلل نجيب ثنين بعد بس بشرط انتَ التحبل وتربي ها شكلت؟

عفس وجهه وغلف وجهي بأيده يجعصه احاربه بأيدي وعندي حماية صغيروني صاير
جوايه هم يحارب ابوه ويدافعلي بقينا بهاي السعادة وكبر ادم حبيب امه وابوه مدلل الكل
منو يشوفه يتخبل عليه يظل يبوس ويكرص بي...

.....

ملاحظة: لا تطلبون توضيح لان اني نفسي ممفتهمة  🤣🤣 بس هاذ الطلع وما حجو شي غيره اعتقد تكملة المشهد حتطلع بابناء الحسوم

وبعد شغلة المشهد الجاي حيصير طويل ويونس كلش وبي بسملة وعمر اعرف انتو تحبوهم