🦋 إسكريبتات شروق حسام 🦋

إسكريبت 🦋 إنتقام أنثي 🦋

إسكريبت 🦋 بقلم شروق حسام 🦋

_" خاين وكداب بعد 10 سنين حب وغيرهم 5 متجوزين خاني هههههه "

_" وأنتِ إكتشفتي خيانته إزاي "

_" شوفته معاها هم الإتنين بيحتفلوا بعيد ميلادها ومعاهم شاب واضح إنه في الكلية وأنا كنت واقفة قدام المطعم بتفرج عليهم من الإزاز بيلبسها السلسة اللي إخترتها أنا وهو وكان بيقول لي إن واحد صاحبه هو اللي عايزها لمراته ههههه طلع كداب يا دكتورة كداب "

_" وأنتِ بدأتي تشكي فيه من أمتي يا أزهار "

أزهار بضحكة غير متزنة " تصرفاته وطريقته إتغيرت كل حاجة فيه إتغيرت وأنا زي الهبلة ماكنتش بلاحظ ده كان كل أسبوع بيقولي أنا خارج مع صحابي عازمني علي العشا أنا رايح أحلق أنا هتأخر في الشغل أنا أنا أنا أنا كل أسبوع حجة جديدة لحد ما في يوم شوفت رسالة من رقم غريب وكان واضح من طريقة الكلام إنها واحدة وكانت بعتاله لوكيشن المطعم اللي قولت لك عليه "

كملت بدموع " وهناك شوفته بيلبسها السلسلة اللي قولتلك عليها "

أزهار بهستيرية " إستني قبل ما تتكلمي أو تقولي مثلًا إنِ بتوهم بعدها بكام يوم قال لي أنا هتأخر في الشغل فضلت مراقباه لحد ما قابلها كان ماسك إيديها وبيبوسها وكان حاضنها وبيضحك لها الضحكة البسيطة اللي كان بيضحكهالي إختفت وبقت لحد تاني وعشان يبقي عندي دليل علي خيانته صورته "

خلصت كلامها وورتها الصورة اللي بتوضح إنه بيخونها

_" بقيت أسمع أصوات في عقلي بتقولي إنه خاين ويستحق أي حاجة هعملها فيه أنا إتجننت مش كده ياريتني ما كنت حبيته ولا قابلته أصلًا ماكنتش هوصل للي أنا فيه دلوقتي "

أزهار بقهر " ده حتي إبنه الصغير بقي يحس إن أبوه مش بيحبه وبقي يعيط كل ما يقرب منه "

_" في الوقت اللي كنت بحلم معاه بحياة سعيدة كان هو عنده عيلة تانية وبيكونها بس أقسم بالله الواحد الأحد لهدفعه التمن لأنِ مش أنا اللي تتخان ومهما كان حبي ليه كبير إنتقامي هيبقي أكبر "

_" وناوية علي إيه "

_" الجلسة الجاية لما أجي هبقي أحكي لك يا جنان بجد برتاح لما بتكلم معاكِ أنتِ الوحيدة اللي عمرها ما تخوني أو تزعلني "

جنان بتنهيدة وهي بتحضنها " مش صحاب من الحضانة يابت روحي بس وأهدي وأنا هبقي أكلمك أشوف عملتي إيه ماشي "

هزت أزهار ليها راسها وخدت شنطتها وسابتها وخرجت

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة

روحت البيت وكانت حماتها قاعدة بتلعب مع حفيدها إلياس

صفوة بإبتسامة " جيتي يا أزهار كنتِ قعدتي مع صحابك شوية كمان "

أزهار بقهر خفي " تعبت شوية ف مشيت معلش تعبتك معايا وشكل إلياس تعبك "

_" ولا تعب ولا حاجة السكر ده روحي وكمان بحس إنه بيرجعني لشبابي أيام ما كنت بهتم بفارس أبوه "

أزهار بمرح مزيف " طالما كده بقي يا صفصف أنا هدخل أنام شوية "

صفوة بحنان " تصبحي علي جنة يا حبيبتي "

_" وأنتِ من أهل الجنة يا ست الكل "

خلصت كلامها وسابتها ومشيت وعمالة تكلم نفسها بهمس زي المجنونة

_" مامتك بحبها وعمرها ما عاملتني وحش وبتعتبرني بنتها مش مرات إبنها بس مهما كان هدوقك المر أشكال وألوان ولو كانت عارفة حاجة هي كمان وخبت عني هيحصل حاجة أنا مش حابة أعملها بس ياريت تكون متعرفش حاجة لأنِ بحبها "

#إنتقام_أنثي
#شروق_حسام