أبيه يا سعود لو أنه جمرة تحرق كفوفي

الفصل التاسع

الفصل التاسع .

ي مرححباااااا ترحيبه البدوووو لـ سهيل
و أعداد م هبت سحايب مطررها
****
شد قبضته على السلاح و قال بإبتسامه شماتة : وين راعيك؟
بندر أبتسم : رآعيي؟؟
سطام بنذاله : مو أنت كلبة ؟
بندر ضحك بصوت عالي و نبره تخوف : قصدك عمه !
سطام ناظره بنظرات بارده و قال و وجه السلاح عليه : وش حاب تقول
بندر : أممم والله حاب أقول إنك بتندعس هنا !! أنت وياهم !
أما العيال فهموا ليه سطام طلع بس عشان يشتته و يحطون رجلهم و بالفعل ها الي صار
ما سمعوا الا الرجال يصرخون و يقولون إنهم هربوا
لف بندر جهت سطام شافه مب موجود
كل واحد يشغل السياره و يحطون رجلهم و من وراهم مطر من الرصاص
كانت بتركب السياره بس شافته متخبي ورا البرميل و معه عبدالله توهقت و راحت لهم و لحقتها ريناد
سطام لف جهتها وهي جايه تتسحب : إنتي وش تبين ؟؟؟؟ ليهههه رجعتي ها؟؟
تولان إبتسمت بخبث : باقي ما تونست
ريناد ضحكت على تولان و قالت : منتي صاحيه
عبدالله بعصبيه : لا تضحكين يا درج بتفضحينا
ريناد حطت يدها على فمها
الكل راح و صارت الساحه مره فاضيه ما فيها أحد
طلعوا بشويش و توهقوا مافيه سياره
فجأه الا تشهق و راحت جري
تولان لفت لها و فهمت عليها و راحت جري
و كان فيه اسطبل خيول فيه 6
طلعت تولان واحد لونه اسود و راحت تعطيه شوية اكل و بدت تحط عليه السرج و ركبته بكل خفه و ميلت نفسها و باست الخيل و
قالت : بتعبك معي شوي
و صاحت عليه و تحرك و وراها ريهام وهي مبسوطه
تقول : جدول بالخيول اوفف
صارت تمشي فيه بشويش هي وياها و اتجهوا لشخصين كانوا فاتحين فمهم عل الاخير من الصدمه
عبدالله بضحكه : آخرتها وشوو؟؟  بنات يركبون خيول هيا خذلك هههههههههههههههههههههههههههههههههههه
سطام ابتسم و راح جري و طلع له فرس ابيض و و وراه عبدالله
ركبوا الخيول و قالت تولان : مشينا ؟
ريناد : يلاا
و صاحت على الخيل و بدأ يجري
و صاروا يتسابقون
فجأه وقفت تولان و لفت لهم و قالت : وش جابكم انتم أقصد كيف عرفتوا مكاننا ؟؟
سطام : ركزي شوي ترا بفوز عليك
تولان عصبت : طيب أكلمك يا حمار
طنشها و ضحك و كمل جري
صاحت على الخيل عشان يسرع و تدعس سطام
ريناد لعبدالله : وش عندهم ذول تقول بزران
عبدالله ضحك : هم بزران بس محد عنده علم
ريهام فهمت : ها
ناظرها عبدالله و ابتسم و راح يسابقم
و ريناد توها تستوعب و تروح وراهم جري وهي تتحلطم
***
بالسياره الكل ميت ضحك و مستانسين
مشاري : والله جدول
علي ضحك : واضح ان تولان ما تتوب
فارس : حتى الزقه ريناد
مشاري : أمورهم زينه معهم عبدالله و سطام
عبدالرحمن : أبوي يدق عجلوا بالله
**
اما بالسياره الثانيه
رهف تضحك : جدول ياخي
ليان لفت لها : إنتي ما تتوبي
نواف ناظرها من المرايا حقت السواق و قال : المره الجايه انا بخطفها
الكل ناظره بصدمه حتى سعد
غلا ضحكت : اوووووووووو فيه قصه حبببب
رهف بلعت ريقها و قالت : وعوه من زينه
نواف : تراها خاقه ما عليكم منها
سعد : خلاص لا رجعنا تزوجها
نواف جاب العيد : بتزوج غلا
ما حس الا بضربه خلعت له كتفه
نواف صرخ : وجعععععع قلنا تحبها بس شويش على كتفي يا زق
سعد صاح معه وقال : و انت وش تبي لا تحتك فيها لا اهبدك 
ضحك نواف : كلزق
اما غلا و رهف يتمنون تنشق الارض و تبلعهن
قالت سديم بضحكه : واو قصه حب ثانيه
روز تغمز لهن : إي إي
ليان ضحكت : مشاعل مفهيه
مشاعل : ها لالا ما عليك
***
عند الذيب .
صاح عليهم و قال : كيف يعني ؟؟؟
سند : ما ندري طال عمرك بس
الذيب بعصبيه : وش بسسسسسس
دخل بعصبيه وهو يدف الرايح و الجاي و لف له الذيب و جا بيتكلم
و ما حس الا بقبضه منصور بخده وهو يطرحه فالأرض
منصور صاح و عيونه تطلق شرار و يهدده : قلت لك تولان لا تقربها صح ولا لااا؟؟؟
كيف تتجرأ و تخطفها ؟؟
الذيب رفسه و قام و قال وهو يسحبه من تيشيرته : البنت ذي لي أنا و أعلى ما بخيلك أركبه
و طاحت الهوشه بينهم .
***
الكل وصل البيت و طبعا مين وصل قبلهم ؟؟
الاربعه المجانين
استقبلتهم تولان : هلا والله
الكل فتح فمه بصدمه
نزلت غلا و ضمتها : وينك انتي ليه ما جيتي معنا
تولان : باقي ما استانست
علي صقعها على راسها : اهجدي اقول
سطام من وراه : لو سمحت الا زوجتي 
لفت له و كشرت و راحت عنه
علي ضحك و قال : لا انت ولا هي صاحيين
سطام غمز له : ودي اجننها بس اصبر علي
غلا : صدقني بتهبدك بأقرب جزمه لها
سطام ضحك : ما أهون عليها
فجأه سمعوا صياح و مدري وشو و الكل راح و شافوا الشيبان متجمعين و الامهات مبسوطين
الجد بفرح : و بذي المناسبه نسوي عزيمه
الامهات : الطبخ علينا / و ناظروا البنات
البنات ناظروا بعض و حطوا رجلهم
الكل انصدم منهن و فطسوا ضحك
و ناظروا الامهات جهت العيال بخبث
العيال بلعوا ريقهم و ناظروا بعض
ثامر : فكوني انا خارج الموضوع ما اقدر ما اقدر
أم علي : أنت أول احد
أبو سطام : مساكين نجيب لكم خدامات
ام سطام : ما عليك هم يكفون
أم سعد: أتفق معس
تأفف مشاري بطفش
أم مشاري : وش بلاك انت وياه
فارس : ياخي هنا مهلوكين مالنا دخل
أم مشاري حذفت عليه النعول و قالت : بر الوالدين حلو ترا و زين لكم
أم المهند : ما عليك منهم بيجون غصب عنهم
أبو المهند ضحك : حنا مالنا دخل أكيد
سطام يهمس لعبدالله : حنا ضيوف اكيد مراح نشتغل
أم سطام تخزه و قالت : ما عليكم حتى سطام و عبدالله معكم
فتحوا عيونهم و ضحكوا عليهم
أبو عبدالله يضحك على ولده : تستاهل
و اتجهوا الشيبان للمجلس و أخذوا العيال للمطبخ
و كان تقسيم الشغل كتالي
***
سطام و علي و فارس يقطعون البصل
،،
و عبدالله و سعد يغسلون الرز
،،
و نواف و ثامر يغسلون و يقطعون الدجاج
،،
و المهند و عبدالرحمن يعدلون الثوم
،،
و مشاري يقطع السلطه
.....
عند جماعة البصل .
كانوا شوي و يبكون من ريحه البصل و حالتهم حاله
سطام : ريحتي بصل ماشاءالله
فارس : وش عرفك انت ذا عطر جديد
علي : أمااااانه!!
سطام : وش اسم البراند تكفى ابي مثله
فارس يغمز لهم : ترا يسوون منه كحل اذا تبون
سطام : وقف هنا بالله خلاص مابي هونت
علي : ماشاءالله عطر أقوى من العود فجر انفي
ضحك سطام: وش عرفك أنت انا بغيت اشتري زيه قالوا احترق المحل
فارس : أموت و اعرف كيف الحريم يحبونه
علي : لا تلومهم صار خويهم
فارس : اساسا ريحتهم بصل فبصل
أم مشاري من بعيد : كأني سمعت شي
بلع ريقه : لالا يمه ولاشي
أم مشاري : احسب بعد
،،،
عند أصحاب الدجاج..
ثامر : أقولك نيف
نواف : هاه
ثامر : ليه نأكل دجاج
نواف يناظره بغباء
ثامر دخل فالعالم الموازي و قال : تخيل الدجاج يأكلنا !!
نواف : تخيل أنا اكلك
ثامر : أنت طالق ما ابغاك بس ياخي مسكينه بتروح فبطني
نواف: إي مسكينه بتنشوي
ثامر : تروح العزاء؟؟
نواف انخرش : عزاء مين
ثامر : الدجاجه
نواف ناظره و هجم عليه و / طاخ طيخ طررروخ
،،،
عند اصاحب السلطه
كأن يقطع بكل ذمه و ضمير الا و يتربع فارس و سطام و قعدوا يأكلون من السلطه
مشاري : هييييييييييه قم قم أنت وياه
سطام : خلاص بصير مؤدب
و قعد فارس كل شوي يمد يده و يبلع
مشاري : أقول ترا ربع السلطه فبطنك
فارس : قل ماشاءالله بس لا تصكنا بعين
سطام قلب عليه : يلا يلا مناك
فارس فتح فمه و عدل جلسته و قال : والله ماني متحرك من مكاني
و يقوم مشاري و سطام و يمسكونه من رجوله و إيده
و يرمونه جنب علي الي فاطس عليه ضحك
،،
عند أصحاب الثوم .
المهند : أفف يالريحه
عبدالرحمن : خلاص بتزوج انا
لف عليه المهند بفجعه
عبدالرحمن  : وش فيك ؟؟ اي ماعاد ابغى اطبخ
المهند : لا يكون متزوجها لبطنك
عبدالرحمن  : يمكن
ضحك عليه و قال : والله أنك حمار
عبدالرحمن : أحترم عمك
المهند فطس ضحك عليه
******
عند البنات ..
الكل خلص متروش و قاعدين مع بعض يفضفضون
تولان : بنات تعالوا ننخمد فيني نوم
الكل راح و سدحوها نومه الا بنت وحده الي هي ريناد
كشخت و نزلت تحت و دخلت المطبخ بتشرب مويه
شافت واحد مرجع ظهره وحاط منشفه بارده بوجهه و واضح انه مهلوك
من زود الفضول راحت و شالت المنشفه بتشوف مين هو
شافت عبدالله يناظرها و مصدوم
اما هي عقدت حواجبها بإستغراب و رجعت تغطي وجهه
و تقول بينها و بين نفسها : أنا نايمه ولا وش ؟
و رجعت تشيل المنشفه تناظره الا ذا عبدالله صدق يناظرها
كان المسكين متجمد مو عارف وش يسوي
ريناد لفت له و مسكت وجهه و هبدته كف و توجع و صاح : احح وش فيك انتي
ريناد صرخت : يمه طلع مو حلم يمهه
عبدالله : وش الي مو حلم خلعتي فكي
ريناد تناظره مصدومه و توها تستوعب انها صكته أحسن كف : يماااااااااههه
و حطت رجلها و راحت للبنات
اما هو ما يدري يضحك ولا يعصب رجع ظهره لورا و رمى المنشفه بوجهه و غمض عيونه و رجع يتخيل وجهها وهو مبتسم
.....
...
..
.
.
.
.
.
.
.
.
.............................